സത്യം കണ്ടെത്തിയത് തിരുവനന്തപുരത്തിന്റെ സ്വന്തം കമ്മീഷ്ണര്
ഇന്ത്യയുടെ ചരിത്രത്തിലെ ഏറ്റവും വലിയ ഓഹരിത്തട്ടിപ്പായ സത്യം കമ്പ്യൂട്ടര് സര്വീസ് ലിമിറ്റഡിന്റെ 14,000 കോടി രൂപയുടെ തട്ടിപ്പിനെക്കുറിച്ച് അന്വേഷിച്ച് കുറ്റപത്രം തയ്യാറാക്കിയതും കമ്പനി സ്ഥാപകന് ബി. രാമലിംഗ രാജു അടക്കമുള്ള ഒമ്പത് പ്രതികളെയും അറസ്റ്റ് ചെയ്തതും ഇപ്പോള് തിരുവനന്തപുരം സിറ്റി പൊലീസ് കമ്മിഷണറായ എച്ച്. വെങ്കിടേശാണ്. സി.ബി.ഐയിലെ മുതിര്ന്ന ഉദ്യോഗസ്ഥര് മാറിനിന്നിടത്താണ് വെങ്കിടേശ് അന്വേഷണത്തിന്റെ നേതൃത്വമേറ്റെടുത്ത് പ്രതികളെ അകത്താക്കിയത്.
2009 ജനുവരിയില് പുറത്തുവന്ന സത്യം തട്ടിപ്പില് അമേരിക്ക, ബ്രിട്ടന്, മൗറീഷ്യസ്, ബ്രസല്സ് അടക്കമുള്ള വിദേശരാജ്യങ്ങളിലടക്കം അന്വേഷണം നടത്തി 90 ദിവസത്തിനുള്ളില് പ്രാഥമികകുറ്റപത്രം സമര്പ്പിക്കാന് വെങ്കിടേശിന് കഴിഞ്ഞു. തൊട്ടുപിന്നാലെ നവംബറില് രണ്ടാം കുറ്റപത്രവും 2010 ജനുവരിയില് അന്തിമകുറ്റപത്രവും നല്കി. സുപ്രീംകോടതിയിലടക്കം വിചാരണയ്ക്കിടെ സി.ബി.ഐക്കായി ഹാജരായതും വെങ്കിടേശായിരുന്നു. ഓഹരി വിപണിയിലെ മൂല്യം കൂട്ടാന് കമ്പനിക്കകത്ത് രാമലിംഗ രാജു അടക്കമുള്ളവര് നടത്തിയ തട്ടിപ്പ് വിദേശ ഏജന്സികളുടെ സഹായത്തോടെ കണ്ടെത്തിയത് ഏറെ ശ്രമകരമായിരുന്നുവെന്ന് വെങ്കിടേശ് കേരളകൗമുദിയോട് പറഞ്ഞു.
ആന്ധ്രയിലെയും കര്ണാടകത്തിലെയും ഖനന മാഫിയയെയും ഹൈദരാബാദ് പൊലീസിലെ വ്യാജ ഏറ്റുമുട്ടല് വിദഗ്ദ്ധരെയും ഖനനരാജാവായ കര്ണാടക മന്ത്രിയെയും അറസ്റ്റ് ചെയ്ത് ദേശീയതലത്തില് ശ്രദ്ധേയനായ എച്ച്. വെങ്കിടേശിന് കഴിഞ്ഞ ആഗസ്റ്റില് രാഷ്ട്രപതിയുടെ സ്തുത്യര്ഹ സേവനത്തിനുള്ള പുരസ്കാരം ലഭിച്ചിരുന്നു.
1998 ബാച്ച് കേരള കേഡര് ഉദ്യോഗസ്ഥനാണ് വെങ്കിടേശ്. ഉമയാണ് ഭാര്യ. വിദ്യാര്ത്ഥികളായ പ്രിയ, ശ്രീകര് എന്നിവര് മക്കളാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha