കതിര്മണ്ഡപത്തില് വരന് കല്യാണപെണ്ണിന്റെ വക മര്ദ്ദനം
വരന് കല്യാണപെണ്ണിന്റെ വക മര്ദ്ദനം.വരനെ പ്രകോപനമില്ലാതെ വധു മര്ദ്ദിക്കുന്നതു കണ്ടുനിന്ന ബന്ധുക്കള് വിഷയം ഏറ്റെടുത്തതോടെ കല്യാണമണ്ഡപം കൂട്ടയടിയ്ക്ക് വേദിയായി. ഇന്നലെ രാവിലെ 11 മണിയോടെ തിരുവനന്തപുരം പഴകുറ്റി എം.ടി ആഡിറ്റോറിയത്തിലാണ് സംഭവം. ആര്യനാട് മരങ്ങാട് സ്വദേശിനിയായ പെണ്കുട്ടിയും നെടുമങ്ങാട് പനവൂര് കല്ലിയോട് സ്വദേശിയായ യുവാവും തമ്മിലുള്ള വിവാഹ വേദിയിലാണ് ഇരു വിഭാഗവും തമ്മിലുള്ള കയ്യാങ്കളി നടന്നത്. മുഹൂര്ത്ത സമയത്ത് വധുവിനെ കാത്ത് കതിര്മണ്ഡപത്തില് ഇരിയ്ക്കുകയായിരുന്നു വരന്. തുടര്ന്ന് താലപ്പൊലിയുടെ അകമ്പടിയില് വധുവിനെ വിവാഹ വേദിയിലേക്ക് ആനയിച്ചു. കതിര് മണ്ഡപത്തില് കയറിയ വധു ഇരിയ്ക്കാന് ശ്രമിയ്ക്കാതെ അല്പനേരം നിന്നു. സമീപത്ത് ഇരിയ്ക്കുകയായിരുന്ന വരന്റെ നേര്ക്ക് പെട്ടെന്ന് തിരിഞ്ഞ് ചെകിട്ടില് ആഞ്ഞടിച്ചു. ഒപ്പം വരനെയും സദസിനെയും നോക്കി ഏറെ നേരം ആക്രോശിച്ചു. സ്തബ്ദനായിപ്പോയ വരനും കൂട്ടരും എന്തു ചെയ്യണമെന്നറിയാതെ ഒരു നിമിഷം നിന്നുപോയി. സംഭവം കണ്ടുനിന്ന പെണ്കുട്ടിയുടെ പിതാവ് ബോധരഹിതനായി വേദിയില് വീണു.സദസ്സിലുല്ലവരെല്ലാം ആശ്ചര്യപ്പെട്ട് നില്ക്കുന്നതിനിടെ കതിര്മണ്ഡപത്തില് നിന്നും താഴെയിറങ്ങിയ വധുവിനെ ചെറുക്കന്റെ വീട്ടുകാരില് ചിലര് കൈകാര്യം ചെയ്തു. സംഘര്ഷത്തിനിടയില്പ്പെട്ട് പെണ്ണിന്റെ സഹോദരനും ബോധംകെട്ടുവീണു. ഇരുവരെയും ബന്ധുക്കള് ആശുപത്രിയില് കൊണ്ടുപോയി. വധുവിനെ രക്ഷിച്ച് ചിലര് കല്യാണമണ്ഡപത്തിന്റെ മറ്റൊരു ഭാഗത്ത് എത്തിച്ചു.
ഇതിനിടെ വരനെ ഡോക്ടറായ അയാളുടെ സഹോദരന് കാറില് കൂട്ടികൊണ്ടുപോയി. വധുവിനെയും അടുത്ത ബന്ധുക്കളേയും രക്ഷിയ്ക്കാന് ശ്രമിച്ചവര്ക്കെതിരെ വരന്റെ ബന്ധുക്കള് പ്രകോപനവുമായി എത്തി. പെണ്കുട്ടിയെയും ബന്ധുക്കളെയും വീണ്ടും കൈയേറ്റം ചെയ്യാനുള്ള ശ്രമം കണ്ടറിഞ്ഞ ചിലര് ഇവരെ മേക്ക് അപ്പ് റൂമില് പൂട്ടിയിട്ടു. സംഭവം കൈവിട്ടുപോകുന്നത് കണ്ട ചിലര് പോലിസില് വിവരമറിയിച്ചു. കേട്ടറിഞ്ഞ നാട്ടുകാര് ആഡിറ്റോറിയത്തിനുമുന്നില് ഒത്തുകൂടിയതോടെ ഏറെ നേരം റോഡില് ഗതാഗതം തടസപ്പെട്ടു. പോലിസെത്തി ഇരു വിഭാഗക്കാരെയും സ്റ്റേഷനില് കൊണ്ടുപോയി. വരന്റെ പാര്ട്ടിയ്ക്ക് അഞ്ചുലക്ഷം രൂപ നഷ്ടപരിഹാരമായി നല്കാമെന്ന വ്യവസ്ഥയില് രാത്രിയോടെ സംഭവം ഒത്തുതീര്പ്പാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha