താന് കോണ്ഗ്രസ് പ്രവര്ത്തകയായതുകൊണ്ടാണ് ബിസിനസ് ആവശ്യങ്ങള്ക്ക് കോണ്ഗ്രസ് നേതാക്കളെ സമീപിച്ചതെന്ന് സരിതാ എസ് നായര്
താന് കോണ്ഗ്രസ് പ്രവര്ത്തകയായത് കൊണ്ടാണ് താന് ബിസിനസ് ആവശ്യങ്ങള്ക്കായി കോണ്ഗ്രസ് മന്ത്രിമാരെ സമീപിച്ചതെന്ന് സോളാര്കേസ് പ്രതി സരിതാ എസ് നായര്. ഇതില് വലിയ കാര്യമൊന്നുമില്ല. തങ്ങള്ക്ക് പരിചയമുള്ളവരെ തങ്ങള് കാണും. ചിലപ്പോള് സഹായിക്കും. എന്നാല് തന്റേതെന്ന പേരില് പുറത്തുവന്ന കത്തിന്റെ കാര്യത്തില് ജോസ് കെ മാണിയുടെ പരാതിയില് ക്രൈംബ്രാഞ്ചിന്റെ അന്വേഷണവുമായി സഹകരിക്കുമെന്ന് സരിതാ നായര് പറഞ്ഞു.
എന്നാല് യഥാര്ഥ കത്ത് ക്രൈംബ്രാഞ്ചിന് കൈമാറില്ല. താന് കോണ്ഗ്രസ് പ്രവര്ത്തകയാണ്. അതിനാലാണ് ബിസിനസ് ആവശ്യങ്ങള്ക്കായി കോണ്ഗ്രസ് നേതാക്കളുമായി ബന്ധപ്പെട്ടതെന്നും സരിതാ നായര് പറഞ്ഞു. രണ്ടു കോണ്ഗ്രസ് നേതാക്കളെ സമീപിച്ചതെന്നും സരിത പറഞ്ഞു. സോളര് കേസ് വിചാരണയ്ക്ക് തലശേരിയിലെത്തിയ സരിത മാദ്ധ്യമങ്ങളോട് സംസാരിക്കുകയായിരുന്നു.
അതേസമയം സോളര് വിഷയത്തില് ഹൈബി ഈഡന്, പി.സി.വിഷ്ണുനാഥ് തുടങ്ങിയ യുവ എംഎല്എമാര്ക്കെതിരെ അന്വേഷണം നടത്തണമെന്ന് പ്രതിപക്ഷ നേതാവ് വി എസ്. അച്യുതാനന്ദന് ആവശ്യപ്പെട്ടു. മാദ്ധ്യമങ്ങള് ഇവരുടെ പങ്ക് അന്വേഷിക്കണം. രണ്ടാഘട്ട സോളര് സമരം ആരംഭിക്കുന്നതിനെക്കുറിച്ച് ആലോചിക്കുകയാണെന്നും വി എസ് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha