അതില്ലെങ്കില് പറ്റില്ലെന്നേ... പ്രമുഖ നടിമാര് നൃത്തം പഠിക്കുന്ന ഡാന്സ് സ്കൂളില് നിന്ന് വന് കഞ്ചാവ് വേട്ട; പേടിയോടെ ന്യൂ ജനറേഷന് നായികമാര്
ന്യൂ ജനറേഷന് നായികമാര്ക്ക് അതില്ലെങ്കില് പറ്റില്ലെന്ന അവസ്ഥയായി. കഴിഞ്ഞ ദിവസം കൊച്ചിയില് നടന്ന റെയ്ഡില് ഇക്കാര്യമാണ് വ്യക്തമായത്. കഴിഞ്ഞ ദിവസമാണ് നടിമാര് നൃത്തം പഠിക്കുന്ന കൊച്ചി പനമ്പള്ളി നഗറിലെ നക്ഷത്ര സൗകര്യമുള്ള കെട്ടിടത്തിലെ താണ്ഡവം നൃത്തസ്കൂളില് നിന്ന് പൊലീസ് കഞ്ചാവ് പിടിച്ചെടുത്തത്.
നടന് ഷൈന് ടോം ചാക്കോയും സുഹൃത്തുക്കളും കൊക്കൈനുമായി പിടികൂടിയതുമായി ബന്ധപ്പെട്ട അന്വേഷണങ്ങളാണ് താണ്ഡവത്തിലേക്കും കാര്യങ്ങള് എത്തിച്ചത്. ഒരു കിലോഗ്രാം കഞ്ചാവാണ് ഇവിടെ നിന്ന് ഷാഡോ പൊലീസ് പിടിച്ചെടുത്തത്.
കൊക്കെയ്ന് കേസുമായി ബന്ധപ്പെട്ട് സംശയ നിഴലിലായ ചിലര് ഇവിടെ സ്ഥിരമായി നൃത്ത പരിശീലനത്തിനെത്തിയിരുന്നു. അതോടെ കൊച്ചി സിറ്റി പൊലീസ് വിശദമായി അന്വേഷണം നടത്താന് തീരുമാനിച്ചു. കേസുമായി ബന്ധപ്പെട്ട് സ്ഥാപന ഉടമ എറണാകുളം നസ്രത്ത് രാജേഷ് കുമാറിനെ ( 35) അറസ്റ്റ് ചെയ്തു.
കൂടുതല് ചോദ്യം ചെയ്യാനായി സ്ഥാപനത്തിലെ രണ്ട് ജീവനക്കാരെ കസ്റ്റഡിയിലെടുത്തു. കൊച്ചിയിലും പരിസരത്തും താമസിക്കുന്ന താരങ്ങളാണ് ഇവിടെ നൃത്തം പരിശീലിക്കുന്നത്.
നൃത്ത വിദ്യാലയത്തിലെ ഹാളില് നിന്നാണ് കഞ്ചാവ് പിടിച്ചെടുത്തത്. ഈ സമയം ഓഫീസിലുണ്ടായിരുന്ന രാജേഷിനെ പൊലീസ് അറസ്റ്റ് ചെയ്യുകയായിരുന്നു. നൃത്ത പരിശീലനത്തിനെത്തുന്ന ചിലര്ക്ക് നല്കാനായി കഞ്ചാവ് ശേഖരിച്ചതാണെന്ന് രാജേഷ് മൊഴി നല്കി.
സിനിമാ താരങ്ങളെ ഉദ്ദേശിച്ചാണ് ഇതെന്നാണ് സൂചന. അതുകൊണ്ട് തന്നെ വിശദ ചോദ്യം ചെയ്യല് വേണ്ടിവരും. അന്വേഷണം വഴി തെറ്റിക്കാനാണോ ഇത്തരമൊരു മൊഴിയെന്നും സംശയമുണ്ട്. ആര്ക്കൊക്കെയാണെന്നും കഞ്ചാവിന്റെ ഉറവിടവും അയാള് വെളിപ്പെടുത്തിയില്ല. അടുത്തകാലത്ത് ന്യൂജനറേഷന് ചലച്ചിത്രതാരങ്ങള് കഞ്ചാവ് ഉള്പ്പെടെയുള്ള മയക്കുമരുന്ന് ഉപയോഗിക്കുന്നുവെന്ന റിപ്പോര്ട്ടുകളുടെ അടിസ്ഥാനത്തിലാണ് ഇവര് എത്തുന്ന കേന്ദ്രങ്ങളില് പൊലീസ് നിരീക്ഷണം ശക്തമാക്കിയത്.
കേരളത്തിന് വെളിയില് നിന്ന് കഞ്ചാവ് എത്തുന്നതായി വിവരം ലഭിച്ചതനുസരിച്ച് താണ്ഡവ് കുറച്ചുനാളായി പൊലീസിന്റെ നിരീക്ഷണത്തിലായിരുന്നു.
കുറച്ച് ദിവസം മുമ്പ് രഹസ്യവിവരത്തിന്റെ അടിസ്ഥാനത്തില് പൊലീസ് കാത്തുനിന്നെങ്കിലും ഒന്നും കണ്ടെത്താനായില്ല. വെള്ളിയാഴ്ച രാവിലെ വീണ്ടും വിവരം ലഭിച്ചതനുസരിച്ച് പൊലീസ് സംഘം താണ്ഡവിന്റെ ഓഫീസില് വിശദമായ പരിശോധന നടത്തി. ഡാന്സ് സ്കൂള് എന്നാണ് വിലാസത്തിലുള്ളതെങ്കിലും ഇവിടെ നൃത്തപഠനം നടക്കുന്നില്ലെന്ന് പൊലീസ് പറഞ്ഞു.
സ്റ്റേജ് ഷോകളിലെയും മറ്റും നൃത്ത ഇനങ്ങളില് താരങ്ങള്ക്കൊപ്പം പങ്കെടുക്കുന്നവരാണ് താണ്ഡവത്തിലെ അംഗങ്ങള് മിക്കവരും. 16 പേര് സംഘത്തിലുണ്ടെന്ന് പൊലീസ് പറഞ്ഞു. പിടിച്ചെടുത്ത കഞ്ചാവ് ഉയര്ന്ന നിലവാരത്തിലുള്ളതാണെന്ന് കണ്ടെത്തിയിട്ടുണ്ട്. ബംഗളൂരുവില് നിന്നാണ് കഞ്ചാവ് എത്തുന്നതെന്നാണ് പൊലീസിന് ലഭിച്ച വിവരം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha