പാര്ട്ടി കോണ്ഗ്രസ് കഴിയുമ്പോള് കേരളം ഞെട്ടും; ആടി ഉലഞ്ഞ് ചെറുപാര്ട്ടികള്
ചന്ദ്രചൂഡനുമായി സിപിഎം നേതാക്കള് ചര്ച്ചയ്ക്ക് തയ്യാറെടുക്കുന്നു. 33 വര്ഷം നീണ്ട സിപിഎം ബന്ധം ഉപേക്ഷിക്കാന് തങ്ങള്ക്ക് 3 ദിവസം മതിയായിരുന്നുവെന്ന ചന്ദ്രചൂഡന്റെ പ്രസ്താവന പിടിവള്ളിയാക്കിയാണ് കോടിയേരി ബാലകൃഷ്ണന്റെ നേതൃത്വത്തിലുള്ള സിപിഎം സംഘം ചര്ച്ചയ്ക്ക് തയ്യാറെടുക്കുന്നത്. എ.എ അസീസ്, കോവൂര് കുഞ്ഞുമോന്. എന്നീ എം എല്എ മാരും എന് കെ പ്രേമചന്ദ്രന് എംപിയുമടങ്ങുന്ന ജനപ്രതിനിധികളെ തങ്ങളിലേയ്ക്ക് കൊണ്ടു വന്നാല് അധികം വൈകാതെ ഇലക്ഷനിലേക്ക് നീങ്ങാമെന്നാണ് സിപിഎം ആലോചിക്കുന്നത്.സംസ്ഥാനത്തെ ഇപ്പോഴത്തെ രാഷ്ട്രീയ അന്തരീക്ഷം സിപിഎമ്മിന് സഹായകമാണെന്നാണ് കണക്കു കൂട്ടല്. യുഡിഎഫിനുള്ളില് തന്നെയുള്ള പഴയ പിണക്കങ്ങള് പരമാവധി പ്രയോജനപ്പെടുത്താനും സിപിഎം ആലോചിക്കുന്നു.
ചന്ദ്രചൂഡന് കഴിഞ്ഞദിവസം യുഡിഎഫിനെതിരെ ആഞ്ഞടിച്ചിരുന്നു. പണ്ട് ആരോപണങ്ങള് ഉണ്ടാകുമ്പോള് തന്നെ മന്ത്രിമാര് രാജി വച്ചിരുന്നുവെന്നും ഇപ്പോള് അങ്ങനെയല്ലെന്നും ചന്ദ്രചൂഡന് പറഞ്ഞു. രാഷ്ട്രീയ മൂല്യങ്ങള് അസ്തമിക്കുകയാണെന്നും ആര് എസ് പി നേതാവ് പറഞ്ഞു വച്ചു.
ബാര്ലൈസന്സ് വിഷയത്തിലും നിശിതമായ വിമര്ശനമാണ് ചന്ദ്രചൂഡന് നടത്തിയത്. ക്ലബ്ബുകള്ക്ക് ലൈസന്സ് നല്കുന്ന രീതി അവസാനിപ്പിക്കണമെന്ന് അദ്ദേഹം പറഞ്ഞു.
എല്ഡിഎഫില് നിന്നും പിണങ്ങിപോയ കക്ഷികളെ എല്ലാം മടക്കി കൊണ്ടു വരണമെന്ന ആഗ്രഹമാണ് കോടിയേരി ബാലകൃഷ്ണനുള്ളത്. ചൊവ്വാഴ്ച തുടങ്ങുന്ന പാര്ട്ടി കോണ്ഗ്രസില് ഇതൊരു അജണ്ടയാണ്. വിഎസ് അച്യുതാനന്ദന്റെ വിഷയം പറഞ്ഞ് സമയം കളയാന് കോടിയേരി തയ്യാറല്ല. യുഡിഎഫ് ദുര്ബലമായെന്നാണ് സിപിഎം കണക്കു കൂട്ടല്. ഇടതുമുന്നണിയുടെ വിപുലീകരണമാണ് ലക്ഷ്യമിടുന്നത്. പിരിഞ്ഞു പോയ പാര്ട്ടികളെ ഒപ്പം നിര്ത്തുക എന്നതാണ് വിപുലീകരണം കൊണ്ട് ലക്ഷ്യമിടുന്നത്.
ആര് എസ് പി എല്ഡിഎഫിലെത്തുകയാണെങ്കില് പഴയതു പോലെ ഷിബുബേബിജോണ് യുഡിഎഫില് തുടരുമെന്നാണ് അറിയുന്നത്.
ജനതാദളിനെയും ആര് എസ് പി..യെയും എല്ഡിഎഫിലേയ്ക്ക് ക്ഷണിച്ചു കൊണ്ടു കോടിയേരി നടത്തിയ പരസ്യപ്രസ്താവന ഒരു ഇടക്കാല തെരഞ്ഞെടുപ്പിലേക്ക് കേരളത്തെ നയിക്കുമോ?
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha