ഓര്മ്മയുണ്ടോ പീസി ഈ മുഖം... തന്നെ അപമാനിച്ച് പുറത്ത് ചാടിച്ച പിസി ജോര്ജിനെ പകരം വീട്ടി ഗണേഷ് കുമാര്
ഏറ്റവും പ്രഗത്ഭനായ മന്ത്രി എന്ന് പേരെടുത്ത ഗണേഷ് കുമാറിന് മന്ത്രി പദം നഷ്ടപ്പെട്ടത് വളരെ പെട്ടെന്നായിരുന്നു. പിസി ജോര്ജിന്റെ ചരടുവലിയാണ് തന്റെ മന്ത്രിപദം നഷ്ടപ്പെട്ടെത് എന്നാണ് ഗണേഷ് ഇപ്പോഴും വിശ്വസിക്കുന്നത്.
ബാലകൃഷ്ണ പിള്ള ജയിലില് ആയിരുന്ന സമയത്ത് പിസി ജോര്ജ് ഗണേഷിന്റെ അടുത്ത സുഹൃത്തായിരുന്നു. പൊതുവേദിയില് തന്റെ അനുജനെന്നാണ് ഗണേഷിനെ പിസി വിശേഷിപ്പിച്ചത്. ആ വേദിയില് വച്ചാണ് അനുജനും ജേഷ്ഠനും കൂടി വിഎസിനെ അപമാനിച്ച് പ്രസംഗിച്ചത്. അതില് പിന്നീട് ഗണേഷ് നന്നായി പശ്ചാത്തപിച്ചു.
കാലം മാറിയതോടെ ഇവര് തമ്മിലുള്ള ബന്ധത്തിനും ഉലച്ചില് വന്നു. തന്റെ തട്ടകമായ വനം വകുപ്പില് തൊട്ട് പിസി ജോര്ജ് കളിച്ചതോടെ ഗണേഷ് ആഞ്ഞടിച്ചു. വനം കൈയ്യേറ്റക്കാര്ക്ക് പിസി ജോര്ജ് ഒത്താശ ചെയ്തെന്ന പരാതിയിന്മേല് ഗണേഷ് ആഞ്ഞടിച്ചതോടെ ആ അനിയന് പിസിയുടെ വലിയ ശത്രുവായി. മുഖ്യമന്ത്രി കൂടി ഗണേഷിന്റെ പക്ഷത്തായതോടെ പിസി ഒറ്റപ്പെട്ടു.
തുടര്ന്നാണ് ഗണേഷിനെ താഴെയിറക്കാനുള്ള ഗവേഷണം പിസി ആവിഷ്കരിച്ചത്. അപ്പോഴാണ് തേടിയ വള്ളി സരിതയുടെ മുന്ഭാര്ത്താവായ ബിജു രാധാകൃഷ്ണന്റെ രൂപത്തില് വന്നത്.
തുടര്ന്നാണ് മംഗളം പത്രത്തില് വാര്ത്ത കൊടുത്തത്. മന്ത്രിമാരില് ഒരാള്ക്ക് കാമുകിയുടെ ഭര്ത്താവില് നിന്നും അടി കിട്ടിയെന്നായിരുന്നു വാര്ത്ത. മംഗളത്തില് വന്നതിനെ തുടര്ന്ന് പിസി ജോര്ജ് അതേറ്റ് പിടിച്ചു. എല്ലാ മന്ത്രിമാരേയും പ്രതിക്കൂട്ടില് നര്ത്തുന്നതില് മനം നൊന്ത പിസി ജോര്ജ് അടികിട്ടിയ ആ മഹാനായ മന്ത്രിയുടെ പേര് വിളിച്ചു പറഞ്ഞു ഗണേഷ് കുമാര്. അതിനെ തുടര്ന്നുണ്ടായ പുകില് യാമിനി തങ്കച്ചി ഏറ്റ് പിടിച്ചപ്പോള് ഗണേഷിന് മന്ത്രിസ്ഥാനം രാജിവയ്ക്കേണ്ടി വന്നു.
പിസി ജോര്ജ് നടത്തിയ ആ ഒരു തുറന്നു പറച്ചിലില് നിന്നും ഗണേഷ് കുമാറിന് ഇതുവരേയും മോചനം നേടാന് കഴിഞ്ഞില്ല. മന്ത്രിസ്ഥാനത്തേക്ക് തിരിച്ചെത്താനുള്ള ഓരോ അവസരങ്ങളും പിസി ജോര്ജ് തച്ചുടച്ചിരുന്നു. പിസി ജോര്ജ് കാരണമാണ് ഗണേഷ് കുമാര് യുഡിഎഫ് വിട്ടതും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha