മാമ്പൂ ആകുന്നതുമുതല് പഴം പഴുപ്പിക്കുന്നതുവരെ വിഷം തളിച്ച്
മാങ്ങകള് പഴുപ്പിക്കാനായി വ്യാപകമായ തോതില് കാത്സ്യം കാര്ബൈഡ് വിതറുന്നു. ഇതു മൂലം മാരക രോഗങ്ങളാണ് ആളുകള്ക്ക് ഉണ്ടാകുന്നത്. മാമ്പൂ ആകുന്നതുമുതല് പഴം പഴുപ്പിക്കുന്നതുവരെ ഈ വിഷം തളിച്ചാണ് . ഇപ്പോള് തങ്ങളുടെ പറമ്പിലും മുറ്റത്തുമുള്ള മാമ്പഴം മുപ്പെത്തുമുമ്പ് തന്നെ മാമ്പഴകച്ചവടക്കാര്ക്ക് പാട്ടത്തിന് നല്കുകയാണ് വിട്ടുടമസ്ഥര് . ഇത്തരത്തില് മാങ്ങ പാട്ടത്തിനെടുക്കുന്നവര് ആദ്യം ചെയ്യുന്നത് മാമ്പൂവ്കൊഴിയാതിരിക്കാന് മരുന്ന് തളിക്കുകയാണ് . പിന്നിട് മുപ്പെത്താത്ത മാങ്ങ ഉള്പ്പെടെ പറിച്ചെടുത്ത് മലയോരമേഖലയിലെ ജനവാസം കുറവായ പല പ്രദേശങ്ങളിലും എത്തിച്ച് ചാക്കിലും മറ്റും മാങ്ങ നിരത്തിയിട്ടതിന് ശേഷം മുകളില് കാല്സ്യം കാര്ബൈഡ് വിതറി ക്യത്രിമമായി പഴുപ്പിച്ചെടുത്താണ് വിപണികളില് വില്പ്പനയ്ക്കായി എത്തിക്കുന്നത്.
കാല്സ്യം കാര്ബൈഡ് അന്തരിക്ഷത്തിലെ ഈര്പ്പവുമായിചേര്ന്ന് രാസപ്രവര്ത്തനങ്ങള് നടത്തുമ്പോഴുണ്ടാകുന്ന വാതകത്തിന്റെ പ്രവര്ത്തനം മുലമാണ് മാങ്ങ പഴുക്കുന്നത്. ഗ്യാസ് വെല്ഡിങ്ങിനും പോളിത്തീന് .പ്ലാസ്റ്റിക്ക് നിര്മ്മാണത്തിനുമാണ് കാല്സ്യം കാര്ബൈഡ് കുടുതലായും ഉപയോഗിക്കുന്നത്. കാല്സ്യം കാര്ബൈഡിന്റെ രാസപ്രവര്ത്തനങ്ങള്മുലമുണ്ടാകുന്ന വാതകത്തിനൊപ്പം ഉണ്ടാവുന്നലോഹവിഷാംശങ്ങളായ അസറ്റിലിന്ഓര്ഗാനിക്ക് കോംമ്പൗണ്ട് ആമാശയക്യാന്സറിന് കാരണമാവുന്നു. ലോഹവിഷാംശമായ ആര്സനിക്ക് , ഫോസ്ഫറസ് എന്നിവ മറ്റ് മാരകരോഗങ്ങള്ക്കും കാരണമാവുന്നു. വയറിളക്കം , ഛര്ദ്ധി , തലവേദന എന്നിവയ്ക്ക് പെട്ടെന്ന് കാരണമാവുകയും ഈ ലോഹവിഷാംശങ്ങള് മറ്റ് രോഗങ്ങള്ക്ക് ഇടവരുത്തുകയും ചെയ്യുന്നു.
കാല്സ്യം കാര്ബൈഡ് ഉപയോഗിച്ച് ഇത്തരത്തില് വ്യാപകമായി കരാര് വ്യവസ്ഥയില് മാങ്ങപഴുപ്പിച്ച് വിതരണത്തിനായി എത്തിച്ചുകൊടുക്കുന്ന സംഘവും മലയോരത്ത് പ്രവര്ത്തിക്കുന്നുണ്ട് . അയ്യകുന്ന് പഞ്ചായത്തിലെ കരിക്കോട്ടകരി , രണ്ടാംകടവ് ,മുടിയരിഞ്ഞി , എടപ്പുഴ, വാളത്തോട് , വാണിയപാറത്തട്ട് എന്നിവിടങ്ങളിലും ഉളിക്കല് പഞ്ചായത്തിലെ മാട്ടറ, മണിക്കടവ് , കോളിത്തട്ട് , എന്നിവിടങ്ങളിലെ ജനവാസമില്ലാത്ത കേന്ദ്രങ്ങളിലാണ് വ്യാപകമായി മാങ്ങ പഴുപ്പിച്ച് വിപണിയില് എത്തിച്ചുകൊടുക്കുന്ന രഹസ്യകേന്ദ്രങ്ങള് പ്രവര്ത്തിക്കുന്നത്. ക്യത്രിമമായി മാങ്ങ പഴുപ്പിക്കാന് ഉപയോഗിക്കുന്ന കാല്സ്യം കാര്ബൈഡിന് ഒരുകിലോയ്ക്ക് 80 രുപയാണ് വില . 20 ഗ്രാം കാല്സ്യം കാര്ബൈഡ് ഉപയോഗിച്ച് 25 കിലോഗ്രാം മാങ്ങവരെ പഴുപ്പിക്കാം .
അതുപോലെ വഴിയില് നിന്ന് കിട്ടുന്ന ജ്യൂസുകളും കുടിക്കരുത്. പല കടകളും വൃത്തിഹീനമായ സാഹചര്യത്തിലാണ് പ്രവര്ത്തിക്കുന്നതെന്ന് നഗര സഭാ ആരോഗ്യ വിഭാഗം തിരുവനന്തപുരത്ത് നടത്തിയ റെയ്ഡില് കണ്ടെത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha