പയ്യന്നൂരില് ബിജെപി നേതാവിന്റെ കടയ്ക്കു തീവച്ചു, തീപിടിത്തത്തില് അഞ്ച് ലക്ഷം രൂപയുടെ നാശനഷ്ടങ്ങളുണ്ടായി
പയ്യന്നൂര് കണ്ടോത്തെ ബിജെപി നേതാവിന്റെ സ്പെയര് പാര്ട്സ് കടയ്ക്കു തീവച്ചു. ബിജെപി പയ്യന്നൂര് മണ്ഡലം കമ്മിറ്റി ട്രഷറര് കോത്തായിമുക്കിലെ കെ.പി.വൈദ്യനാഥന്റെ കണ്ടോത്ത് കൂര്മ്പ ഭഗവതി ക്ഷേത്രത്തിനു മുന്നിലുള്ള വിഎല്കെ ഓട്ടോ പാര്ട്സ് കടയ്ക്കുണു തീവച്ചത്. പുലര്ച്ചെ നാലോടെയായിരുന്നു സംഭവം. കടയുടെ മുന്നിലേയും പിന്നിലേയും പൂട്ടുതകര്ത്ത അക്രമികള് കടയിലുണ്ടായിരുന്ന ഓയില് ഒഴിച്ചാണു തീവെച്ചതെന്നു കരുതുന്നു. വൈദ്യനാഥന്റെ മകന് ശ്യാമാണു കട നടത്തുന്നത്.
അറ്റകുറ്റപ്പണികള്ക്ക് അടച്ചിരുന്ന കട ഏതാനും ദിവസം മുമ്പാണു വീണ്ടും തുറന്നു പ്രവര്ത്തനമാരംഭിച്ചത്. തീവയ്പില് ഓയില് കാനുകള് പൊട്ടിച്ചിതറിതോടെ തീ ആളിപ്പടരുകയായിരുന്നു. ഒന്നര ലക്ഷം രൂപയുടെ ഓയില് കടയിലുണ്ടായിരുന്നു. വിവരമറിഞ്ഞു ഫയര്ഫോഴ്സെത്തി തീയണച്ചപ്പോഴേക്കും കടയിലെ സാധനങ്ങളെല്ലാം കത്തിനശിച്ചിരുന്നു. തീപിടിത്തത്തില് ആകെ അഞ്ചു ലക്ഷം രൂപയുടെ നഷ്ടം കണക്കാക്കുന്നു.
കഴിഞ്ഞ 2013 ഡിസംബര് ഒന്നിനു പെരുമ്പയില്വച്ചുണ്ടായ സിപിഎം-ബിജെപി സംഘര്ഷത്തിനിടെ ശ്യാമിന്റെ ശിവം ടൂറിസ്റ്റ് ബസ് അടിച്ചുതകര്ത്തിരുന്നു. കണ്ണൂരില് നടന്ന കെ.ടി. ജയകൃഷ്ണന് മാസ്റ്റര് ബലിദാന പരിപാടിക്കായി ബിജെപി പ്രവര്ത്തകരെ കൊണ്ടുപോവുകയായിരുന്ന ബസ് തകര്ക്കപ്പെട്ട അക്രമത്തിലാണ് ആര്എസ്എസ് പയ്യന്നൂര് ടൗണ് കാര്യവാഹകായ വിനോദ് കുമാര് കൊല്ലപ്പെട്ടത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha