ഗൂഢാലോചനയ്ക്കു പിന്നിലെ സൂത്രധാരനെ അറിയാം, എല്ലാം പുറത്തു വരും ; മാണി
ബാര് കോഴ ആരോപണത്തില് തനിക്കെതിരെ മാത്രം കേസെടുത്തതില് ശക്തമായ പ്രതിഷേധവുമായി മന്ത്രി കെ.എം.മാണി. തന്റെ പേരില് കേസെടുത്തത് അനാവശ്യമാണ്. നിയമപരമായും ധാര്മികമായും കേസെടുക്കാന് ബാധ്യത ഇല്ലായിരുന്നു. തെളിവില്ലാത്ത കാര്യത്തിനു കേസെടുക്കാന് സുപ്രീംകോടതി പറഞ്ഞിട്ടില്ലെന്നും കെ.എം.മാണി പറഞ്ഞു.
പൂട്ടിയ ബാറുകള് തുറക്കുന്നതിനു വേണ്ടി ബാറുടമകളില് നിന്നും കോഴവാങ്ങിയെന്ന ആരോപണത്തില് മാണിക്കെതിരെ എഫ്ഐആര് റജിസ്റ്റര് ചെയ്തിരുന്നു. തനിക്കെതിരെ എഫ്ഐആര് റജിസ്റ്റര് ചെയ്യേണ്ടതിന്റെ ആവശ്യകതയില്ലെന്ന് മാണി നേരത്തെയും പറഞ്ഞിരുന്നു. ആരോപണം ഉയര്ന്ന് മാസങ്ങള് കഴിഞ്ഞെങ്കിലും ഇതുവരെ അന്വേഷണം പൂര്ത്തിയായിട്ടില്ല.
ബാര്കോഴ ഗൂഢാലോചനയ്ക്കു പിന്നിലെ മുഖ്യസൂത്രധാരനെ അറിയാമെന്നും മന്ത്രി കെ.എം.മാണി വെളിപ്പെടുത്തി. എന്നായാലും അവര് വെളിച്ചത്തുവരുമെന്നും മാണി പറഞ്ഞു. മനോരമ ന്യൂസിന്റെ നേരെ ചൊവ്വേയില് സംസാരിക്കുകയായിരുന്നു അദ്ദേഹം. ബാര് കോഴ ആരോപണത്തിന്റെ പശ്ചാത്തലത്തില് കേരള കോണ്ഗ്രസില് (എം) നടക്കുന്ന വിവാദങ്ങളുടെ പശ്ചാത്തലത്തിലാണ് മാണിയുടെ വെളിപ്പെടുത്തലെന്നത് ശ്രദ്ധേയമാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha