വിഎസിന്റെ പാര്ട്ടി പരിപാടികളെ കുറിച്ച് അന്വേഷിക്കാന് സിപിഎം അന്വേഷണകമ്മീഷനെ നിയോഗിച്ചു, പ്രവര്ത്തകര്ക്കെതിരെ നടപടിക്ക് സാധ്യത
മാന്നാറില് പാര്ട്ടിയുടെ വിലക്ക് സംഘിച്ച് ദേശാഭിമാനി സഹായ സംഘം നടത്തിയ സമ്മേളനത്തില് വി.എസ്. പങ്കെടുത്തത് അന്വേഷിക്കാന് സി.പി.എം. കമ്മീഷനെ നിയോഗിച്ചു.പാര്ട്ടിയുടെ വിലക്ക് ലംഘിച്ച് മാന്നാറില് നടത്തിയ സമ്മേളനം വിവാദമായ പശ്ചാത്തലത്തില് സിങ്കളാഴ്ച ചേര്ന്ന അടിയന്തര ജില്ലാ സെക്രട്ടേറിയറ്റ് യോഗമാണ് വി.എസ്. ജില്ലയില് പങ്കെടുത്ത എല്ലാ യോഗങ്ങളും അന്വേഷിക്കാന് തീരുമാനിച്ചത്.ജില്ലാ സെക്രട്ടേറിയറ്റംഗങ്ങളായ കെ. പ്രസാദ്, എം. സുരേന്ദ്രന്, എ. രാഘവന് എന്നിവരുള്പ്പെട്ട കമ്മീഷനാണ് അന്വേഷണച്ചുമതല.മാന്നാര് സമ്മേളനത്തിന്റെ സംഘാടകരെ സസ്പെന്റു ചെയ്ത നടപടി മരവിപ്പിച്ചിട്ടുണ്ട്. ഇവരുടെ ഭാഗം കേള്ക്കാതെ സസ്പെന്റു ചെയ്തതു ക്രമപ്രകാരമല്ലെന്നായിരുന്നു കണ്ടെത്തല്. വി.എസ്സിനെതിരെ യോഗത്തില് രൂക്ഷ വിമര്ശമുണ്ടായി. മാന്നാറില് രക്തസാക്ഷികളെ ആദരിക്കുവാന് തീരമാനിച്ചിരുന്നു. ഇതു പരാമര്ശിച്ച് രക്തസാക്ഷികളുമായി വി.എസ്സിനെന്തു ബന്ധമാണെന്നാണ് യോഗത്തില് ഉയര്ന്ന ആക്ഷേപം.
കായംകുളത്തു സ്വകാര്യ ഓഡിറ്റോറിയം ഉദ്ഘാടനം വി.എസ്. നടത്തിയത് പാര്ട്ടിയറിഞ്ഞല്ലെന്നാണ് യോഗത്തിലുയര്ന്ന മറ്റൊരു പരാതി. ജില്ലയുടെ പല ഭാഗത്തും പാര്ട്ടിയറിയാതെ വി.എസിനെ മുമ്പില് നിര്ത്തി ഇതേപോലെ പരിപാടികള് നടത്തിയെന്നും തുടര്ന്നും ഇതേപോലെ പരിപാടികള് നടത്താനാലോചിക്കുന്നുവെന്നും യോഗം വിലയിരുത്തി. ഇത് അംഗീകരിക്കാനാവില്ല.
പാര്ട്ടിവിലക്ക് മറികടന്ന് മാന്നാര് സമ്മേളനത്തില് പങ്കെടുത്തവരോടുള്ള സമീപനം കമ്മീഷന് റിപ്പോര്ട്ടു കിട്ടിക്കഴിഞ്ഞേ തീരുമാനിക്കൂ.മാന്നാറിലെ സമ്മേളനം സംബന്ധിച്ച മാധ്യമ വാര്ത്തകള് അടിസ്ഥാനരഹിതമാണെന്ന് സി.പി.എം. ജില്ലാ സെക്രട്ടറി സജി ചെറിയാന് പറഞ്ഞു. ദേശാഭിമാനി സ്വയംസംഘവുമായി സി.പി.എമ്മിന് ഒരു ബന്ധവുമില്ല. ബദല് സംവിധാനമായി പ്രാദേശിക തലത്തില് രൂപവത്ക്കരിച്ച വേദിയായിട്ടാണ് പാര്ട്ടി ഇതിനെ കാണുന്നത്.
വീടിന്റെ താക്കോല്ദാനം വി.എസ്സ്. നടത്തുന്നതിനോട് ആര്ക്കുമെതിര്പ്പില്ല. പാര്ട്ടിയുടെ സ്വത്തായ രക്തസാക്ഷി കുടുംബങ്ങളേയും ആദ്യകാല പ്രവര്ത്തകരെയും ആദരിക്കുന്നുവെന്ന് നോട്ടീസ് ഇറക്കിയത് പാര്ട്ടിയുമായി ആലോചിച്ചല്ല. ബോധപൂര്വ്വം പാര്ട്ടിയെ അധിക്ഷേപിക്കാനാണിതെന്നും സജിചെറിയാന് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha