പി.സി ജോര്‍ജ് പോലീസ് നിരീക്ഷണത്തില്‍. ചില നിരോധിത സംഘടനകളുമായുള്ള അദ്ദേഹത്തിന്റെ ബന്ധമാണ് പോലീസ് നിരീക്ഷിക്കുന്നത്. തിരുവനന്തപുരത്ത് ജോര്‍ജിന് സ്വീകരണം നല്‍കിയത് വ്.എസ് ഡിപിയും ഡിഎച്ച് ആര്‍ എമ്മും ചേര്‍ന്നാണ്. ഡിഎച്ച് ആര്‍ എം നേതാവ് സലീന പ്രക്കാനം ചടങ്ങില്‍ സംബന്ധിച്ചിരുന്നു. വര്‍ക്കല കേന്ദ്രമാക്കി പ്രവര്‍ത്തനം ആരംഭിച്ച മനുഷ്യാവകാശ സംഘടനയാണ് ഡിഎച്ച് ആര്‍ എം. ഏതാനും വര്‍ഷങ്ങള്‍ക്ക് മുമ്പ് പ്രവര്‍ത്തനം തുടങ്ങിയ സംഘടനയുടെ പ്രവര്‍ത്തന ശൈലി അത്ര അനുകരണീയമല്ല.
വര്‍ക്കലയില്‍ പുലര്‍ച്ചെ നടക്കാനിറങ്ങിയ വയോധികനെ യാതൊരു കാരണവുമില്ലാതെ കൊന്ന കേസിലെ ചില പ്രതികള്‍ പി.സി ജോര്‍ജിന് സ്വീകരണം നല്‍കിയ സംഘടനയിലുണ്ടെന്നാണ് പോലീസിന് ലഭിച്ച വിവരം. ഇത്തരം യോഗങ്ങള്‍ നടത്തി സംഘടന സമൂഹത്തില്‍ സജീവമാകുന്നതായും റിപ്പോര്‍ട്ടുകള്‍ സൂചിപ്പിക്കുന്നു. ഇത്തരത്തില്‍ പ്രവര്‍ത്തിക്കുന്ന നിരവധി സംഘടനകള്‍ കേരളത്തിലുണ്ട്.
മനുഷ്യാവകാശ സംഘടനകള്‍ എന്ന പേരില്‍ പ്രവര്‍ത്തിക്കുന്ന സംഘടനകള്‍ക്ക് ഗൂഢലക്ഷ്യങ്ങള്‍ ഉള്ളതായി പോലീസ് സംശയിക്കുന്നു. ഇത്തരം സംഘടനകള്‍ സമൂഹത്തിന്റെ മുന്നണിയില്‍ സജീവമാകുന്നത് അവരുടെ ലക്ഷ്യങ്ങള്‍ പൂര്‍ത്തിയാക്കാന്‍ വേണ്ടിയാണ്. വിധ്വംസക പ്രവര്‍ത്തനങ്ങളിലാണ് ഇവര്‍ ഏറെയും ശ്രദ്ധ കേന്ദ്രീകരിക്കുന്നത്. ബഹുമാനിക്കുന്ന വ്യക്തികളുമായി നിരന്തര സഹവാസത്തിനും ഇത്തരക്കാര്‍ ശ്രമിക്കാറുണ്ട്. വിവിധ രാഷ്ട്രീയ പാര്‍ട്ടികളില്‍ ഇവര്‍ക്ക് അംഗത്വമുള്ളതായും പോലീസ് സംശയിക്കുന്നു. രാഷ്ട്രീയ നേതാക്കള്‍ക്ക് ഇത്തരക്കാരെ കുറിച്ച് പോലീസ് നേരത്തെ തന്നെ മുന്നറിയിപ്പുകള്‍ നല്‍കിയിരുന്നു. എന്നാല്‍ വോട്ടു ബാങ്ക് ലക്ഷ്യമിടുന്ന രാഷ്ട്രീയക്കാര്‍ ഇത്തരം വിവരങ്ങള്‍ മുഖവിലയ്‌ക്കെടുക്കാനില്ലെന്നും ഇന്റലിജന്‍സ് പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha