അമ്പലവയലില് ആദിവാസി പെണ്കുട്ടികള്ക്ക് പീഡനം; ഉടന് നടപടിയെന്ന് ആഭ്യന്തരമന്ത്രി
അമ്പലവയലില് പ്രായപൂര്ത്തിയാകാത്ത ആദിവാസി പെണ്കുട്ടികള് പീഡനത്തിന് ഇരയായ സംഭവത്തില് നടപടിയെടുക്കാന് ആഭ്യന്തരമന്ത്രിയുടെ നിര്ദേശം. പരാതി നല്കിയിട്ടും സ്വീകരിക്കാത്ത പോലീസുകാര്ക്കെതിരേയും നടപടിയെടുക്കുമെന്ന് ആഭ്യന്തരമന്ത്രി ആവശ്യപ്പെട്ടിട്ടുണ്ട്. വിവാഹവാഗ്ദാനം നല്കി ആറിലും ഏഴിലും പഠിക്കുന്ന അമ്പലവയല് ആദിവാസി കോളനിയിലെ ഏഴ് പെണ്കുട്ടികളെ നിരന്തരം പീഡനത്തിന് ഇരയാക്കിയതായി ഒരു പ്രമുഖ ചാനലാണ് വാര്ത്ത പുറത്തുവിട്ടത്.
സ്ഥലം സന്ദര്ശിക്കാന് മാനന്തവാടി ഡി വൈ എസ്പിയോടും മുഴുവന് പ്രതികളെയും അറസ്റ്റ് ചെയ്യാന് എസ്പിയോടും ആഭ്യന്തരമന്ത്രി നിര്ദേശിച്ചു.
സംഭവത്തില് പരാതി നല്കിയിട്ട് പോലും പോലീസ് കേസെടുത്തില്ലെന്ന ആക്ഷേപം ഉയര്ന്നിരുന്നു. മദ്യവും മയക്കുമരുന്നും നല്കിയാണ് പീഡനം നടത്തിയിരുന്നത്. മാതാപിതാക്കള് പരാതി പറഞ്ഞിട്ടും പോലീസ് കേസെടുക്കാന് വിസമ്മതിച്ചെന്നും റിപ്പോര്ട്ടില് പറയുന്നു.
പരാതി പറഞ്ഞവരെ കെട്ടിയിട്ട് വീണ്ടും പീഡിപ്പിച്ചതായും റിപ്പോര്ട്ടുണ്ട്. വിവാഹവാഗ്ദാനം നല്കി സമീപത്തെ കാട്ടിലേക്ക് കൊണ്ടുപോയി മദ്യം നല്കിയാണ് പീഡനം. മാതാപിതാക്കള് ജോലി കഴിഞ്ഞ് വീട്ടിലെത്തുമ്പോള് കുട്ടികളെ കാണാറില്ല. തുടര്ന്ന് നടക്കുന്ന തെരച്ചിലില് അര്ദ്ധനഗ്നരായി ബോധം നശിച്ച നിലയിലാണ് കുട്ടികളെ കണ്ടെത്താറുള്ളത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha