രതീഷ് വേഗയെ തഴഞ്ഞ് വീണ്ടും ലാലിസവുമായി ലാല്‍ : ഇത്തവണ എല്ലാത്തിനും ചുക്കാന്‍ പിടിക്കുന്നത് എം ജി ശ്രീകുമാര്‍
ദേശീയ ഗെയിംസിനോടനുബന്ധിച്ചു വിവാദത്തില്‍ മുങ്ങിപ്പോയ ലാലിസം വീണ്ടും പുനര്‍ജനിക്കുന്നു. ആദ്യ മുണ്ടായതുപോലുള്ള പാളിച്ചകള്‍ ഒഴിവാക്കി പുത്തന്‍ രൂപത്തിലും ഭാവത്തിലും എത്തിക്കാനാണ് ലാല്‍ ശ്രമിക്കുന്നത്. ലാലിന്റെ സ്വപ്‌ന പദ്ധതി കൂടിയാണ് ലാലിസം. ഏഷ്യാനെറ്റുമായി ചേര്‍ന്ന് സ്റ്റേജ് ഷോ അവതരിപ്പിക്കാനുള്ള ചര്‍ച്ചകളാണ് ഇപ്പോള്‍ പുരോഗമിക്കുന്നത്. കഴിഞ്ഞ ഒരാഴ്ചയായി ലാല്‍ കൊച്ചിയിലുണ്ടായിരുന്നു. മോഹന്‍ലാലിന്റെ സുഹൃത്തും പിന്നണിഗായകനുമായ എം ജി ശ്രീകുമാര്‍ കഴിഞ്ഞദിവസം ഇതുമായി ബന്ധപ്പെട്ട് ഏഷ്യാനെറ്റുമായി ചര്‍ച്ചകള്‍ നടത്തി. കഴിഞ്ഞ തവണ ലാലിനെ കുഴിയില്‍ ചാടിച്ച രതീഷ് വേഗയെ ഇത്തവണ ഒഴിവാക്കിയെന്നാണ് റിപ്പോര്‍ട്ടുകള്‍.
ഷോയുടെ ടിക്കറ്റ് വില്പന ഉള്‍പ്പെടെയുള്ള കാര്യങ്ങളായിരിക്കും ഏഷ്യാനെറ്റ് ചെയ്യുക. ലാലിസത്തിന്റെ പ്രമോഷനായി പ്രമുഖരായ അന്യഭാഷാ നടന്മാരെ ഷോക്കെത്തിക്കാനും മോഹന്‍ലാലിന്റെ നേതൃത്വത്തില്‍ ശ്രമം നടക്കുന്നുണ്ട്. ലാലിസം കൊച്ചിയില്‍ നടത്തുന്ന സ്റ്റേജ് ഷോക്കുശേഷം വിദേശ രാജ്യങ്ങളില്‍ പ്രചാരണപരിപാടി നടത്തുകയാണു മോഹന്‍ലാലിന്റെയും ടീമിന്റെയും ഉദ്ദേശ്യം.
എം ജി ഇപ്പോഴും ഇതിനായി നഗരത്തില്‍ തന്നെയുണ്ട്. കലൂര്‍ രാജ്യാന്തര സ്‌റ്റേഡിയത്തില്‍ ലാലിസം അവതരിപ്പിക്കുകയാണു ലക്ഷ്യം. വിവിധവിദേശരാജ്യങ്ങളില്‍ ലാലിസം മ്യൂസിക് ബാന്‍ഡ് അവതരിപ്പിക്കുകയെന്നതാണ് മോഹന്‍ലാലിന്റെ ആത്യന്തികലക്ഷ്യം. സ്വദേശത്തു പൊളിഞ്ഞുപോയ പരിപാടിയുമായി വിദേശത്തുപോകുന്നതു വിലകളയാന്‍ ഇടയാക്കുമെന്നതിനാലാണു കൊച്ചിയില്‍ വന്‍പരിപാടി സംഘടിപ്പിച്ചു ഇമേജ് വര്‍ദ്ധിപ്പിച്ചശേഷം വിദേശത്തേക്കു പൊയ്ക്കളയാമെന്ന നീക്കത്തിനു പി്ന്നില്‍.
ഇവരുടെ അവതരണത്തിലേയും ശബ്ദമിശ്രണത്തിലേയും പ്രശ്‌നങ്ങളാണ് ദേശീയ ഗെയിംസ് ഉദ്ഘാടനച്ചടങ്ങില്‍ ലാലിസം തകര്‍ന്നുതരിപ്പണമാവാന്‍ കാരണമെന്ന് ആരോപണമുയര്‍ന്നിരുന്നു. എന്നാല്‍ മോഹന്‍ലാല്‍ അന്നു പക്ഷേ ഇവരെ ആരെയും എതിര്‍ത്ത് രംഗത്തെത്തിയിരുന്നില്ല. പക്ഷേ ഗെയിംസ് കഴിഞ്ഞ് മാസങ്ങള്‍ പിന്നിട്ടിട്ടും രതീഷ് വേഗയോടും മറ്റും ചേര്‍ന്ന് പിന്നെയും ലാലിസവുമായി മുന്നോട്ടുപോകുമെന്ന ഒരു സൂചനയും മോഹന്‍ലാല്‍ നല്കിയിരുന്നില്ല.
എന്തായാലും കൊച്ചിയിലെ സ്റ്റേജ് ഷോകളുടെ എക്കാലത്തേയും മികച്ച വേദിയായി കണക്കാക്കുന്ന കലൂര്‍ രാജ്യാന്തര സ്‌റ്റേഡിയം തന്നെയാണ് ലാലിസം അവതരിപ്പിക്കാന്‍ മോഹന്‍ലാല്‍ തിരഞ്ഞെടുത്തിരിക്കുന്നത്. ഏതാണ്ട് രണ്ടു മാസത്തിനുള്ളില്‍ തന്നെ പരിശീലനം പൂര്‍ത്തിയാക്കി മൂന്നു മണിക്കൂര്‍ ദൈര്‍ഘ്യമുള്ള ഷോ അവതരിപ്പിക്കാനാണ് ഇപ്പോള്‍ തീരുമാനിച്ചിരിക്കുന്നത്. മോഹന്‍ലാലും എം ജി ശ്രീകുമാറും പരിശീലനത്തിന് മുഴുവന്‍സമയ മേല്‍നോട്ടം വഹിക്കും. അത്യാധുനിക സാങ്കേതിക വിദ്യയാകും ലാലിസത്തിനായി ഒരുക്കുക. എല്ലാം കരാറായാല്‍ ഷോയുടെ പരിശീലനം തുടങ്ങും. പിഴവുകള്‍ പറ്റാത്ത തരത്തില്‍ റിഹേഴ്‌സല്‍ നടത്തിയാകും പരിപാടി നടത്തുക. നഷ്ടപ്പെട്ട മാനം ഇത്തവണ തിരിച്ചു പിടിക്കാമെന്നാണ് താരത്തിന്റെ വിശ്വാസം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
