ഭൂരഹിതരില്ലാത്ത കേരളം പദ്ധതിയില് വിതരണം ചെയതത് വ്യാജ പട്ടയമെന്ന് ആക്ഷേപം
ഭൂരഹിതരില്ലാത്ത കേരളം പദ്ധതിയുടെ ഭാഗമായി തിരുവനന്തപുരത്ത് പാവപ്പെട്ടവര്ക്ക് സോണിയാഗാന്ധി വിതരണം ചെയ്തത് ഉദ്യോഗസ്ഥരൊപ്പിട്ട വ്യാജ പട്ടയം. പട്ടയം ലഭിച്ചവരില് പലരും ഭൂമിക്കായി വില്ലേജ് ഓഫീസിലും താലൂക്കോഫീസിനെയും സമീപിച്ചപ്പോഴാണ് ഈ പട്ടയത്തില് ഭൂമിയില്ലെന്ന് അറിഞ്ഞത്. പരാതിയുമായി കലക്ടറെയും സാക്ഷാല് റവന്യൂമന്ത്രിയെയും കണ്ട പാവങ്ങള്ക്ക് മന്ത്രിയുടെ വക ചിരിയായുരുന്നു കിട്ടിയത്. ഇനി എന്ത് ചെയ്യണമെന്നറിയാതെ വീണ്ടും വീണ്ടും ഓഫീസുകള് കയറിയിറങ്ങുകയാണ് ഈ പാവങ്ങള്. പാര്ലമെന്റ് തെരഞ്ഞെടുപ്പ് മുന്നില് കണ്ട് 2013 സെപ്റ്റംബര് 30 ന് തിരുവനന്തപുരത്താണ് യു.ഡി.എഫ് സര്ക്കാര് പട്ടയമേള നടത്തിയത്. സലോണിയാ ഗാന്ധിയാണ് ഇവിടെ പട്ടയ വിതരണം നടത്തിയത്. പട്ടയം കിട്ടിയവര് പട്ടയഭൂമി കണ്ടെത്താന് വില്ലേജോഫീസില് പോയപ്പോഴാണ് അക്കിടി മനസിലായത്.
അടൂര് താലൂക്കില് ഏഴംകുളം വില്ലേജില് തൊടുവക്കാട് ചാമക്കാലായില് ശ്രീകുമാര് ഭവനത്തില് സുഭാഷിണിക്ക് ലഭിച്ചത് 00.0121 ഹെക്ടര് ഭൂമിക്കുള്ള പട്ടയരേഖയായിരുന്നു. നമ്പര് 01/13/ഇ.ഇസഡ്.കെ.എം/ഇസഡ്.എല്.എല്.എപി നമ്പരിലായിരുന്നു പട്ടയം. അടൂര് താലൂക്കില് ബ്ലോക്ക് നമ്പര് 20 ല് സര്വേ നമ്പര് 480/23 നമ്പരിലുള്ള ഭൂമിയാണ് ഇവര്ക്ക് നല്കിയത്.
പട്ടയരേഖയുമായി അടൂര് താലൂക്ക് ഓഫീസിലെത്തിയ ഇവരോട് ഇങ്ങനെ ഒരു ഭൂമിയില്ലയില്ലെന്നാണ് തഹസില്ദാരും മറ്റ് ഉദ്യോഗസ്ഥരും പറഞ്ഞത്.
ബ്ലോക്ക് നമ്പര് കൃത്യമാണ്. പക്ഷേ, സര്വേ നമ്പരില്ല. പട്ടയം കൊടുത്തിരിക്കുന്നത് അടൂര് താലൂക്ക് ഓഫീസില് നിന്നും. ഒപ്പിട്ടിരിക്കുന്നത് തഹസില്ദാരും. എന്നാല് ഭൂമിയില്ല. ഇതാണ് വോട്ട്കിട്ടാന് വേണ്ടി സര്ക്കാരുതന്നെ ജനങ്ങളെ പറ്റിച്ചത്. അതും സ്വന്തമായി ഭൂമിയില്ലാത്ത പാവപ്പെട്ടവരെ.
തങ്ങള്ക്കുള്ള ഭൂമി എവിടെ എന്നു ചോദിച്ച് പാവങ്ങള് ഓഫീസുകള് കയറിയിറങ്ങാന് തുടങ്ങിയിട്ട് നാളുകള് ഏറെയായി. കലക്ടറും തഹസില്ദാരും കൈമലര്ത്തി. നാട്ടുകാരനായ റവന്യൂമന്ത്രി അടൂര് പ്രകാശിനെയും കണ്ടു. ഇത്തരം തട്ടിപ്പുകളില് മനസറിവുള്ളതു കൊണ്ടായിരിക്കണം അദ്ദേഹവും കൈമലര്ത്തി. ഒരാള്ക്ക് കിട്ടിയിരിക്കുന്ന പട്ടയരേഖയിലെ സര്വേ നമ്പര് വച്ചു നോക്കിയപ്പോള് അതു പൊതുമരാമത്ത് റോഡാണ്
ഭൂരഹിതകേരള പദ്ധതി പ്രകാരം സോണിയാ ഗാന്ധി വിതരണം ചെയ്ത പട്ടയം ലഭിച്ചവര്ക്ക് ഇനിയും ഭൂമി കിട്ടാത്തതില് പ്രതിഷേധിച്ച് കെ.എസ്.കെ.ടി.യു. നേതൃത്വത്തില് നാളെ റവന്യുമന്ത്രി അടൂര് പ്രകാശിന്റെ അടൂരിലെ വസതിയിലേക്ക് മാര്ച്ച് നടത്തും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha