സി എഫ് തോമസ് വഴിമാറി; തോമസ് ഉണ്ണിയാടന് പുതിയ ചീഫ് വിപ്പ്
തോമസ് ഉണ്ണിയാടനെ സര്ക്കാര് ചീഫ് വിപ്പാക്കാന് കേരളാ കോണ്ഗ്രസ് എം തീരുമാനിച്ചു. ധനമന്ത്രി കെഎം മാണിയാണ് തീരുമാനം പ്രഖ്യാപിച്ചത്. ഇരിങ്ങാലക്കുട എംഎല്എയാണ് തോമസ് ഉണ്ണിയാടന്. പിസി ജോര്ജിനെ ചീഫ് വിപ്പ് സ്ഥാനത്ത് നിന്ന് മാറ്റിയതാണ് ഉണ്ണിയാടനെ ഈ സ്ഥാനത്ത് എത്തിക്കുന്നത്.
ബുധനാഴ്ച വൈകുന്നേരം മാണിയുടെ വീട്ടില് ജോസഫും മാണിയും ഒരു മണിക്കൂര് ചര്ച്ച നടത്തിയിരുന്നു. നേരത്തെ, മുതിര്ന്ന നേതാവായ സി എഫ് തോമസിന്റെ പേര് ചീഫ് വിപ്പ് സ്ഥാനത്തേക്ക് ഉയര്ന്നു കേട്ടിരുന്നു. എന്നാല്, ചീഫ് വിപ്പ് സ്ഥാനത്തിനു താല്പര്യം പ്രകടിപ്പിക്കാതിരുന്നതിനെ തുടര്ന്ന് സി എഫ് തോമസിന്റെ പേര് മാറി തോമസ് ഉണ്ണിയാടന് നറുക്ക് വീഴുകയായിരുന്നു. എന് ജയരാജിന്റെ പേരും നേരത്തെ പരിഗണനയില് ഉണ്ടായിരുന്നു.
ചീഫ് വിപ്പ് സ്ഥാനത്തേക്കു പരിഗണിക്കപ്പെട്ട പേരുകളില് സി എഫ് തോമസ്, ജയരാജ് എന്നിവരുടെയൊക്കെ പേരുകള് മറികടന്നാണ് തോമസ് ഉണ്ണിയാടനെ ചീഫ് വിപ്പാക്കാന് കേരള കോണ്ഗ്രസ് തീരുമാനമെടുത്തത്. ചെയര്മാന് കെ എം മാണിക്കുള്പ്പെടെ സി എഫ് തോമസിനെ സ്ഥാനമേല്പ്പിക്കാനായിരുന്നു ആഗ്രഹമെങ്കിലും തോമസ് ഉണ്ണിയാടന്റെ പിടിവാശിക്കു മുന്നില് കീഴടങ്ങുകയായിരുന്നു എന്നാണ് സൂചന. കേരള കോണ്ഗ്രസിലെ മുതിര്ന്ന നേതാക്കള്ക്കിടയില് ഭൂരിപക്ഷത്തിനും സി എഫ് തോമസിനെതന്നെ ചീഫ് വിപ്പിന്റെ ചുമതല ഏല്പ്പിക്കാനായിരുന്നു ആഗ്രഹമെങ്കിലും തനിക്കു തന്നെ ഈ സ്ഥാനം വേണമെന്നു ഉണ്ണിയാടന് വാശി പിടിക്കുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha