ചെന്നിത്തല അറിയാതെ മുഖ്യമന്ത്രിയുടെ സ്പൈവര്ക്ക്, കേരള കോണ്ഗ്രസ് എംഎല്എമാര്രഹസ്യാന്വേഷണ പൊലീസിന്റെ നിരീക്ഷണത്തില്
കെ എം മാണി-പി സി ജോര്ജ് പോരില് സര്ക്കാരിന്റെ നിലനില്പ്പ് അപകടത്തിലായതോടെ കേരള കോണ്ഗ്രസ് എംഎല്എമാരെ വട്ടമിട്ട് രഹസ്യാന്വേഷണ പൊലീസിനെ നിയോഗിച്ചതായി സൂചന. എംഎല്എമാരുടെ നീക്കം അറിയിക്കുന്നതിന് ഇന്റലിജന്സിലെ വിശ്വസ്തരായ ഒരുവിഭാഗം ഉദ്യോഗസ്ഥരെ മുഖ്യമന്ത്രിയാണ് ചുമതലപ്പെടുത്തിയത്. ചീഫ്വിപ്പ് പി സി ജോര്ജിന്റെ എല്ലാ പരിപാടികളിലും \'അജ്ഞാതരായ\' ഈ പൊലീസുകാരുടെ സാന്നിധ്യമുണ്ടാകും. മുമ്പ് സംഘടന പിടിക്കാനും ഭരണം നിലനിര്ത്താനും കെ കരുണാകരന് പൊലീസിനെ ഉപയോഗിച്ച് നടത്തിയ \'ചാര പ്രവര്ത്ത\'ത്തിന് സമാനമാണ് ഉമ്മന്ചാണ്ടിയുടെ ഓപ്പറേഷന്. ആഭ്യന്തരമന്ത്രി അറിയാതെയാണ് ഈ നീക്കം. കേരള കോണ്ഗ്രസ് എംഎല്എമാരെല്ലാം തനിക്കൊപ്പമാണെന്ന മാണിയുടെ അവകാശവാദത്തില് ഉമ്മന്ചാണ്ടിക്ക് ഉറപ്പ്പോരാ. മൂന്ന് എംഎല്എമാര് തന്നോടൊപ്പമാണെന്നും ആവശ്യം വരുമ്പോള് അവര് കൂറു പ്രഖ്യാപിക്കുമെന്ന് പി സി ജോര്ജും ഉമ്മന്ചാണ്ടിയെ അറിയിച്ചിട്ടുണ്ട്.
യുഡിഎഫ് നേതൃത്വത്തെ അന്ധാളിപ്പിലാക്കി രണ്ട് ദിവസം മൗനം ആചരിച്ച മന്ത്രി പി ജെ ജോസഫ് ഞായറാഴ്ച പി സി ജോര്ജിനെ തള്ളിപ്പറഞ്ഞെങ്കിലും ഉമ്മന്ചാണ്ടി സന്തുഷ്ടനല്ല. മാണിക്കെതിരായ ശക്തമായ വികാരം എംഎല്എമാര്ക്കിടയിലും പാര്ടിയിലുമുണ്ടെന്ന് കോട്ടയം ഡിസിസി പ്രസിഡന്റടക്കമുള്ളവര് ഉമ്മന്ചാണ്ടിയെയും കെപിസിസി, യുഡിഎഫ് നേതൃത്വത്തെയും ധരിപ്പിച്ചിട്ടുണ്ട്. ഇവരില് പലരും ഭയം കാരണമാണ് പരസ്യമായി പ്രതികരിക്കാത്തത്. എംഎല്എമാരുടെ മനസ്സിലിരിപ്പും കൂറും അറിയാന് വിശ്വസ്തരായ ഇന്റലിജന്സ് ഉദ്യോഗസ്ഥരെ ഉമ്മന്ചാണ്ടി ചുമതലപ്പെടുത്തിയത് ഈ പശ്ചാത്തലത്തിലാണ്. ചീഫ്വിപ്പ് പി സി ജോര്ജും രഹസ്യാന്വേഷണവിഭാഗത്തിന്റെ നിരീക്ഷണത്തിലാണ്.
ജോര്ജിന്റെ ഓരോ നീക്കവും ഭയത്തോടെയാണ് ഉമ്മന്ചാണ്ടി നോക്കിക്കാണുന്നത്. അദ്ദേഹത്തിന്റെ കൈവശമുള്ള ചില ബോംബുകള് പൊട്ടിച്ചാല് സര്ക്കാര്തന്നെ ചാമ്പലാകുമെന്ന് നന്നായറിയാവുന്നയാളാണ് ഉമ്മന്ചാണ്ടി. സോളാര് കേസില് ഉമ്മന്ചാണ്ടിയെ നേരിട്ട് ബന്ധപ്പെടുത്താവുന്ന ചില തെളിവുകള് പി സി ജോര്ജിന്റെ കൈവശമുണ്ടെന്ന് അദ്ദേഹത്തിന്റെ വിശ്വസ്തര് തന്നെ പ്രചരിപ്പിക്കുന്നുണ്ട്. ഇതിനു പുറമെ ബാറുടമകളില്നിന്ന് മാണിക്കുപുറമെ കോണ്ഗ്രസ് മന്ത്രിമാര് കോഴ വാങ്ങിയതിന്റെ തെളിവും ജോര്ജിന്റെ കൈവശമുള്ളതായി മുഖ്യമന്ത്രി ഭയക്കുന്നു. ആര് സെല്വരാജിനെ കൂറുമാറ്റിക്കാന് നടത്തിയ കുതിരകച്ചവടത്തിന്റെ രഹസ്യവും നന്നായറിയാവുന്നയാളാണ് ജോര്ജ്. ഇക്കാര്യം ജോര്ജ് പരസ്യപ്പെടുത്തിയാല് ഏറെ നാണംകെടുക ഉമ്മന്ചാണ്ടിയാകും. അതിനാലാണ് ജോര്ജിന്റെ ഓരോ നീക്കവും നിരീക്ഷിക്കാന് പൊലീസിനെ ഉമ്മന്ചാണ്ടി ചുമതലപ്പെടുത്തിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha