600 രൂപയ്ക്ക് അതൊക്കെ കാണാം... ആ ചായക്കടയും റെയില്വേ സ്റ്റേഷനും വീടുമെല്ലാം ഗുജറാത്ത് സര്ക്കാരിന്റെ ടൂറിസം മാപ്പില്
താന് ഒരു ചായക്കടക്കാരനായിരുന്നെന്ന് നരേന്ദ്രമോഡി പല വേദികളിലും പറഞ്ഞിട്ടുണ്ട്. തന്നിലെ സാധാരണക്കാരനെ മോഡി ഒരിക്കലും ഒളിച്ചു വച്ചിട്ടില്ല. ലോകത്തിലെ ശക്തനായ നേതാക്കളില് ഒരാളായി മോഡി മാറിയപ്പോഴും തന്നിലെ എളിമ എപ്പോഴും കാത്തു സൂക്ഷിച്ചു.
കഷ്ടതകള് നിറഞ്ഞ മോഡിയുടെ ആ നാളുകളെ ഓര്മ്മയില് സൂക്ഷിക്കാന് സാധാരണക്കാര്ക്ക് ഒരു സുവര്ണാവസരം. മോഡി ചായവിറ്റു നടന്ന റെയില്വേ സ്റ്റേഷനും അദ്ദേഹം താമസിച്ച വീടും ഗുജറാത്ത് സര്ക്കാരിന്റെ ടൂറിസം മാപ്പില് ഇടം പിടിച്ചു. 600 രൂപ മുടക്കിയാല്, മോഡിയുടെ വീടും റെയില്വേ സ്റ്റേഷനും ഉള്പ്പെടുന്ന ഒരുദിവസത്തെ ടൂര് പാക്കേജും സര്ക്കാര് ആവിഷ്കരിച്ചു.
വഡനഗറിലെ മോദിയുടെ വീടും അതിനടുത്തുള്ള പ്രാദേശിക റെയില്വേ സ്റ്റേഷനും ഉള്പ്പെടുന്നതാണ് ടൂറിസം കോര്പറേഷന് ഓഫ് ഗുജറാത്ത് ലിമിറ്റഡി(ടിസിജിഎല്)ന്റെ ടൂര് പാക്കേജ്. മോഡിയുടെ ഗ്രാമത്തില് നിന്ന് ഉയരാം എന്നാണ് ഈ പാക്കേജിന് നല്കിയിട്ടുള്ള പേര്. സംസ്ഥാന ടൂറിസം കോര്പറേഷന്റെ ഔദ്യോഗിക പങ്കാളികളിലൊന്നായ അക്ഷര് ട്രാവല്സാണ് പ്രതിദിന ടൂര് പാക്കേജിന് തുടക്കമിട്ടിരിക്കുന്നത്.
പ്രഖ്യാപിച്ചതു മുതല് ഈ ടൂര് പാക്കേജിന് വന് ജന പങ്കാളിത്തമാണ് ലഭിക്കുന്നത്. അഹമ്മദാബാദില്നിന്നും ഗാന്ധി നഗറില് നിന്നുമാണ് ടൂര് സര്വീസുകള് ആരംഭിക്കുന്നത്.
വഡ്നഗറിലെ മോഡിയുടെ ജന്മവീട്, അദ്ദേഹം പഠിച്ച വഡ്നഗര് പ്രാഥമിക് കുമാര് ശാല, ഹൈസ്കൂള്, അദ്ദേഹം പ്രാര്ത്ഥന നടത്തിയിരുന്ന ഹത്കേശ്വര് ക്ഷേത്രം എന്നിവയും ടൂര് പാക്കേജിന്റെ ഭാഗമാണ്. മോഡിയ്ക്കൊപ്പം പഠിച്ചവരുമായി സംസാരിക്കാനുള്ള അവസരവും സംഘാടകര് ഒരുക്കിത്തരും.
പ്രധാനമന്ത്രി പദവിവരെയെത്തിയ മോദിയുടെ ജീവിതത്തിലെ അവിസ്മരണീയമായ പ്രവര്ത്തനമേഖലകളിലൊന്ന് എന്നാണ് വഡ്നഗര് റെയില്വേ സ്റ്റേഷനെ പാക്കേജില് സൂചിപ്പിച്ചിരിക്കുന്നത്. കുട്ടിക്കാലത്ത് മോഡി മുതലയെ പിടിച്ചുവെന്ന് പറയപ്പെടുന്ന ശര്മിഷ്ഠ തടാകവും യാത്രക്കിടെ കാണാനാവും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha