സരിതയുടെ വസതിയില് റെയ്ഡിന് സാധ്യത :സോളാര് കേസില് സരിതയുടെ കത്തുകള് കണ്ടെടുക്കുകയാണ് ലക്ഷ്യം
സോളാര്നായിക സരിതാ നായരുടെ വസതിയില് റെയ്ഡ് നടത്തുന്നതിനെ കുറിച്ച് ക്രൈംബ്രാഞ്ച് ആലോചിക്കുന്നു. സോളാര് കേസില് സരിതയുടെ കത്തുകള് കണ്ടെടുക്കുകയാണ് ലക്ഷ്യം. മാന്യരായ രാഷ്ട്രീയ നേതാക്കളെ വറുതിയില് നിര്ത്താന് സരിത വ്യാജമായ ആരോപണങ്ങള് ഉന്നയിക്കുന്നു എന്ന സംശയത്തിന്റെ അടിസ്ഥാനത്തിലാണ് സരിതാനായരില് നിന്നും രേഖകള് കണ്ടെടുക്കാന് പോലീസ് ആലോചിക്കുന്നത്.
സരിതയുടേതെന്ന വ്യാജേന ഒരു കത്ത് പുറത്തു വന്നതിനെ കുറിച്ച് അന്വേഷിക്കണമെന്നാവശ്യപ്പെട്ട് ജോസ് കെ മാണി എം പി നല്കിയ പരാതി സംസ്ഥാന പോലീസ് മേധാവി കെ എസ് ബാലസുബ്രഹ്മണ്യം ക്രൈം ബ്രാഞ്ചിന് കൈ മാറിയിരുന്നു. ഇതു സംബന്ധിച്ച് ക്രൈംബ്രാഞ്ച് അന്വേഷണം തുടങ്ങി.
ഒരു ഇടവേളയ്ക്കു ശേഷം സരിതയുടെ ജീവിതം വീണ്ടും വാര്ത്താ മാധ്യമങ്ങളില് ഇടം നേടുകയാണ്. സരിതാ നായരെ ഉപയോഗിച്ച് നേതാക്കള് പണമുണ്ടാക്കിയതായി പോലീസ് സംശയിക്കുന്നു. ഇതേ നേതാക്കളെ വറുതിയിലാക്കാന് സരിത ശ്രമിക്കുകയും ചെയ്തു. തന്റെ ഇംഗിതത്തിന് വഴങ്ങാതിരുന്നവരെ ബ്ലാക്ക് മെയില് ചെയ്യാനും സരിതാ ശ്രമിച്ചതായി പോലീസ് കരുതുന്നു.
സരിതയുടെ കത്ത് ഉയര്ത്തി കാട്ടി രാഷ്ട്രീയ ദല്ലാളുകള് വെല്ലുവിളി നടത്തിയതായും പോലീസിന് സംശയമുണ്ട്. പലര്ക്കും സരിത ഒരു പിടി വള്ളിയായി മാറി. അവര് സരിതയ്ക്ക് ഓശാന പാടുകയും സരിതയെ എഴുന്നെള്ളിപ്പ് നടത്തുകയും ചെയ്തു. ഇത്തരത്തില് പണമുണ്ടാക്കിയ ദല്ലാളുമാരും നിരവധിയാണ്.
സരിതയുമായി ബന്ധപ്പെട്ട കേന്ദ്രങ്ങള് റെയ്ഡ് ചെയ്താല് കൂടുതല് വിവരങ്ങള് ലഭ്യമാകുമെന്നാണ് ക്രൈംബ്രാഞ്ചിന്റെ കണക്കുകൂട്ടല്. അതേസമയം പുറത്തു വന്നത് തന്റെ കത്തല്ലെന്ന് സരിത പറയുകയാണെങ്കില് സംഗതി കൂടുതല് ഗുരുതരമാകും. കാരണം അത്തരമൊരു കത്ത് ആരു തയ്യാറാക്കി എന്നത് സംബന്ധിച്ച് കൂടുതല് അന്വേഷണങ്ങള് നടത്തേണ്ട ബാധ്യത പോലീസിന് വന്നു ചേരും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha