ഹൃദ്രോഗികളില് രക്തധമനികളിലെ ബ്ലോക്ക് ഒഴിവാക്കാനായി സ്ഥാപിക്കുന്ന സ്റ്റെന്റിനും ശസ്ത്രക്രിയയ്ക്കുശേഷം ശരീരത്തില് ഘടിപ്പിക്കുന്ന ഇംപ്ലാന്റുകള്ക്കും സര്ക്കാര് ആശുപത്രികളില് തോന്നിയ വില
നെഞ്ച് വേദനയുമായി ആശുപത്രിയില് പോകുന്നവര് സൂക്ഷിക്കുക. നിങ്ങള്ക്ക് ഇല്ലാത്ത ബ്ലോക്ക് ഉണ്ടെന്ന് വരുത്തി നിങ്ങളെ പിഴിയാന് ഡോക്ടര്മാരും ഏജന്റുമാരും രംഗത്ത്. ഹൃദ്രോഗവുമായി ചെല്ലുന്നവരാണ് ഡോക്ടര്മാരുടെ ഇര. നിങ്ങളുടെ ഹൃദയധമനിയില് ബ്ലോക്കുണ്ടെന്നും ഉടന് തന്നെ ശസ്ത്രക്രിയക്ക് വിധേയമായില്ലെങ്കില് മരണം വരെ സംഭവിക്കാമെന്നും ഡോക്ടര് രോഗിയോട് പറയുന്നു. ഡോക്ടറുടെ വാക്ക് കേട്ട് ഇല്ലാത്ത പൈസ സംഘടിപ്പിച്ച് ആശുപത്രിയില് എത്തുമ്പോഴാണ് അടുത്ത കളി. ജീവരക്ഷയ്ക്ക് എന്തിനും തയ്യാറായി നില്ക്കുന്നവരില് നിന്ന് ഡോക്ടര്മാരും ഏജന്റും സ്റ്റെന്റിനും ഇംപ്ലാന്റുകള്ക്കും അമിതവില ഈടാക്കുന്നു.
സര്ക്കാര് മെഡിക്കല്കോളേജ് ആശുപത്രികളില് ഡോക്ടര്മാരും ഏജന്റുമാരും ചേര്ന്ന് രോഗികളെ പിഴിയുന്നതായി റിപ്പോര്ട്ട്. ഹൃദ്രോഗികളില് രക്തധമനികളിലെ ബ്ലോക്ക് ഒഴിവാക്കാനായി സ്ഥാപിക്കുന്ന സ്റ്റെന്റിനും ശസ്ത്രക്രിയയ്ക്കുശേഷം ശരീരത്തില് ഘടിപ്പിക്കുന്ന ഇംപ്ലാന്റുകള്ക്കും തോന്നിയ വിലയാണ് ഇവര് രോഗികളില് നിന്ന് ഈടാക്കുന്നത്. ജീവന്രക്ഷയ്ക്കായി എന്തിനും തയ്യാറായി നില്ക്കുന്ന രോഗികള് ഇവര് പറയുന്ന വില കൊടുത്ത് ഇവ വാങ്ങുന്നു. ഓര്ത്തോപീഡിക്സ്, ജനറല് സര്ജറി, ന്യൂറോളജി, മാക്സിലോ ഫേഷ്യല് സര്ജറി, ഡെന്റല് തുടങ്ങിയ ശസ്ത്രക്രിയകള്ക്ക് ശേഷം ഇംപ്ലാന്റുകളോ അനുബന്ധ ഉപകരണങ്ങളോ ശരീരത്തില് സ്ഥാപിക്കാറുണ്ട്.
സര്ക്കാര് ആശുപത്രികളില് ഇംപ്ലാന്റുകളും സ്റ്റെന്റുകളും എത്തിക്കാന് പ്രത്യേക സംവിധാനമില്ല. അതിനാല് ഡോക്ടര്മാരുമായി ബന്ധമുള്ള, കമ്പനികളുടെ ഏജന്റുമാരാണ് ഇവ എത്തിക്കുന്നത്. ഓരോ സ്റ്റെന്റും ഇംപ്ലാന്റും വില്ക്കുമ്പോഴും ഡോക്ടര്ക്ക് വിഹിതം കൃത്യമായി എത്തിക്കും. സ്റ്റെന്റുകളില് വില രേഖപ്പെടുത്തിയിട്ടുണ്ടാവില്ല. അതുകൊണ്ടുതന്നെ ഏജന്റിന് തോന്നുന്ന വില പറയാം. ആവശ്യക്കാരുടെ പേര് വിവരം ഡോക്ടര്മാരില് നിന്ന് സംഘടിപ്പിക്കും. രോഗികള്ക്ക് കുറിപ്പിനൊപ്പം ഏജന്റുമാരുടെ ഫോണ് നമ്പരും ചില ഡോക്ടര്മാര് നല്കും. ഇവരുമായി ബന്ധപ്പെട്ട് വിലക്കുറവുള്ള സ്റ്റെന്റ് ബുക്ക് ചെയ്യാം. ആവശ്യമെങ്കില് ഏജന്റിനെ ഡോക്ടര് നേരിട്ട് വിളിച്ച് കാര്യം സാധിച്ചുതരും.
സ്റ്റെന്റുകള്ക്ക് 12,000 മുതല് 25,000 രൂപ വരെയാണ് കേന്ദ്രസര്ക്കാരിന്റെ ആരോഗ്യ പദ്ധതികള് പ്രകാരം വിലയിട്ടിരിക്കുന്നത്. പദ്ധതിയിലെ അംഗങ്ങള് വിലകൂടിയ സ്റ്റെന്റ് വാങ്ങേണ്ടിവന്നാലും പറഞ്ഞിരിക്കുന്ന തുകയേ ലഭിക്കൂ. സമഗ്ര ആരോഗ്യ ഇന്ഷ്വറന്സ് പദ്ധതിയിലെ സാധാരണ അംഗങ്ങള്ക്ക് പ്രതിവര്ഷം 30,000 രൂപയാണ് ചികിത്സാ ആനുകൂല്യം. ഹൃദ്രോഗികള്ക്ക് ഒരു ലക്ഷം രൂപ വരെയും.
ഒരേ കമ്പനിയാണെങ്കിലും പല വിലയ്ക്കാണ് മരുന്നുകള് നല്കുന്നത്.
ട്രാന്സ്ലിമിന തെറാപ്യൂട്ടിക്കല്സ് കമ്പനിയുടെ യുക്കോണ് സ്റ്റെന്റ് ആലപ്പുഴ മെഡിക്കല് കോളേജ് ആശുപത്രിയില് ഏജന്റുമാര് വില്ക്കുന്നത് 50,880 രൂപയ്ക്കാണ്. ഇതേ സാധനം തിരുവനന്തപുരം, കോഴിക്കോട് മെഡിക്കല് കോളേജ് ആശുപത്രികളില് 41,000 രൂപയ്ക്ക് കിട്ടുമെന്നാണ് വിവരാവകാശ രേഖകള് വ്യക്തമാക്കുന്നത് .വാസ്കുലാര് കണ്സെപ്ട് കമ്പനിയുടെ പ്രൊണോവ സ്റ്റെന്റിന് തിരുവനന്തപുരത്ത് 44,000 രൂപ മുടക്കേണ്ടി വരുമ്പോള് കോഴിക്കോട്ട് 39,000 രൂപയ്ക്ക് കിട്ടും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha