കുഞ്ഞാലികുട്ടിയുടെ വിശ്വസ്ഥനായ ഇബ്രാഹിംകുഞ്ഞിനെതിരെ ലീഗില് പടനീക്കം തുടങ്ങി, പ്രശ്നം പാണക്കാട് തങ്ങളുടെ മുന്നില്, ഗണേഷുമായി ചര്ച്ചയ്ക്ക് രഹസ്യ നിക്കം
കെ.ബി. ഗണേഷ്കുമാര്എംഎല്എ മന്ത്രി വി.കെ. ഇബ്രാഹിംകുഞ്ഞിനെതിരെ അഴിച്ചുവിട്ട അഴിമതിയാരോപണക്കൊടുങ്കാറ്റ് മലബാറില് കത്തുന്നു. ഇതിനകം തന്നെ ഇബ്രാഹിംകുഞ്ഞ് മന്ത്രിസ്ഥാനം രാജിവെക്കണമെന്നാവശ്യപ്പെട്ട ചില ലീഗ് നേതാക്കള് രംഗത്ത് വന്നിട്ടുണ്ട്. എന്നാല് കുഞ്ഞാലികുട്ടിയുടെ വിശ്വസ്ഥനായ ഇബ്രാഹിം കുഞ്ഞിനെതിരെ തിരക്കിട്ട ഒരുനടപടിക്ക് ലീഗ് നേതൃത്വം തയ്യാറാകില്ലെന്നാണ് സൂചന. എന്നാല് പ്രശ്നം വളരെ ഗൗരവമായാണ് പാണക്കാട് നേതൃത്വം കാണുന്നത്. കുഞ്ഞാലികുട്ടിയുടെ നേതൃത്വത്തില് ഗണേഷകുമാറുമായി ചര്ച്ചക്ക് പാര്ട്ടി നേതൃത്വം ശ്രമിക്കുന്നുമുണ്ട്. എന്നാല് ഗണേഷ്കുമാര് ഉറച്ച് നിലപാടുമായി തന്നെയാണ് മുന്നോട്ട് പോകുന്നത്.
തനിക്കെതിരേ കെ.ബി. ഗണേഷ്കുമാര് നടത്തുന്നതു വ്യക്തിഹത്യയാണെന്നും അദ്ദേഹത്തിന്റെ ആരോപണങ്ങള് രാഷ്ട്രീയമായും നിയമപരമായും നേരിടുമെന്നും മന്ത്രി വി.കെ. ഇബ്രാഹിംകുഞ്ഞ് പറഞ്ഞു.
പുകമറ സൃഷ്ടിച്ച് നേട്ടം കൊയ്യാനുള്ള ഗൂഢനീക്കമാണിത്. മരാമത്തുവകുപ്പിനെക്കുറിച്ചു പരാതിയുണ്ടെങ്കില് ഗണേഷിനു കോടതിയെ സമീപിക്കാം.അദ്ദേഹം എന്തെങ്കിലും തെളിവ് ലോകായുക്തയില് നല്കിയതായി അറിയില്ല. അഥവാ എന്തെങ്കിലും തെളിവുണ്ടെങ്കില് അതേക്കുറിച്ചു കോടതിക്ക് അന്വേഷിക്കാം. പൊതുമരാമത്തിലെ പ്രവൃത്തികള് നിശ്ചയിക്കുന്നതും എസ്റ്റിമേറ്റ് തയാറാക്കുന്നതും മന്ത്രിയല്ലന്നും ഇബ്രാഹിം കുഞ്ഞ് പറഞ്ഞു.
ഗണേഷ്കുമാര് അഴിച്ചുവിട്ട ആരോപണങ്ങള് മുസ്ലിംലീഗിന്റെ കരുത്തനായ മന്ത്രിയുടെ രാഷ്ട്രീയഭാവി കടപുഴക്കുമോ എന്നാണ് കേരളം നോക്കുന്നത്.ലീഗിന്റെ വിദ്യാര്ഥിസംഘടനയായ എം.എസ്.എഫിലൂടെയാണ് എറണാകുളം ജില്ലയിലെ കൊങ്ങോര്പ്പിള്ളി സ്വദേശിയായ ഇബ്രാഹിംകുഞ്ഞിന്റെ രാഷ്ട്രീയപ്രവേശം. കാല്നൂറ്റാണ്ട് യൂത്ത് ലീഗില് സജീവമായി പ്രവര്ത്തിച്ചു.എറണാകുളം ജില്ലയിലെ വിവിധ വ്യവസായശാലകളില് ട്രേഡ് യൂണിയനുകളെ പ്രതിനിധീകരിച്ചും സാധാരണ തൊഴിലാളിയെന്ന നിലയില് ബിനാനി സിങ്കിലും ട്രാക്കോ കേബിളിലും മറ്റും പ്രവര്ത്തിച്ചു. പി.കെ. കുഞ്ഞാലിക്കുട്ടിയെപ്പോലുള്ള ലീഗ് ഉന്നതരുമായുള്ള അടുപ്പം വളര്ച്ചയ്ക്കു ചവിട്ടുപടിയായി. ഐസ്ക്രീം പാര്ലര് കേസില്പ്പെട്ടു രാജിവച്ചപ്പോള് കുഞ്ഞാലിക്കുട്ടി ഭരണച്ചുമതല വിശ്വാസപൂര്വം ഏല്പ്പിച്ചത് ഇബ്രാഹിംകുഞ്ഞിനെയാണ്.
അന്നു വ്യവസായവകുപ്പു നല്കിയെങ്കില്, രണ്ടാംവട്ടം മന്ത്രിയായപ്പോള് മികച്ച വകുപ്പായ പൊതുമരാമത്തുതന്നെ നല്കി അദ്ദേഹത്തിന്റെ കഴിവില് പാര്ട്ടി വിശ്വാസമര്പ്പിച്ചു.
ലീഗ് അധികാരത്തിലെത്തിയപ്പോഴെല്ലാം എറണാകുളം ജില്ലയില് ഇബ്രാഹിംകുഞ്ഞിനു മതിയായ പരിഗണന ലഭിച്ചു. ലീഗിന്റെ സമുന്നതനേതാവ് അഹമ്മദ് കബീറിനേക്കാള് സ്വാധീനം കുറഞ്ഞനാളുകള്ക്കകം അദ്ദേഹം നേടി.ആലുവയിലെ ഫോറസ്റ്റ് ഇന്ഡസ്ട്രീസ് ട്രാവല്കൂറിന്റെ ചെയര്മാനായി. സിയാല് ഡയറക്ടര് ബോര്ഡിലും കൊച്ചി സിന്ഡിക്കേറ്റിലും ജി.സി.ഡി.എ. ഭരണസമിതിയിലും പ്രവര്ത്തിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha