വിധിപ്പകര്പ്പ് കിട്ടിയില്ല; ബാര് ഉടമകള്ക്ക് ഇന്ന് അപ്പീല് നല്കാനാകില്ല
സര്ക്കാരിന്റെ മദ്യനയം അംഗീകരിച്ചുകൊണ്ട് സംസ്ഥാനത്തെ ബാറുകള് പൂട്ടാനുള്ള ഹൈക്കോടതി ഡിവിഷന് ബഞ്ച് വിധിക്കെതിരെ സുപ്രീംകോടതിയില് അപ്പീല് നല്കാനുള്ള ബാര് ഉടമകളുടെ നീക്കം വിധിപ്പകര്പ്പ് ലഭിക്കാത്തതിനാല് നീട്ടിവച്ചു. ഇന്നുതന്നെ സുപ്രീംകോടതിയില് ഹര്ജി ഫയല് ചെയ്യാനായിരുന്നു ബാര് അസോസിയേഷന്റെ നീക്കം. എന്നാല് ഹൈക്കോടതിയുടെ വിധിപ്പകര്പ്പ് ലഭിക്കാന് വൈകിയ സാഹചര്യത്തില് അടുത്ത ആഴ്ചയോടെ മാത്രമേ സുപ്രീംകോടതിയില് നടപടി ക്രമങ്ങള് പൂര്ത്തികരിക്കാനാകൂ.
ഫൈവ് സ്റ്റാര് ബാറുകള് മാത്രം പ്രവര്ത്തിക്കാന് അനുവദിക്കുന്നത് വിവേചനമാണെന്ന വാദം ഉന്നയിച്ചുകൊണ്ടാണ് ബാര് ഉടമകള് സുപ്രീംകോടതിയെ സമീപിക്കുക. പ്രമുഖ അഭിഭാഷകരായ രാംജത്മലാനി, ഫാലി എസ് നരിമാന് തൂടങ്ങിയവരെ രംഗത്തിറക്കാനാണ് അസോസിയേഷന്റെ ശ്രമം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha