സരിതയുടെ പരാതി പോലീസ് മുക്കി, അന്വേഷിക്കാന് സര്ക്കാരിന്റെ കര്ശന നിര്ദ്ദേശം, ദക്ഷിണമേഖലാ എ.ഡി.ജി.പി കെ. പത്മകുമാറിനെതിരെ നടപടിക്ക് സാധ്യത
ദക്ഷിണമേഖലാ എ.ഡി.ജി.പി കെ. പത്മകുമാറിനെതിരെ സരിത എസ്. നായര് നല്കിയ പരാതിയില് ഉടന് നടപടിയുണ്ടാകുമെന്ന് സൂചന. തന്റെ നഗ്ന ദൃശ്യങ്ങള് വാട്സ് ആപിലൂടെ പുറത്തുവിട്ടതിന് പിന്നില് എ.ഡി.ജി.പി കെ.പത്മകുമാറിനെതിരെ കഴിഞ്ഞ നവംബറിലാണ് സരിത ഡി.ജി.പിക്ക് പരാതി നല്കിയത്. അദ്ദേഹം അത് കമ്യൂണിറ്റി പൊലീസിങ്ങിന്റെ ചുമതലയുണ്ടായിരുന്ന ഡി.ജി.പി കൃഷ്ണമൂര്ത്തിക്ക് കൈമാറിയരുന്നു. കഴമ്പുണ്ടെങ്കില് പിറ്റേദിവസം എഫ്.ഐ.ആര് രജിസ്റ്റര് ചെയ്യുകയോ ഇല്ലെങ്കില് പരാതി തള്ളുകയോ ചെയ്യേണ്ടതായിരുന്നു. എന്നാല് ഫെബ്രുവരി അവസാനം സര്വിസില് നിന്ന് പിരിയുന്നതുവരെ അദ്ദേഹം പ്രാഥമിക അന്വേഷണം പോലും പൂര്ത്തിയാക്കിയില്ല. പരാതി െ്രെകംബ്രാഞ്ച് എ.ഡി.ജി.പി അനന്തകൃഷ്ണന് കൈമാറുകയും ചെയ്തു. ഇതിന് ശേഷം ഒന്നര മാസം പിന്നിട്ടുവെങ്കിലും ആരുടെയും മൊഴിയെടുക്കാന് പൊലീസ് തയാറായിട്ടില്ല. പിടിച്ചെടുത്ത കമ്പ്യൂട്ടര് ഹാര്ഡ് ഡിസ്ക്കില് സൂക്ഷിച്ചിരുന്ന സ്വകാര്യ ചിത്രങ്ങള് പ്രചരിപ്പിച്ചുവെന്നതടക്കം ലൈംഗികചുവയുള്ള ആരോപണങ്ങളാണ് സരിത പരാതിയില് ഉന്നയിച്ചിരിക്കുന്നത്.
പരാതി തള്ളി എ.ഡി.ജി.പിയെ സംശയത്തിന്റെ നിഴലില് നിന്ന് അകറ്റുകയോ എഫ്.ഐ.ആര് രജിസ്റ്റര് ചെയ്ത് തുടര്നടപടികള് സ്വീകരിക്കുകയോ ചെയ്തില്ലെങ്കില് പൊലീസും സര്ക്കാറും ഗുരുതര നിയമക്കുരുക്കില്പെടുമെന്ന മുന്നറിയിപ്പ് നിയമവിദഗ്ധര് നല്കിയ സാഹതര്യത്തിലാണ് അന്വേഷിച്ച് നടപടിയെടുക്കാന് സര്ക്കാര് നിര്ദ്ദേശം നല്കിയത്. ആരോപണങ്ങള് ഉയരുമ്പോള് മന്ത്രിമാര്ക്കെതിരെ പോലും അടിയന്തര നടപടിയെടുക്കുന്ന പൊലീസ് ഇക്കാര്യത്തില് മെല്ലെപ്പോക്ക് സ്വീകരിച്ചിരിക്കുന്നതില് ഭരണകക്ഷിയിലെ ഒരു വിഭാഗം എം.എല്.എമാര് അതൃപ്തരാണ്. പൊലീസ് ഇരട്ടത്താപ്പ് കാണിക്കുകയാണെന്നും ആഭ്യന്തരമന്ത്രിയെപ്പോലും ചില ഉദ്യോഗസ്ഥര് മറികടക്കുന്നതിനാലാണ് ഇങ്ങനെ സംഭവിക്കുന്നതെന്നും ഇവര് ആരോപിക്കുന്നു. കഴിഞ്ഞയാഴ്ച തിരുവനന്തപുരത്ത് നടത്തിയ പത്രസമ്മേളനത്തില് സരിത തന്നെ ഇക്കാര്യം തുറന്നടിച്ചത് ഉന്നത പൊലീസ് ഉദ്യോഗസ്ഥരില് ചിലരെ അസ്വസ്ഥരാക്കിയിട്ടുണ്ട്. ഇതോടെ കേസ് എടുക്കാനും എടുക്കാതിരിക്കാനും വയ്യാത്ത സ്ഥിതിയിലാണ് പൊലീസ്. കൃത്യമായ ആരോപണങ്ങളോടെ ഒരു സ്ത്രീ സംസ്ഥാന പൊലീസ് മേധാവിക്ക് പരാതി നല്കിയിട്ടും പ്രഥമവിവര റിപ്പോര്ട്ട് പോലും നല്കാത്തത് സുപ്രീംകോടതിവിധിയുടെ ലംഘനമാണെന്ന് നിയമവിദഗ്ധരും ചൂണ്ടിക്കാട്ടുന്നു. പരാതി നല്കിയ സ്ത്രീയുടെ സ്വഭാവമോ ചരിത്രമോ ഇതില് ഘടകമാകുന്നില്ല.
മനപൂര്വം കേസില് കുടുക്കി മുതലെടുക്കാനുള്ള ശ്രമമാണോ പരാതിക്കാരി നടത്തുന്നത് എന്ന് പ്രാഥമിക അന്വേഷണം നടത്തിയ ശേഷം പ്രഥമവിവര റിപ്പോര്ട്ട് സമര്പ്പിക്കണമെന്നാണ് നിയമം. സ്ത്രീകള്ക്കെതിരായ അക്രമം സംബന്ധിച്ച് ഐ.പി.സി. 354, 498(എ) വകുപ്പുകള് പ്രകാരം പരാതി ലഭിച്ചാല് 24 മണിക്കൂറിനകം പ്രാഥമിക അന്വേഷണം നടത്തി തുടര്നടപടികള് സ്വീകരിക്കണമെന്ന സുപ്രീംകോടതി ഉത്തരവും നിലവിലുണ്ട്. ഇക്കാര്യങ്ങളൊന്നും എ.ഡി.ജി.പിക്കെതിരായ പരാതിയില് പൊലീസ് പാലിച്ചിട്ടില്ല. ഇതിനെതിരെ സോളാര് കമീഷനില് പരാതി എത്തിയത് പൊലീസിനെ കൂടുതല് കുഴപ്പത്തിലാക്കുകയും ചെയ്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha