ഇനി ഫൈവ് സ്റ്റാറുകള് മാത്രം, സര്ക്കാരിന്റെ മദ്യ നയത്തിന് കോടതിയുടെ അംഗീകാരം
ഇനി ഫൈവ് സ്റ്റാറുകള് മാത്രം, സര്ക്കാരിന്റെ മദ്യ നയത്തിന് കോടതിയുടെ അംഗീകാരം. ബാര് കോഴ കേസില് സര്ക്കാരിന് ആശ്വാസമായി ഹൈക്കോടതി വിധി. മദ്യനയം അംഗീകരിച്ചു. ജസ്റ്റിസുമാരായ കെ.ടി. ശങ്കരന്, ബാബു മാത്യു എന്നിവര് ഉള്പ്പെട്ട ഡിവിഷന് ബെഞ്ചാണു വിധി പറയുന്നത്. വിധി പ്രസ്താവനം പൂര്ത്തിയായ ശേഷമേ, ഇതിലെ വിവരങ്ങള് സംബന്ധിച്ചു മാധ്യമങ്ങള് വാര്ത്ത റിപ്പോര്ട്ട് ചെയ്യാവൂ എന്നു ഹൈക്കോടതിയുടെ കര്ശന നിര്ദേശമുണ്ടായിരുന്നു.
നടപ്പു സാമ്പത്തിക വര്ഷം പ്രവര്ത്തിക്കുന്ന 312 ബാറുകളില് 2 സ്റ്റാര്, 3സ്റ്റാര് പദവിയുള്ളതും ക്ലാസിഫിക്കേഷന് ഇല്ലാത്തതുമായ 250 ബാറുകള് പൂട്ടണമെന്ന സിംഗിള് ബെഞ്ച് ഉത്തരവിനെതിരെ ബാറുടമകളും, 4സ്റ്റാര്, ഹെറിറ്റെജ് ഹോട്ടലുകളെ വിലക്കിന്റെ പരിധിയില്നിന്നു നീക്കിയതിനെതിരെ സര്ക്കാരും സമര്പ്പിച്ച ഹര്ജികളടക്കം അഞ്ച് അപ്പീലുകളിലാണു ഹൈക്കോടതി വിധി പറഞ്ഞത് ഫൈവ്സ്റ്റാര് ബാറുകള്ക്ക് മാത്രമാണ് ഇപ്പോള് സംസ്ഥാനത്ത് പ്രവര്ത്തനാനുമതി. എന്നാല് ഹൈക്കോടതിയുടെ ഇടക്കാല ഉത്തരവിന്റെ അടിസ്ഥാനത്തില് പ്രവര്ത്തിക്കുന്ന 230 ഓളം ബാറുകള് ഇപ്പോഴുണ്ട്. അവയുടെ ഭാവി ഇന്നത്തെ ഹൈക്കോടതി തീരുമാനത്തെ ആശ്രയിച്ചിരിക്കും. നിലവാരം കുറഞ്ഞ 418 ബാറുകള് നേരത്തേ പൂട്ടിയിരുന്നു. ഇവക്ക് ബിയര് ആന്റ് വൈന് പാര്ലറായി പ്രവര്ത്തിക്കാന് സര്ക്കാര് പ്രവര്ത്തനാനുമതി നല്കിയിരുന്നു
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha