കൊച്ചി മയക്കുമരുന്നു കേസ് ചെറുമീനുകളെക്കുടുക്കി പോലീസ് പാതിവഴിയില് ഉപേക്ഷിക്കുന്നു; വാലും തുമ്പുമില്ലാത്ത കേസ് വിട്ടുപോകാന് സാധ്യത
കൊച്ചി മയക്കുമരുന്നു കേസ് പൂട്ടിക്കെട്ടാനുറച്ച് പോലീസ്. സിനിമാമോഡലിങ്ങ് രംഗത്തെ പ്രമുഖര് ഉള്പ്പെട്ട വിവദമായ കൊച്ചി മയക്കുമരുന്നു കേസിന്റെ അന്വേഷണം പൊലീസ് അവസാനിപ്പിച്ചു. കേസില് ഇനി തുടരന്വേഷണം വേണ്ടന്ന നിലപാടിലാണ് മയക്കുമരുന്നുകേസ് അന്വേഷിക്കുന്ന സി ഐ ഫ്രാന്സിസ് ഷെല്്ബിയും സംഘവും. ഇതോടെ അന്വേഷണം വെറും ഷൈന് ടോം ചാക്കോയിലും രേഷ്മ രംഗസ്വാമിയിലും സിനിമാ സഹസംവിധായിക ബ്ലെസ്സിയിലും മറ്റു മോഡലുകളിലും മാത്രമായി ഒതുങ്ങുമെന്ന് ഏതാണ്ട് ഉറപ്പായിക്കഴിഞ്ഞു.
തങ്ങളെ കുടുക്കുകയായിരുന്നു എന്ന ഷൈന് ടോം ചാക്കോയുടെ മൊഴി കൂടി കോടതി കണക്കിലെടുത്താല് കൃത്യമായ തെളിവുകള് ഇല്ലാതെ എത്തുന്ന കേസ് തള്ളി പോകാനും സാധ്യതയേറെയാണ്. പ്രതികളിലാരുടേയും രക്തത്തില് കൊക്കെയ്ന് ഉപയോഗിച്ചതിന്റെ യാതൊരു ലക്ഷണവും പരിശോധനയില് തെളിയിക്കാന് പൊലീസിന് സാധിച്ചിട്ടില്ല.
നിസാമിന്റെ ഫലാറ്റില് നിന്നാണ് ഷൈന് ടോമും കൂട്ടുപ്രതികളും പിടിയിലായതെങ്കിലും നിസാമിലേക്ക് എത്താതെ കേസ് പാതിവഴിയില് ഒതുക്കുകയായിരുന്നു. അതേസമയം ഇനി കേസ് കൂടുതല് അന്വേഷിച്ചിട്ട് യാതൊരു കാര്യവുമില്ലെന്നും കൂടുതല് പ്രതികള് കൊക്കയ്ന് കേസില് ഇല്ലെന്നുമുള്ള പുതിയ നിലപാട് അന്വേഷണ സംഘം മേലുദ്യോഗസ്ഥരെ അറിയിച്ചതായാണ് വിവരം. കേസിന്റെ ഉള്ളറകളിലേക്ക് പോയാല് സിനിമാ രംഗത്തെ ന്യൂജനറേഷന് സംവിധായകനും നിര്മ്മാതാവും പുതുമുഖ നായകന്മാരുമുള്പ്പെടെ ഉന്നതരെല്ലം കുടുങ്ങുമെന്ന ഘട്ടത്തിലാണ് അന്വേഷണം അവസാനിപ്പിക്കുകയാണെന്ന പുതിയ നിലപാട് പൊലീസ് എടുത്തിരിക്കുന്നതെന്നും ആരോപണമുണ്ട്.
കേസില് ബ്ലെസിയുടെ കാമുകനായ വിവേകിനെക്കുറിച്ച് ഇതു വരെ യാതൊരു വിവരവും പൊലീസിന് ലഭിച്ചിട്ടില്ല. വിവേകിന്റെ ബന്ധുവായ സായി നൈനേഷും കേസില് പിടിയിലായിട്ടുണ്ട്. വിവേക് വിദേശത്തേക്ക് കടന്നതായാണ് വിവരം.
കേസില് പിടിയിലായ പൃഥ്വിരാജിനെ മാപ്പുസാക്ഷിയാക്കാനും പൊലീസ് നീക്കം തുടങ്ങിയതായും പറയപ്പെടുന്നു. കൊക്കയ്ന് രേഷ്മക്ക് നല്കിയ നൈജീരിയന് സ്വദേശി ഒക്കോവോയെ നേരത്തെ തന്നെ പൊലീസ് പിടികൂടിയിരുന്നു. ഗോവയില് വച്ച് രേഷ്മയ്ക്കും കൂട്ടുകാര്ക്കും കൊക്കയ്ന് എത്തിച്ചുനല്കിയത് ഫ്രാങ്ക് എന്നയാളാണ് എന്നായിരുന്നു യുവതികളുടെ ആദ്യമൊഴി. ഒക്കോവോ തന്നെയാണ് ഫ്രാങ്ക് എന്ന നിഗമനത്തിലാണ് പൊലീസ് ഇപ്പോള് ഉള്ളത്. ഇക്കാര്യം രേഷ്മ പൊലീസിനു മുന്പില് സമ്മതിച്ചതായും സൂചനയുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha