കെ.എം മാണിയും പി.സി ജോര്‍ജും തമ്മിലുള്ള തര്‍ക്കത്തില്‍ കെ.പി.സി.സി ഇടപെടില്ലെന്ന് അധ്യക്ഷന്‍ വി.എം സുധീരന്‍. മാണിയുടെയും ജോര്‍ജിന്റെയും നിലപാട് അറിഞ്ഞശേഷമായിരിക്കും നടപടി. ഇക്കാര്യത്തില്‍ മുഖ്യമന്ത്രിയുമായും ചര്‍ച്ച നടത്തിയിട്ടുണ്ടെന്നും സുധീരന്‍ വൈക്കത്ത് പറഞ്ഞു.
അതേസമയം, പ്രശ്‌നം പരിഹരിക്കാന്‍ മുഖ്യമന്ത്രിക്കും യു.ഡി.എഫിനും കഴിയുമെന്ന് മുതിര്‍ന്ന കോണ്‍ഗ്രസ് നേതാവ് എ.കെ ആന്റണി പറഞ്ഞു. മുഖ്യമന്ത്രിയുമായി ചര്‍ച്ച നടത്തിയ ശേഷം മാധ്യമങ്ങളോട് പ്രതികരിക്കുകയായിരുന്നു ആന്റണി. എന്നാല്‍ ചര്‍ച്ചയെ കുറിച്ച് പ്രതികരിക്കാന്‍ ഉമ്മന്‍ ചാണ്ടി തയ്യാറായില്ല. പറയാനുള്ളതെല്ലാം കഴിഞ്ഞ ദിവസം അറിയിച്ചതാണെന്ന് മുഖ്യമന്ത്രി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha