ഏപ്രില്‍ 30 ന് ദേശീയപണിമുടക്ക് ;കെ.എസ്.ആര്‍.ടി.സി ജീവനക്കാരും പങ്കെടുക്കും
മോട്ടോര്‍ തൊഴിലാളികള്‍ റോഡ് ട്രാന്‍സ്‌പോര്‍ട്ട് ആന്‍ഡ് സേഫ്റ്റി ബില്ലിനെതിരേ 30ന് നടത്തുന്ന ദേശീയ പണിമുടക്കില്‍ കെ.എസ്.ആര്‍.ടി.സി തൊഴിലാളികളും പങ്കെടുക്കും. 29 ന് അര്‍ധരാത്രി മുതല്‍ 30 ന് അര്‍ധരാത്രിവരെയാണ് പണിമുടക്ക്.
പണിമുടക്കിന്റെ മുന്നോടിയായി ഇന്നലെ പണിമുടക്ക് നോട്ടീസ് നല്‍കി. രാജ്യത്തെ 54 ട്രാന്‍സ്‌പോര്‍ട്ട് കോര്‍പ്പറേഷനുകളിലെ മാനേജിങ് ഡയറക്ടര്‍മാര്‍ക്കും സ്വകാര്യ ബസ് മേഖലയില്‍ തൊഴില്‍ ഉടമകള്‍ക്കും അസംഘടിതമേഖലയില്‍ സംസ്ഥാന ചീഫ് സെക്രട്ടറിമാര്‍ക്കും ജില്ലാ കലക്ടര്‍മാര്‍ക്കുമാണ് നോട്ടീസ് നല്‍കിയത്. തിരുവനന്തപുരത്ത് സംയുക്ത സമരസമിതിയുടെ നേതൃത്വത്തില്‍ കിഴക്കേകോട്ടയില്‍നിന്ന് ട്രാന്‍സ്‌പോര്‍ട്ട് ഭവനിലേക്ക് കെ.എസ്.ആര്‍.ടി.സി. തൊഴിലാളികള്‍ പ്രകടനമായെത്തി നോട്ടീസ് നല്‍കി. കെ.എസ്.ആര്‍.ടി.സി എംപ്ലോയീസ് അസോസിയേഷന്‍ (സി.ഐ.ടി.യു), കെ.എസ്.ടി എംപ്ലോയീസ് യൂണിയന്‍ (എ.ഐ.ടി.യു.സി), കെ.എസ്.ആര്‍.ടി.സി, ലേബര്‍ യൂണിയന്‍, കെ.എസ്.ടി വര്‍ക്കേഴ്‌സ് യൂണിയന്‍ (ഐ.എന്‍.ടി.യു.സി), കെ.എസ്.ടി െ്രെഡവേഴ്‌സ് യൂണിയന്‍, കെ.എസ്.ടി എംപ്ലോയീസ് സംഘ് (ബി.എം.എസ്) എന്നീ സംഘടനകളാണ് പണിമുടക്ക് നോട്ടീസ് നല്‍കിയത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
