മെഡിക്കല് സീറ്റ് തട്ടിപ്പ് കേസില് മുഖ്യപ്രതിയായ കവിതാപിള്ളക്കെതിരെ എന്ഫോഴ്സ്മെന്റ് കുറ്റപത്രം സമര്പ്പിച്ചു
മെഡിക്കല് സീറ്റ് തട്ടിപ്പ് കേസില് മുഖ്യപ്രതിയായ കവിതാപിള്ളയും സുഹൃത്തും ചേര്ന്ന് സമ്പാദിച്ചത് 1.3 കോടിയുടെ കാറുകളും 25 ലക്ഷത്തിന്റെ വസ്തുവകയും. ഡയറക്ടറേറ്റ് ഒഫ് എന്ഫോഴ്സ്മെന്റ് എറണാകുളം പ്രിന്സിപ്പല് സെഷന്സ് കോടതിയില് സമര്പ്പിച്ച കുറ്റപത്രത്തിലാണ് തട്ടിപ്പിന്റെ കണക്കുകളുള്ളത്.
കേസിലെ പ്രധാന കണ്ണികളായ കവിതാപിള്ളയും ഹരികൃഷ്ണനും ചേര്ന്ന് 1,33,20,000 രൂപയുടെ കാറുകളും 25,00,000 രൂപയുടെ സ്ഥാപന ജംഗമ വസ്തുക്കള് കൈക്കലാക്കിയതായും കുറ്റപത്രത്തിലുണ്ട്. കൊച്ചി ഡയറക്ടറേറ്റ് ഒഫ് എന്ഫോഴ്സ്മെന്റ് അസിസ്റ്റന്റ് ഡയറക്ടര് പി. രാധാകൃഷ്ണനാണ് കോടതിയില് കുറ്റപത്രം സമര്പ്പിച്ചത്. 53 രേഖകളും കുറ്റപത്രത്തില് ഉള്പ്പെടുത്തിയിട്ടുണ്ട്.
2013 മേയ് മുതല് ആഗസ്റ്റ് 13 വരെയുള്ള കാലയളവില് മെഡിക്കല് സീറ്റ് തട്ടിപ്പിനിരയായ 17 പേര് വിവിധ പൊലീസ് സ്റ്റേഷനുകളില് സമര്പ്പിച്ച പരാതിയിലാണ് കൊച്ചി ഡയറക്ടറേറ്റ് ഒഫ് എന്ഫോഴ്സ്മെന്റ് കേസെടുത്തത്. പ്രതികള്ക്കെതിരെ കുറ്റകരമായ ഗൂഢാലോചന, ആള്മാറാട്ടം, വിശ്വാസവഞ്ചന, വഞ്ചിച്ച് സ്വത്തുവകകള് കൈക്കലാക്കല് തുടങ്ങിയ കുറ്റങ്ങളാണ് ചുമത്തിയിരിക്കുന്നത്. പ്രതികള്ക്കെതിരെ എറണാകുളം, കൊല്ലം, പാലക്കാട് തുടങ്ങിയ വിവിധ ജില്ലകളില് കേസുകള് നിലവിലുണ്ട്. കവിതാപിള്ളയുടെ നേതൃത്വത്തിലുള്ള കെ.ജി.കെ. ഗ്രൂപ്പ് സോഫ്റ്റ്വെയര് ട്രെയിനിംഗ് ആന്ഡ് കരിയര് ഗൈഡന്സ് സെന്റര്\' എന്ന സ്ഥാപനത്തിന്റെ പേരിലാണ് മെഡിക്കല് സീറ്റി തട്ടിപ്പ് നടത്തിയത്.
കവിത ജി.പിള്ളയാണ് (40) കേസിലെ ഒന്നാം പ്രതി. അമ്പലപ്പുഴ കൃഷ്ണഭവനില് കെ. ഹരികൃഷ്ണന് (38), അമ്പലപ്പുഴ കൃഷ്ണാലയത്തില് ജയകൃഷ്ണന് (45), തിരുവനന്തപുരം ഉള്ളൂര് പ്രിയദര്ശിനി നഗര് \'കാര്ത്തിക\'യില് അലന് ഫിലിപ്പ് (51), കടുങ്ങല്ലൂര് മുപ്പത്തടം സ്വദേശി ശിവരാമകൃഷ്ണന് (34), കൊല്ലം പട്ടത്താനം സിമി ഭവന് രഘുലാല് (33), നെട്ടൂര് കനവത്ത്പറമ്പില് മുഹമ്മദ് അല്ത്താഫ് എന്നിവരാണ് മറ്റ് ആറു പ്രതികള്. ഇന്ത്യന് ശിക്ഷാനിയമം, കള്ളപ്പണം വെളിപ്പിക്കല് തടയല് നിയമം എന്നിവ പ്രകാരമുള്ള കുറ്റമാണ് പ്രതികള്ക്കെതിരെ ചുമത്തിയിട്ടുള്ളത്. സംസ്ഥാനത്തെ വിവിധ കോളേജുകളില് എം.ബി.ബി.എസ്, എം.ഡി സീറ്റുകള് വാഗ്ദാനം ചെയ്ത് നാലു കോടി 17 ലക്ഷം രൂപ കവിതാപിള്ളയും മറ്റു പ്രതികളും ചേര്ന്ന് ഗൂഢാലോചന നടത്തി സമാഹരിച്ചുവെന്നാണ് കേസ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha