നിസാമിന്റെ പണം സരിത കൊണ്ട് പോയി, വാങ്ങിക്കൊടുത്തത് കോണ്ഗ്രസുകാര്
സോളാര് തട്ടിപ്പുകേസിലെ പ്രതി സരിത എസ് നായര്ക്കും കൂട്ടര്ക്കുംവേണ്ടി, ചന്ദ്രബോസ് വധക്കേസിലെ പ്രതി മുഹമ്മദ്നിസാമില്നിന്നും ഭരണകക്ഷിയിലെ ഉന്നതര് പണം വാങ്ങിയിരുന്നുവെന്ന് നേരത്തെ തന്നെ റിപ്പോര്ട്ടുകളുണ്ടായിരുന്നു. നിസാമിനെ പൊലീസ് ചോദ്യം ചെയ്തപ്പോഴാണ് സരിതയുടെ പേരു പറഞ്ഞും കോണ്ഗ്രസ് നേതാക്കള് തന്നില്നിന്ന് പണം വാങ്ങിയെന്ന് നിസാം വെളിപ്പെടുത്തിയത്. എന്നാല്, ഇവ പൊലീസ് രേഖപ്പെടുത്തിയില്ല. സോളാര് കേസില് റിമാന്ഡിലായിരുന്ന സരിതക്കും ബിജുരാധാകൃഷ്ണനും പുറത്തിറങ്ങാന് ചെലവഴിച്ച ലക്ഷങ്ങളില് ഏറിയകൂറും സ്പോണ്സര് ചെയ്തത് കോണ്ഗ്രസ് നേതാക്കളാണ്. ഇതി് പ്രത്യുപകാരമായി നിസാമിനെ സഹായിക്കാന് സര്ക്കാര് തയ്യാറായിരുന്നു. ഇതിന്റെ ബലത്തിലാണ് കൊലപാതകമടക്കമുള്ള ആഭാസത്തരങ്ങള് നിസാം കാണിച്ചത്. നിസാമിനെ സഹായിക്കാന് കോണ്ഗ്രസ് എംഎല്എ പ്രവര്ത്തിച്ചുവെന്നാണ് റിപ്പോര്ട്ട്.
ടീം സോളാര് ടെക്നിക്കല് മാനേജര് തൃശൂര് മതിലകം സ്വദേശി മണിലാലിനെ കേസില് സഹായിക്കാന് മുഖ്യമന്ത്രിയുടെ നിര്ദേശപ്രകാരം പി എ മാധവന് എംഎല്എ 50,000 രൂപ നല്കിയെന്ന് മണിലാലിന്റെ സഹോദരന് റിജേഷും വെളിപ്പെടുത്തിയിരുന്നു. കഴിഞ്ഞമാസം മുഖ്യമന്ത്രി ഉമ്മന്ചാണ്ടി റിജേഷുമായി സംസാരിക്കുന്നതിന്റെ ശബ്ദരേഖയും പുറത്തുവന്നു. ജയിലില്നിന്നിറങ്ങിയ സരിതയെ മുഖ്യമന്ത്രിയുമായി അടുത്ത ബന്ധമുള്ള എറണാകുളം ജില്ലയിലെ ഒരു എ ഗ്രൂപ്പ് എംഎല്എ മുഖേന കണ്ടെന്ന് നിസാം പൊലീസിനോടു പറഞ്ഞിരുന്നു. മുഖ്യമന്ത്രിക്കുകൂടി താല്പ്പര്യമുണ്ടെന്ന് ബോധ്യപ്പെടുത്തിയാണ് സരിതയെ ജയിലില്നിന്നിറക്കാന് പണം വേണമെന്ന് എംഎല്എ ആവശ്യപ്പെട്ടത്. പകരമായി, വ്യാപാരസംബന്ധമായി എന്തു സഹായവും സര്ക്കാരിനെ കൊണ്ട് ചെയ്യിക്കാമെന്നായിരുന്നു വാഗ്ദാനം. തുക എത്രയെന്ന് നിസാം വെളിപ്പെടുത്തിയില്ലെങ്കിലും വന്തുകയാണെന്ന് പൊലീസിനോട് വെളിപ്പെടുത്തി.
വനിതാ എസ്ഐയെ കാറില് പൂട്ടിയതടക്കമുള്ള കേസുകളില് നിസാമിനെ കസ്റ്റഡിയിലെടുത്തപ്പോള് ഒരു കെപിസിസി ഭാരവാഹിയും ഡിസിസി ജനറല് സെക്രട്ടറിയുമാണ് പൊലീസില് സ്വാധീനം ചെലുത്തി നിസാമിനെ സഹായിച്ചത്. ഈ നേതാക്കള് തന്നില്നിന്ന് സ്ഥിരമായി പണംവാങ്ങുന്നവരാണെന്നും നിസാം പൊലീസിനോട് പറഞ്ഞു. ലോക്സഭാ തെരഞ്ഞെടുപ്പില് യുഡിഎഫ് സ്ഥാനാര്ഥിയുടെ കേന്ദ്രതെരഞ്ഞെടുപ്പു കമ്മിറ്റി ഓഫീസ് പ്രവര്ത്തിച്ചത് തൃശൂര് പടിഞ്ഞാറേ കോട്ടയിലെ നിസാമിന്റെ കെട്ടിടത്തിലാണ്. റവന്യൂവകുപ്പു നടത്തിയ ഭൂമിഗീതം പരിപാടിക്ക് നിസാമില്നിന്നും അഞ്ചുലക്ഷം രൂപ സംഭാവന അധികൃതര് കൈപ്പറ്റി. നിസാമിന്റെ ഉടമസ്ഥതയിലുള്ള കിങ്ഗ്രൂപ്പ് അനധികൃതമവയി നികത്തിയ സ്ഥലത്ത് ഫ്ളാറ്റ് നിര്മിച്ചെന്ന് വ്യക്തമായിട്ടും സര്ക്കാര് കണ്ണടച്ചു. കോടിക്കണക്കിന് രൂപയുടെ നികുതിവെട്ടിപ്പും നിസാം സര്ക്കാര് സഹായത്തോടെ നടത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha