അങ്ങനെ ആളാവേണ്ട... ബാര് കോഴക്കേസില് മൂന്നു മന്ത്രിമാര്ക്കെതിരേകൂടി അന്വേഷണം വേണമെന്നാവശ്യപ്പെട്ടു വി.എസ്. വിജിലന്സ് ഡയറക്ടര്ക്ക് കത്തു നല്കി
ബാര് കോഴക്കേസില് ആരോപണ വിധേയരായ മൂന്നു മന്ത്രിമാര്ക്കെതിരേകൂടി അന്വേഷണം വേണമെന്നാവശ്യപ്പെട്ടു പ്രതിപക്ഷ നേതാവ് വി.എസ്. അച്യുതാനന്ദന് വിജിലന്സ് ഡയറക്ടര്ക്കു കത്തു നല്കി. രമേശ് ചെന്നിത്തല, കെ. ബാബു. വി.എസ്. ശിവകുമാര് എന്നിവര്ക്കെതിരെയാണ് അന്വേഷണം ആവശ്യപ്പെട്ടിരിക്കുന്നത്.
സംസ്ഥാന ബജറ്റിന് തലേ ദിവസമാണ് ഈ മൂന്ന് മന്ത്രിമാരുടെ പങ്ക് വെളിപ്പെടുന്ന ശബ്ദ രേഖ പുറത്തു വന്നത്. സര്ക്കാരിലെ പ്രബലന്മാരായ ആഭ്യന്തര മന്ത്രി രമേശ് ചെന്നിത്തല, കെ ബാബു, വി എസ് ശിവകുമാര് എന്നീ മന്ത്രിമാര് കോഴ വാങ്ങിയെന്ന് പറയുന്ന ശബ്ദ രേഖയാണ് പുറത്ത് വന്നത്. ബാര് ഹോട്ടല് ഉടമാ അസോസിയേഷന് യോഗത്തിലെ ശബ്ദരേഖയാണ് ഇത് വ്യക്തമാക്കുന്നത്.
കെപിസിസി ഓഫീസില് വച്ച് രമേശ് ചെന്നിത്തലയ്ക്ക് പണം കൊടുത്തില്ലേ എന്ന് ബിജു രമേശ് ശബ്ദരേഖയില് ചോദിക്കുന്നുണ്ട്. ഇതിന് കൈക്കൂലി കൊടുത്തുവെന്ന് ഒരു ബാറുടമ മറുപടി പറയുന്നു. എല്ലാം പറഞ്ഞാല് രമേശ് ചെന്നിത്തല പ്രതിയാവില്ലേ എന്ന് ബിജു രമേശിന്റെ ചോദ്യം. അങ്ങനെ പറഞ്ഞാല് കെ ബാബുവും വി എസ് ശിവകുമാറും പ്രതിയാകില്ലേ എന്നും ബിജു രമേശ് പറയുന്നു. നമ്മളെല്ലാം പറഞ്ഞാല് ഇവരെല്ലാം പെട്ടുപോകുമെന്നും ഒരു ബാറുടമ പറയുന്നു. സത്യം പുറത്ത് വന്നാല് നാലഞ്ച് മന്ത്രിമാര് പുറത്തു പോകും. ഒന്നുകില് എല്ലാം പുറത്ത് പറഞ്ഞ് എല്ലാം കത്തിക്കണമെന്നും ബാറുടമകള് പറയുന്നു.
ശിവകുമാറിന് നെയ്യാറ്റിന്കരിയിലെ വീട്ടില് പോയി 20 ലക്ഷം രൂപ നല്കിയെന്നാണ് ആരോപണം ഉയരുന്നത്.
കംപ്യൂട്ടറൈസ് ചെയ്ത ഡെലിവറിങ് യൂണിറ്റ് മാനുവലാക്കാന് മാണി ഒരു കോടി രൂപ ചോദിച്ചെന്ന് ഇതേ യോഗത്തില് വെളിപ്പെടുത്തലുണ്ട്. ഇത് പ്രകാരം അത് മാനുവലാക്കി പിന്നീട് നമ്മുടെ ഫീസ് കൂട്ടാന് തീരുമാനിച്ചു. അതും മാണിയുടെ സമ്മര്ദ്ദ തന്ത്രമായിരുന്നു എന്ന് ബിജു രമേശ് പറയുന്നു.
കാശ് വാങ്ങാത്തത് നന്നായി എന്ന് സാഹിബ് പറഞ്ഞതായി യോഗത്തില് ബാറുടമ വി എം രാധാകൃഷ്ണന് പറയുന്നു. താനൊഴികെ എല്ലാവരും പണം വാങ്ങിയതായി സാഹിബ് സമ്മതിച്ചുവെന്നും രാധാകൃഷ്ണന്റെ ശബ്ദമുണ്ട്.
ഇത്ര വലിയ വാര്ത്തയായിട്ടും പ്രതിപക്ഷം ഇത് നിയമസഭയില് ഉന്നയിച്ചില്ല. ഇത് അഡ്ജസ്റ്റ്മെന്റാണെന്നാണ് വിലയിരുത്തിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha