കെ. ബാബുവിനെതിരെ കേസെടുത്തേക്കും; ക്വിക്ക് വെരിഫിക്കേഷന് ആഭ്യന്തര വകുപ്പ് നീക്കം തുടങ്ങി; ഒരു കാരണവശാലും കേസെടുക്കാനാവില്ലെന്ന് ഐ ഗ്രൂപ്പ്
എക്സൈസ് മന്ത്രി കെ. ബാബുവിനെതിരെ ബാര്ക്കോഴ കേസില് ക്വിക്ക് വെരിഫിക്കേഷന് ആഭ്യന്തര വകുപ്പ് നീക്കം തുടങ്ങി. മന്ത്രി കെ എം മാണിക്കും അദ്ദേഹത്തിന്റെ പാര്ട്ടിയ്ക്കും ഉണ്ടായിരുന്ന നീരസം ഒഴിവാക്കാന് ഇതാണു മാര്ഗ്ഗമെന്ന് ആഭ്യന്തരമന്ത്രി മുഖ്യമന്ത്രിയെ ധരിപ്പിച്ചതായി സൂചനയുണ്ട്. എന്നാല് ഒരു കാരണവശാലും ബാബുവിനെതിരെ കേസെടുക്കാനാവില്ലെന്ന നിലപാടിലാണ് എ ഗ്രൂപ്പുകള്. അങ്ങനെ സംഭവിച്ചാല് രമേശ് ചെന്നിത്തലയ്ക്കും വിഎസ് ശിവകുമാറിനുമെതിരെ കേസെടുക്കണമെന്ന ആവശ്യവും ശക്തമാക്കും.
രമേശ് ചെന്നിത്തലയെ മുഖ്യമന്ത്രി പരോക്ഷമായി വിമര്ശിച്ചതിനു പിന്നിലുളളത് അദ്ദേഹത്തിനെതിരെയുള്ള നീക്കങ്ങളാണെന്ന് പറയപ്പെടുന്നു.
രമേശും ഉമ്മന്ചാണ്ടിയും മാനസികമായി ഏറെ അകന്നു കഴിഞ്ഞു. കെ.എം. മാണിക്കെതിരെ കേസെടുക്കേണ്ടിയിരുന്നില്ല എന്ന മുഖ്യമന്ത്രിയുടെ പ്രസ്താവനയാണ് രമേശിനെ ഏറെ പ്രകോപിപ്പിച്ചത്. എന്നാല് താനും മുഖ്യമന്ത്രിയും വ്യവസായ മന്ത്രിയും ചേര്ന്നെടുത്ത തീരുമാനത്തില് നിന്നും തന്നെ തള്ളികളയുക വഴി മുഖ്യമന്ത്രി മാണിയെയും കേരള കോണ്ഗ്രസിനെയും തനിക്കെതിരാക്കിയെന്ന് രമേശ് വിശ്വസിക്കുന്നു.
താന് നിരപരാധിയാണെന്ന കാര്യം കെ എം മാണിയെ അറിയിക്കണമെന്ന് ആവശ്യപ്പെട്ടാണ് രമേശ് ചെന്നിത്തല എന്എസ്എസ് ജനറല് സെക്രട്ടറി ജി. സുകുമാരന് നായരെ കണ്ടത്. തന്നെ ഊരാകുടുക്കിലാക്കി മുഖ്യമന്ത്രി മേനി ചമയുകയാണെന്നാണ് രമേശിന്റെ ആരോപണം. ധനമന്ത്രിയുമായി ഏറെ അടുപ്പം പുലര്ത്തുന്ന സമുദായ നേതാവാണ് സുകുമാരന് നായര്. അദ്ദേഹമാണ് ആരോപണ വേളയില് കെഎം മാണിയെ പിന്തുണച്ച് ആദ്യമായി രംഗത്തെത്തിയത്.
ചുരുക്കത്തില് കെഎം മാണിക്കെതിരെ ബാര്കോഴ ആരോപണം സൃഷ്ടിച്ചവര് ആരൊക്കെയാണെന്ന് കേരളീയ ജനതയ്ക്ക് മനസിലായി കഴിഞ്ഞു. ഈ സാഹചര്യത്തില് തന്റെ നിരപരാധിത്വം തെളിയിക്കാന് ബാബുവിനെതിരെ കൂടി കേസെടുക്കാന് തയ്യാറാവുകയാണ് ആഭ്യന്തരമന്ത്രി രമേശ് ചെന്നിത്തല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha