ഹൈക്കോടതി വിധിക്കെതിരെ ഫോര് സ്റ്റാര് ബാറുടമകള് സുപ്രീം കോടതിയില് അപ്പീല് നല്കി; തൊഴില് നഷ്ടം കണക്കിലെടുത്തില്ലെന്നും ബാറുടമകള്
പഞ്ചനക്ഷത്ര ഹോട്ടലുകള്ക്ക് മാത്രം ബാര് ലൈസന്സ് നല്കാനുള്ള ഹൈക്കോടതി വിധിക്കെതിരെയാണ് ബാര് ഉടമകള് സുപ്രീംകോടതിയില് അപ്പീല് നല്കിയത്. ഫോര് സ്റ്റാര് ഹോട്ടലുകളുടെ നാല് ഉടമസ്ഥരാണ് അപ്പീല് നല്കിയത്.
ബാര് കേസില് ഫോര് സ്റ്റാര് ബാറുടമകള് സുപ്രീംകോടതിയെ സമീപിച്ചു. ഹൈക്കോടതി വിധി റദ്ദാക്കണമെന്നാവശ്യപ്പെട്ടാണ് ബാറുടമകള് സുപ്രീംകോടതിയില് അപ്പീല് നല്കിയത്.
ഹൈക്കോടതിയുടെ തീരുമാനം വിവേചനപരമാണെന്ന് ബാറുടമകള് ഹര്ജിയില് ചൂണ്ടിക്കാട്ടി. ഫൈവ് സ്റ്റാര് ഒഴികെയുള്ള ബാറുകള് പൂട്ടുമ്പോള് ഉണ്ടാകുന്ന തൊഴില് നഷ്ടവും ഹൈക്കോടതി കണക്കിലെടുത്തില്ലെന്നും ബാറുടമകള് കോടതിയെ അറിയിച്ചു.
പഞ്ചനക്ഷത്ര ഹോട്ടലുകള്ക്ക് മാത്രം ബാര് ലൈസന്സ് നല്കിയാല് മതിയെന്ന സര്ക്കാരിന്റെ തീരുമാനം വിവേചനപരമാണ്. വസ്തുതകള് കണക്കിലെടുക്കാതെയുള്ള ഈ തീരുമാനമാണ് ഹൈക്കോടതിയും ശരിവച്ചത്. അതിനാല് തന്നെ ഹൈക്കോടതി ഉത്തരവ് റദ്ദാക്കണമെന്നും ഹര്ജിയില് ആവശ്യപ്പെട്ടു.
അതേസമയം ബാറുടമകളുടെ അപ്പീലിനെതിരെ സര്ക്കാര് തടസഹര്ജി സമര്പ്പിച്ചു. ബാറുടമകളുടെ വാദം കേള്ക്കുമ്പോള് സര്ക്കാരിന്റെ വാദവും കോടതി കേള്ക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha