ബിജുവിന് കെ.ബാബുവിന്റെ വക്കീല് നോട്ടീസ്; ഒരുകോടി രൂപ നഷ്ടപടിഹാരം നല്കണം
ബാര് ഹോട്ടല് അസോസിയേഷന് വര്ക്കിങ് പ്രസിഡന്റ് ബിജു രമേശിനെതിരെ എക്സൈസ് മന്ത്രി കെ. ബാബു നോട്ടീസ് അയച്ചു. ഒരു കോടി രൂപ നഷ്ടപടിഹാരം ആവശ്യപ്പെട്ടാണ് നോട്ടീസ് അയച്ചിരിക്കുന്നത്. 48 മണിക്കൂറിനുള്ളില് തനിക്കെതിരായ പ്രസ്താവന പിന്വലിച്ച് മാപ്പ് പറയണമെന്നും നോട്ടീസില് വ്യക്തമാക്കിയിട്ടുണ്ട്.
തിരുവനന്തപുരം ഒന്നാം ക്ലാസ് ജുഡീഷ്യല് മജിസ്ട്രേട്ട് മുമ്പാകെ 164 മത് വകുപ്പുപ്രകാരം തിങ്കളാഴ്ചയാണ് മന്ത്രി കെ. ബാബുവിനെതിരെ ബിജു മൊഴി നല്കിയത്. ബാര് കോഴയുടെ ആസൂത്രകന് ബാബുവാണെന്നും അദ്ദേഹം പറഞ്ഞിട്ടാണ് മാണിക്കും മറ്റു കോണ്ഗ്രസ് മന്ത്രിമാര്ക്കും പണം നല്കിയതെന്നുമാണ് രഹസ്യമൊഴിയിലുള്ള വിവരം. മൊഴി നല്കിയതിനു ശേഷം നടത്തിയ വാര്ത്താ സമ്മേളനത്തിലും കെ. ബാബുവിനെതിരെ ബിജു ആരോപണം ഉന്നയിച്ചിരുന്നു. എക്സൈസ് മന്ത്രിയ്ക്ക് പത്തുകോടി രൂപ നല്കിയെന്നായിരുന്നു ബിജു രമേശിന്റെ പ്രസ്താവന. ഇതിന് തെളിവായി റെക്കോര്ഡ് ചെയ്ത മൊബൈല് ഫോണ് സംഭാഷണത്തിന്റെ ശബ്ദരേഖയും ബിജു രമേശ് കോടതിയ്ക്ക് കൈമാറിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha