സിപിഎമ്മിന് കോണ്ഗ്രസ് പേടി, അഴിമതിക്കെതിരെ പോരാട്ടം പൊളിഞ്ഞതില് അണികളില് ആശങ്ക, ഒറ്റയാള് പോരാട്ടത്തിന് വിഎസ്
സിപിഎമ്മിന് കോണ്ഗ്രസിനെ പേടിയോ അതോ വിഎസിനെയോ? പാര്ട്ടി സമ്മേളനത്തില് നിന്ന് ലഭിച്ച ഊര്ജ്ജം നിയമസഭയിലെ പൊല്ലാപ്പോടെ അവസാനിച്ചു. സോളാര്സമരം, ദേശീയ ഗെയിംസ് അഴിമതി,ബാര് കോഴ വിവാദം എന്നിവയില് സിപിഎം പൂര്ണമായും പരാജപ്പെട്ടു. മാത്രമല്ല മന്ത്രിമാരായ അനൂപ് ജേക്കമ്പ്, അടൂര്പ്രകാശ്, തുടങ്ങിയവര്ക്കെതിരെ ഉയര്ന്ന അഴിമതി ആരോപണങ്ങള് സിപിഎം കണ്ടില്ലെന്ന് നടിക്കുകയും ചെയ്തു. എന്നാല് ഇതിനെതിരെ ശബദ്ധിച്ചത് വിഎസ് മാത്രമാണ്.
കഴിഞ്ഞ കുറച്ച് നാളുകളായി സര്ക്കാരിനെതിരെ പലവിധ ആരോപണങ്ങള് ഉയര്ന്ന് വന്നതാണ്. എന്നാല് അതൊന്നും മുതലാക്കാന് സിപിഎമ്മിന് കഴിഞ്ഞില്ല. സോളാര് സമരം കേരളം കണ്ട എറ്റവും വലിയ സമരമായി സിപിഎമം മാറ്റിയെടുത്തതാണ്. എന്നാല് കോണ്ഗ്രസുകാരുമായുണ്ടാക്കിയ അഡ്ജസറ്റ്മെന്റ് സമരമായിരുന്നു അതെന്ന് കേരളം തിരിച്ചറിഞ്ഞത് വളരെ വൈകിയാണ്. സിപിഎം തെറ്റ് ഏറ്റ് പറഞ്ഞില്ലെങ്കിലും സിപിഐ തെറ്റ് സമ്മതിച്ചു. സോളാര്സമരം ഭരണ പക്ഷവും പ്രതിപക്ഷവും തമ്മിലുള്ള അഡ്ജസ്റ്റ്മെന്റ് സമരമായിരുന്നുവെന്ന് പന്ന്യരവിന്ദ്രന് സമ്മതിച്ചിരുന്നു.
വിഎസിനു നേരെയാണ് പാര്ട്ടിയുടെ മുഴുവന് ശ്രദ്ധയും. വിഎസിനെ എങ്ങനെയെങ്കിലും പാര്ട്ടിയില് നിന്നും പ്രതിപക്ഷ നേതൃസ്ഥാനത്ത് നിന്നും പുറത്താക്കുക. ഇതിനായി പിണറായി വിജയന് പിബിയിലും കേന്ദ്ര കമ്മിറ്റിയിലും നടത്തിയ നീക്കങ്ങള് പാളിപ്പോയിരുന്നു. പിണറായിക്കെതിരെ കൊടിയേരി തന്നെ രംഗത്ത് വന്നിരുന്നു. വിഎസിനെ മാറ്റി ഇപി ജയരാജനെ പ്രതിപക്ഷ നേതാവാക്കാന് പിണറായി വിജയന് നടത്തുന്ന നാണംകെട്ട ശ്രമം കൊടിയേരിയും ചില കേന്ദ്ര നേതാക്കളും കൂടി ചേര്ന്ന് പൊളിച്ചു. ഇതുപോലെ സംസ്ഥാന സമ്മേളനത്തിലും ഇപിയെ സെക്രട്ടറിയാക്കാന് പിണറായി ശ്രമിച്ചിരുന്നു.വിഎസ് ഉള്ളടുത്തോളം കാലം സമരം ചെയ്താല് ക്രെഡിറ്റെല്ലാം വിഎസ് കൊണ്ട് പോകുമെന്ന പാര്ട്ടിയുടെ ധാരണയാണ് അഴിമതിക്കുനേരെ സിപിഎം കണ്ണടയ്ക്കുന്നത്.
കഴിഞ്ഞ ദിവസം ബാര്കോഴയില് പങ്കുള്ള മൂന്ന് മന്ത്രിമാര്ക്കെതിരെ കേസെടുക്കണമെന്ന് വിഎസ് വിജിലന്സ് ഡയറക്ടര്ക്ക് കത്തയച്ചത് മറ്റ് എല്ലാപത്രങ്ങളും പ്രാധാന്യത്തോടെ കൊടുത്തപ്പോള് ദേശാഭിമാനി അത് അഞ്ചാംപേജില് ഒരുകോളം വാര്ത്തയിലൊതുക്കി. കോണ്ഗ്രസ് മന്ത്രിമാരായ അഭ്യന്തരമന്ത്രി രമേശ് ചെന്നിത്തല, എക്സൈസ് മന്ത്രി കെ ബാബു, ആരോഗ്യവകുപ്പ് മന്ത്രി വിഎസ് ശിവകുമാര് എന്നിവര്ക്കെതിരെ അഴിമതി നിരോധന നിയമപ്രകാരം എഫ്ഐആര് രജിസ്റ്റര് ചെയ്ത് കേസെടുക്കണമെന്നാണ് വിഎസ് ആവശ്യപ്പെട്ടത്.
പ്രതിപക്ഷ നേതാവ് ഇത്രയും ഗുരുതരമായി മന്ത്രിമാര്ക്കെതിരായ ആരോപണങ്ങളെ കാണുബോള് പാര്ട്ടി അതിന് പിന്തുണകൊടുക്കാതെ വിഎസിനെ നാണകെടുത്താനാണ് ശ്രമിക്കുന്നതെന്ന് ആരോപണമുണ്ട്.
സിപിഎമ്മിലെ പല നേതാക്കന്മാരുടെയും കള്ളക്കളികളുടേയും ബിനാമി ഇടപാടുകളുടേയും തെളിവുകള് ഉമ്മന്ചാണ്ടിയുടെ കയ്യിലുണ്ട്. അത് ഭയന്ന് കൊണ്ടാണ് സിപിഎം അഴിമതി ആരോപണങ്ങളെ വേണ്ട രീതിയില് പരിഗണിക്കാത്തത്. സോളാര്ക്കേസിലും ഇത് തന്നെയാണ് സംഭവിച്ചത്. പിണറായി വിജയനും കുഞ്ഞാലികുട്ടിയും കെ ബാബുവും തമ്മില്ലുള്ള സന്ധി സംഭാഷണത്തിലാണ് സോളാര് സമരം അവസാനിച്ചത്. അത് പോലെ തന്നെയാണ് ബാര്കോഴ ആരോപണവും. പല സിപിഎം നേതാക്കന്മാരും ആരോപണമുന്നയിച്ച ബാര്മുതലാളിമാരില് നിന്ന് മാസപ്പടി പറ്റുന്നവരാണ്. പിന്നെ എങ്ങനെ സമരം ചെയ്യും. അത് കൊണ്ടാണ് അഴിമതിക്കെതിരെ സമരം ചെയ്യുന്ന വിഎസിനെതിരെ സിപിഎം പട നയിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha