ആര്ത്തവവിരാമ അസ്വസ്ഥതകള് നേരിടാന് ഗര്ഭാശയം നീക്കം ചെയ്യുന്നത് അപകടം
ആര്ത്തവവിരാമ അസ്വസ്ഥതകള് നേരിടാന് വ്യാപകമായി ഗര്ഭാശയം നീക്കം ചെയ്യുന്നു. ഗര്ഭാശയവും അണ്ഡാശയവും അനാവശ്യമായി നീക്കം ചെയ്യാന് ഡോക്ടര് ഉപദേശിക്കുകയാണെങ്കില് രണ്ടാമതൊന്നു കൂടി ആലോചിക്കുക. കാരണം ഇന്ത്യയില് ഗര്ഭാശയവും അണ്ഡാശയവും അനാവശ്യമായി നീക്കം ചെയ്യുകയാണെന്ന് കേന്ദ്ര ആരോഗ്യ മന്ത്രാലയം കണ്ടെത്തിയിരിക്കുന്നു. സിസേറിയന് കഴിഞ്ഞാല് ഇന്ത്യയില് ഏറ്റവുമധികം നടക്കുന്നത് ഗര്ഭാശയം നീക്കം ചെയ്യുന്ന ശസ്ത്രക്രിയയാണ്.
ആര്ത്തവ വിരാമത്തെ തുടര്ന്നുണ്ടാകുന്ന അനിയന്ത്രിതമായ രക്ത പ്രവാഹമാണ് ഗര്ഭാശയം നീക്കം ചെയ്യാനുള്ള പ്രധാന കാരണം. എന്നാല് മറ്റെല്ലാ ചികിത്സകളും നടത്തി പരാജയപ്പെടുമ്പോള് മാത്രമേ ഗര്ഭാശയം നീക്കം ചെയ്യാന് പാടുള്ളൂവെന്ന് കേന്ദ്ര ആരോഗ്യമന്ത്രാലയം പറയുന്നു.
ആര്ത്തവ വിരാമത്തെ തുടര്ന്നുള്ള അസ്വസ്ഥതകള് നേരിടാന് രാജ്യത്തിന്റെ ചില ഭാഗങ്ങളില് സ്ത്രീകള് സ്വയം സന്നദ്ധരായി ഗര്ഭാശയം നീക്കം ചെയ്യുന്ന ശസ്ത്രക്രിയയില് ഏര്പ്പെടാറുണ്ടെന്ന ഞെട്ടിക്കുന്ന വെളിപ്പെടുത്തലും പുറത്തു വന്നിരിക്കുന്നു.
അണ്ഡാശയം നീക്കം ചെയ്യുന്നത് ഹൃദ്രോഗങ്ങള്ക്കും അസ്ഥിക്ഷയങ്ങള്ക്കും കാരണമാകും. ഇത്തരം ശസ്ത്രക്രിയയ്ക്ക് വിധേയരാകുന്നതിന്റെ മൂന്നിലൊന്നും 35 വയസ്സിനു താഴെയുള്ളവരാണ്.
പ്രസവത്തിനു ശേഷം ഗര്ഭാശയം ആവശ്യമില്ലെന്ന ധാരണയില് ഗര്ഭാശയ ശസ്ത്രക്രിയയ്ക്ക് വിധേയരാകുന്നവരുടെ എണ്ണം ആന്ധ്രയിലും ഗുജറാത്തിലും വര്ദ്ധിച്ചു വരികയാണെന്നും സര്വേ കണ്ടെത്തി.
ഗര്ഭാശയത്തെ രക്ഷിക്കുക എന്ന മുദ്രാവാക്യം ഉയര്ത്തി ദി യൂട്രസ് പ്രചാരണ പരിപാടികള്ക്ക് ഇതിനകം തുടക്കം കുറിച്ച് കഴിഞ്ഞു. മറ്റൊരു മാര്ഗ്ഗവുമില്ലെങ്കില് മാത്രം ഗര്ഭാശയം നീക്കണമെന്ന ധാരണ ഗൈനക്കോളജിസ്റ്റുകള്ക്കിടയിലും വ്യാപിപ്പിക്കാന് കേന്ദ്ര സര്ക്കാര് ശ്രമിക്കുന്നു.
അസ്ഥിക്ഷയം, അനിയന്ത്രിതമായ രക്തപ്രവാഹം, അനെസ്തെറ്റിക് പ്രശ്നങ്ങള്, മാനസിക പ്രശ്നങ്ങള്, ഹൃദ്രോഗം തുടങ്ങിയവ ഗര്ഭാശയം നീക്കം ചെയ്യുന്നവരില് ഉണ്ടാകാന് സാധ്യതയുണ്ടെന്നാണ് ആരോഗ്യമന്ത്രാലയം പറയുന്നത്.
ഇന്ത്യയിലെ സ്വകാര്യാശുപത്രികളില് അനാവശ്യമായി നടക്കുന്ന ഗര്ഭാശയ ശസ്ത്രക്രിയകള് തടയുന്നതിനു വേണ്ടിയാണ് നാഷണല് ഫാമിലി ആന്റ് ഹെല്ത്ത് സര്വേ നടത്തിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha