അരുവിക്കരയില് തോല്ക്കാന് സാധ്യതയെന്ന് യുഡിഎഫ് യോഗത്തില്വിലയിരുത്തല്; ഈ പോക്കുപോയാല് പച്ചതൊടില്ലെന്നും അഭിപ്രായം
അരുവിക്കര നീന്തികയറാന് ബുദ്ധിമുട്ടാണെന്ന് യുഡിഎഫില് വിലയിരുത്തല്. ഇങ്ങനെ പോയാല് കേരളത്തില് യുഡിഎഫ് തകരുമെന്നും യോഗം വിലയിരുത്തി. മന്ത്രി പി.കെ. കുഞ്ഞാലിക്കുട്ടിയാണ് യുഡിഎഫിനുള്ളിലെ പ്രശ്നങ്ങള് യോഗത്തില് ചര്ച്ച ചെയ്തത്. ഇത്തരത്തിലാണ് വിവാദങ്ങളുടെ പോക്കെങ്കില് യുഡിഎഫി നടുകടലിലാകുമെന്നും ലീഗ് നേതൃത്വം മുന്നറിയിപ്പ് നല്കി. മുന്നണിക്കുള്ളിലെ പ്രശ്നങ്ങള് അടിയന്തിരമായി പരിഹരിക്കണമെന്നായിരുന്നു ലീഗിന്റെ നിര്ദ്ദേശം. പി.കെ കുഞ്ഞാലിക്കുട്ടിയുടെ അരമണിക്കൂര് നീണ്ട പ്രസംഗം യുഡിഎഫ് നേതാക്കള് കേട്ടു കൊണ്ടിരുന്നതല്ലാതെ ഒന്നും പറഞ്ഞില്ല.
ഉമ്മന്ചാണ്ടിയെയും രമേശ് ചെന്നിത്തലയെയുമാണ് കുഞ്ഞാലിക്കുട്ടി മുള്മുനയില് നിര്ത്തിയത്. ഇരുവരുടെയും പോക്ക് ശരിയല്ലെന്ന് പറയാതെ പറഞ്ഞു.
കുഞ്ഞാലിക്കുട്ടിയുടെ വാക്കുകള്ക്ക് ഐ ഗ്രൂപ്പ് പിന്തുണ നല്കി. ഇത്തരത്തില് മുന്നോട്ടു പോവുകയാണെങ്കില് യുഡിഎഫ് പച്ച തൊടില്ലെന്ന് വി.ഡി.സതീശന് പറഞ്ഞു.
ഘടകകക്ഷികള്ക്കുള്ളിലെ പ്രശ്നങ്ങള് യുഡിഎഫിനെ വല്ലാതെ ബാധിച്ചതായി കുഞ്ഞാലിക്കുട്ടി പറഞ്ഞു. ജി. കാര്ത്തികേയന്റെ ഭാര്യ മത്സരിക്കുകയാണെങ്കില് മാത്രം യുഡിഎഫിന് സാധ്യതയുണ്ട്. ഇല്ലെങ്കില് എല്ഡിഎഫിന്റെ ജയം അനായാസമാണെന്നും പറഞ്ഞു. കുഞ്ഞാലിക്കുട്ടിയുടെ ആശയങ്ങള്ക്ക് യുഡിഎഫിന്റെ പിന്തുണ കിട്ടിയില്ല. പിന്തുണ നല്കാന് നേതാക്കളാരും എത്തിയില്ലെന്നാണ് വിവരം.
വി.ഡി. സതീശന്റെ നിലപാടുകള് അടുത്ത കാലത്തായി അതിശക്തമാണ്. നേതൃത്വത്തിനെതിരെ സംസാരിക്കുന്നത് പതിവായിരിക്കുന്നു. രമേശ് ചെന്നിത്തലയുടെ പിന്തുണ സതീശനുണ്ടെന്നാണ് കേള്ക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha