ഇറാന്റെ ആണവനയം സംബന്ധിച്ച രൂപരേഖയില് ധാരണ, ഉപരോധം നീക്കും, ഇറാനിലെങ്ങും ആഹ്ളാത പ്രകടനം
ഇറാന്റെ ആണവനയം സംബന്ധിച്ച രൂപരേഖയിന്മേല് ഇറാനും ആറ് ലോകരാജ്യങ്ങളും തതമ്മില് ധാരണയിലെത്തി. അമേരിക്ക, ബ്രിട്ടന്, ചൈന, ഫ്രാന്സ്, റഷ്യ, ജര്മനി എന്നീ രാജ്യങ്ങളിലെ പ്രതിനിധികളാണ് സ്വിറ്റ്സര്ലന്ഡിലെ ലോസണില് നടന്ന എട്ടുദിവസത്തെ മാരത്തണ് ചര്ച്ചയില് പങ്കെടുത്തത്. ഇറാന്റെ ആണവപദ്ധതികള്ക്ക് നിയന്ത്രണംകൊണ്ടുവരാന് ഉദ്ദേശിച്ചുള്ള രൂപരേഖ ചര്ച്ച ചെയ്യാനായിരുന്നു ഇത്. കൂടുതല് വ്യക്തമായ രൂപരേഖ ജൂണ് മുപ്പതിനകം കൊണ്ടുവരാനും ധാരണയായി.
കലുശിതമായ ചര്ച്ചകള്ക്കൊടുവിലാണ് ചരിത്രപരമായ ധാരണ ഉരുത്തിരിഞ്ഞത്. ധാരണപ്രകാരം ഇറാന് അവരുടെ ആണവപദ്ധതികള് വന്തോതില് വെട്ടിക്കുറയ്ക്കും. പകരം ഇറാന്റെമേലുള്ള നിരോധനങ്ങള് ലോകരാജ്യങ്ങള് നീക്കംചെയ്യും. യു.എന്. ആണവ ഏജന്സി പരിശോധനയിലൂടെ ധാരണയിലെ നിബന്ധനകള് ഇറാന് പാലിക്കുന്നുവെന്ന് ഉറപ്പുവരുത്തുന്നതോടെ ഇത് പ്രാബല്യത്തില് വരും. ആണവപദ്ധതികള് സംബന്ധിച്ച് ഇറാനും അമേരിക്കയുമുള്പ്പെട്ട വന്ശക്തികളും തമ്മില് 12 വര്ഷമായി നിലനിന്നിരുന്ന തര്ക്കങ്ങള്ക്ക് ഇതോടെ വിരാമമായി.
ധാരണ പ്രഖ്യാപിച്ചതോടെ അന്താരാഷ്ട്ര എണ്ണവിലയില് കനത്ത ഇടിവ് രേഖപ്പെടുത്തി. എണ്ണവില ന്യൂയോര്ക്കില് 49.14 ഡോളറിലേക്കാണ് ഇടിഞ്ഞത്. ധാരണ പ്രഖ്യാപിച്ചശേഷം ഇറാനില് ജനങ്ങള് തെരുവില് ആഹ്ലാദപ്രകടനം നടത്തി. ധാരണയെ ഒട്ടുമിക്ക വിദേശരാജ്യങ്ങളും നേതാക്കളും അഭിനന്ദിച്ചപ്പോള് ഇസ്രായേല് ശക്തമായ എതിര്പ്പ് രേഖപ്പെടുത്തി. ധാരണയെ ഇന്ത്യയും സ്വാഗതം ചെയ്തു. സമാധാനപരമായി പ്രശ്നം പരിഹരിക്കണമെന്നായിരുന്നു എക്കാലവും ഇന്ത്യയുടെ നിലപാടെന്ന് വിദേശകാര്യ മന്ത്രാലയം ചൂണ്ടിക്കാട്ടി.
യുഎസ് അടക്കം ആറു ലോക രാജ്യങ്ങളുമായി വ്യാഴാഴ്ച ഒപ്പുവച്ച ആണവനിയന്ത്രണകരാറിലെ വ്യവസ്ഥകള് പാലിക്കാന് ഇറാന് പ്രതിജ്ഞാബദ്ധമെന്ന് പ്രസിഡന്റ് ഹസന് റൂഹാനി. എന്നാല് കരാറില് ഒപ്പിട്ട രാജ്യങ്ങള് ഒരുദിനം മറ്റൊരുവഴി തിരഞ്ഞെടുക്കാന് തീരുമാനിച്ചാല് ഇറാനും മറ്റുമാര്ഗങ്ങള് ഉണ്ടെന്നും റൂഹാനി മുന്നറിയിപ്പുനല്കി. ടെലിവിഷനിലൂടെ രാജ്യത്തെ അഭിസംബോധന ചെയ്തപ്പോഴാണ് ഇറാന് പ്രസിഡന്റ് നിലപാട് വ്യക്തമാക്കിയത്.
അതേസമയം, ഇറാനുമായി ഉണ്ടായ ആണവധാരണയെ ഇന്ത്യ സ്വാഗതം ചെയ്തു. ജൂണ് 30 ആകുമ്പൊഴേക്കും സമഗ്രമായ ഉടമ്പടിയുണ്ടാകാന് ഇതു വഴിയൊരുക്കുമെന്നു വിദേശകാര്യ മന്ത്രാലയം പ്രതീക്ഷ പ്രകടിപ്പിച്ചു. സമാധാനപരമായ ആവശ്യങ്ങള്ക്ക് ആണവോര്ജം ഉപയോഗിക്കാനുള്ള ഇറാന്റെ അവകാശം മാനിച്ചുകൊണ്ട് പ്രശ്നം സമാധാനപരമായി പരിഹരിക്കണമെന്ന നിലപാടാണ് എക്കാലത്തും ഇന്ത്യയ്ക്ക് ഉണ്ടായിരുന്നതെന്നു വിദേശകാര്യ വക്താവ് സയ്യിദ് അക്ബറുദ്ദീന് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha