മികച്ച സിനിമയെടുക്കുന്നവര്ക്ക് സര്ക്കാര്വക പത്ത് ലക്ഷം
കുറഞ്ഞ ബഡ്ജറ്റില് മികച്ച സിനിമയെടുക്കുന്നവര്ക്ക് സന്തോഷ വാര്ത്ത ചലച്ചിത്ര വികസന കോര്പറേഷന്റെ പാക്കേജില് നിര്മ്മിക്കുന്ന സിനിമകള്ക്ക് സര്ക്കാര് നല്കുന്ന സബ്സിഡി ആറു ലക്ഷം രൂപയില് നിന്ന് പത്തു ലക്ഷമായി വര്ദ്ധിപ്പിക്കുന്നു. മാത്രമല്ല, ഒരു വര്ഷം ഇറങ്ങുന്ന മികച്ച സിനിമകളില് തിരഞ്ഞെടുക്കുന്ന പത്തെണ്ണത്തിന് 25 ലക്ഷം രൂപ വരെ സബ്സിഡി കൊടുക്കാനും സര്ക്കാര് പദ്ധതിയിടുന്നുണ്ട്. ഇവയ്ക്ക് കെ.എസ്.എഫ്.ഡി.സി പാക്കേജ് നിര്ബന്ധമല്ല. സര്ക്കാര് പ്രഖ്യാപനം ഉടന് ഉണ്ടാകും.
ഫിലിം സബ്സിഡിയും ചട്ടങ്ങളും പരിഷ്കരിക്കാന് അടൂര് ഗോപാലകൃഷ്ണന് കമ്മിറ്റി സമര്പ്പിച്ച റിപ്പോര്ട്ട് പരിഗണിച്ചാണ് സര്ക്കാര് തീരുമാനം. ചലച്ചിത്ര അക്കാഡമിയും ചലച്ചിത്ര വികസന കോര്പറേഷനും സബ്സിഡി വര്ദ്ധിപ്പിക്കുന്നതിനെ അനുകൂലിച്ചു. ഒരു കോടി രൂപയില് കുറഞ്ഞ ബഡ്ജറ്റില് ചിത്രം ഒരുക്കുന്നവര്ക്ക് ഇത് വളരെ പ്രയോജനകരമാകും. മറ്റ് സംസ്ഥാനങ്ങളില് 30 ലക്ഷം വരെ സബ്സിഡിയുണ്ട്. സിനിമയുടെ ദേശീയ, അന്തര്ദ്ദേശീയ അംഗീകാരങ്ങളും പരിഗണിച്ചായിരിക്കും 25 ലക്ഷം രൂപ സബ്സിഡി നല്കുന്നത്.
അതേസമയം, ചലച്ചിത്ര അവാര്ഡ് തുക വര്ദ്ധിപ്പിക്കുന്നതില് തീരുമാനം എടുത്തിട്ടില്ല. ഇപ്പോള് ഒരു ലക്ഷം രൂപ നല്കുന്ന അവാര്ഡുകളുടെ തുക മൂന്നു ലക്ഷം വരെയാക്കി ഉയര്ത്താനുള്ള നിര്ദ്ദേശങ്ങളാണ് റിപ്പോര്ട്ടിലുള്ളത്. അത്രയും തുക അനുവദിക്കാനാവില്ലെന്ന് ധനവകുപ്പ് സിനിമാ വകുപ്പിനെ അറിയിച്ചിട്ടുണ്ട്. ഇതില് വ്യക്തത വന്നാലേ സംസ്ഥാന അവാര്ഡിന് എന്ട്രികള് ക്ഷണിക്കാന് കഴിയൂ എന്ന നിലപാടിലാണ് ചലച്ചിത്ര അക്കാഡമി. ദേശീയ അവാര്ഡ് പ്രഖ്യാപിച്ചിട്ടും സംസ്ഥാന അവാര്ഡിന് എന്ട്രി പോലും ക്ഷണിച്ചിട്ടില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha