കെട്ടിക്കിടക്കുന്ന ക്ഷേത്രസ്വത്ത് വികസനത്തിന് ഉപയോഗിക്കണമന്ന് സുരേഷ് ഗോപി ; പത്മനാഭ സ്വാമി ക്ഷേത്രത്തിലെ സ്വര്ണശേഖരം തൊട്ട് കളിവേണ്ടെന്ന് മുഖ്യമന്ത്രി
മോഡി സര്ക്കാരിന്റെ ബജറ്റിലെ കെട്ടിക്കിടക്കുന്ന ക്ഷേത്ര സ്വത്തുക്കള് സര്ക്കാരിലേക്ക് നിക്ഷേപമായി സ്വീകരിക്കുമെന്ന പദ്ധതിയെക്കുറിച്ച് സംസ്ഥാനത്ത് വാദപ്രതിവാദങ്ങള്. ക്ഷേത്രങ്ങളില് കെട്ടിക്കിടക്കുന്ന ഫണ്ട് വികസനത്തിനായി വിനിയോഗിക്കണമെന്നു സൂപ്പര് താരം സുരേഷ് ഗോപി പറഞ്ഞു, കേന്ദ്രത്തിന്റെ നടപടിയെ എതിര്ത്ത് ഉമ്മന് ചാണ്ടി രംഗത്തെത്തി. ക്ഷേത്രങ്ങളിലെ സ്വര്ണശേഖരം ആഭ്യന്തര വിപണിയിലെത്തിക്കാന് കേന്ദ്രസര്ക്കാരിനു നീക്കമുണ്ടെങ്കില് അതിനെ ശക്തമായി എതിര്ക്കും. പത്മനാഭ സ്വാമി ക്ഷേത്രത്തിലെ അമൂല്യ സ്വര്ണശേഖരം തൊടാന് അനുവദിക്കില്ലെന്നും വിശ്വാസികളുടെ മതവികാരത്തെ വേദനിപ്പിക്കുന്ന ഒരു നടപടിക്കും തന്റെ സര്ക്കാര് കൂട്ടുനില്ക്കില്ലെന്നും ഉമ്മന് ചാണ്ടി പറഞ്ഞു.
കഴിഞ്ഞ ബജറ്റില് ധനമന്ത്രി അരുണ് ജയ്റ്റ്ലി പ്രഖ്യാപിച്ച പദ്ധതി അടുത്തമാസം മുതല് നടപ്പിലാവുമെന്നാണ് റിപ്പോര്ട്ടുകള്. തിരുവനന്തപുരം ശ്രീപത്മനാഭ സ്വാമി ക്ഷേത്രം, മുംബൈയിലെ സിദ്ധിവിനായക ക്ഷേത്രം തുടങ്ങി രാജ്യത്തെ പലക്ഷേത്രങ്ങളിലായി 3000 ടണ്ണിലധികം സ്വര്ണ ശേഖരം ഉണ്ടെന്നാണ് കണക്ക്.
ഇതു നടപ്പിലാക്കാന് കേന്ദ്ര സര്ക്കാര് നടപടി തുടങ്ങിയതായും റിപ്പോര്ട്ടുകള് പുറത്തുവന്നു. പത്മനാഭസ്വാമി ക്ഷേത്രത്തിലെ നിധി ശേഖരത്തിന്റെ മൂല്യം മാത്രം 1.25 ലക്ഷം കോടി രൂപയിലധികം വരും. മുംബൈ സിദ്ധിവിനായക ക്ഷേത്രത്തില് 158 കിലോ ഗ്രാം സ്വര്ണവും വരുമെന്നാണ് കണക്ക് കൂട്ടല്.
വിശ്വാസികളുടെ അനുമതിയില്ലാതെ ഒരാള്ക്കും ക്ഷേത്രസ്വത്തില് തൊടാന് അവകാശമില്ല. ഇതുമായി ബന്ധപ്പെട്ട കാര്യങ്ങള് തീരുമാനിക്കേണ്ടത് സുപ്രീം കോടതിയാണ്. ശ്രീപത്മനാഭ സ്വാമിക്ഷേത്രത്തിലെ ഇത്രയും അമൂല്യമായ സ്വര്ണശേഖരം കാത്തുസൂക്ഷിക്കുന്ന തിരുവിതാംകൂര് രാജകുടുംബാംഗങ്ങളെ അഭിനന്ദിക്കുന്നതായും മുഖ്യമന്ത്രി പറഞ്ഞു.
വര്ധിച്ചുവരുന്ന സ്വര്ണാവശ്യങ്ങള് പരിഗണിച്ച് വ്യാപാരകമ്മി ഇല്ലാതാക്കാനാണ് ശ്രീപത്മനാഭ സ്വാമിക്ഷേത്രം, സിദ്ധി വിനായക ക്ഷേത്രം തുടങ്ങി സമ്പത്തില് മുന്നിരയിലുള്ള ക്ഷേത്രങ്ങളിലെ സ്വര്ണ്ണശേഖരം ഉപയോഗപ്പെടുത്താന് പ്രധാനമന്ത്രി നരേന്ദ്ര മോദി നിര്ദ്ദേശം നല്കിയത് എന്നായിരുന്നു വാര്ത്തകള്. സ്വര്ണവും പരമ്പരാഗത നിധികളും സര്ക്കാരിലേക്കു നിക്ഷേപമായി സ്വീകരിച്ചു പലിശ നല്കുകയാണ് പദ്ധതിയിലൂടെ ലക്ഷ്യമിടുന്നതെന്നും റോയിട്ടേഴ്സ് റിപ്പോര്ട്ട് ചെയ്തിരുന്നു.
ഇത്തരത്തിലുള്ള സ്വര്ണവും പരമ്പരാഗത നിധികളും സര്ക്കാരിലേക്കു നിക്ഷേപമായി സ്വീകരിച്ച് പലിശ നല്കാനാണ് പദ്ധതിയിലൂടെ ലക്ഷ്യമിടുന്നത്. സ്വര്ണവും മറ്റു സ്വത്തുക്കളും ബാങ്കുകളില് നിക്ഷേപമായി സ്വീകരിച്ച് പലിശ നല്കുന്ന പദ്ധതി കഴിഞ്ഞ ബജറ്റിലാണ് പ്രഖ്യാപിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha