ജാമ്യവ്യവസ്ഥയില് ഇളവ് അനുവദിക്കണമെന്ന് ആവശ്യപ്പെട്ട് ഷൈന് ടോം ചാക്കോ കോടതിയില്
തന്റെ അപ്പില് ഐ ഫോണ് തിരികെ നല്കണമെന്ന് ആവശ്യപ്പെട്ട് കൊക്കെയ്ന് കേസിലെ പ്രതിയും നടനുമായ ഷൈന് ടോം ചാക്കോ കോടതിയെ സമീപിച്ചു. ജാമ്യവ്യവസ്ഥയില് ഇളവ് അഭ്യര്ഥിച്ച് മൂന്നാം പ്രതിയും സിനിമാ നടനുമായ ഷൈന് ടോം ചാക്കോ എറണാകുളം പ്രിന്സിപ്പല് സെഷന്സ് കോടതിയെയാണ് സമീപിച്ചത്.
പോലീസ് അറസ്റ്റ് ചെയ്തപ്പോള് പിടിച്ചെടുത്ത ആപ്പിള് ഐ ഫോണ് തിരികെ നല്കാന് ഉത്തരവിടണമെന്നും ഷൈന് അപേക്ഷിച്ചിട്ടുണ്ട്. \'വിശ്വാസം അതല്ലേ എല്ലാം എന്ന സിനിമയുടെ ഷൂട്ടിങ്ങിനായി തനിക്ക് 21 ന് തമിഴ്നാട്ടിലെ ഉദുമല്പേട്ടയില് പോകാന് അനുവദിക്കണമെന്നും ഷൈന് കോടതിയോട് അഭ്യര്ഥിച്ചു. വിചാരക്കോടതിയുടെ മുന്കൂര് അനുമതിയില്ലാതെ കേരളത്തിനു പുറത്തുപോകരുതെന്നു ഹൈക്കോടതി നിര്ദേശിച്ച ജാമ്യവ്യവസ്ഥയിലാണ് ഇളവു തേടിയത്. കഴിഞ്ഞ 31 നാണ് ഷൈന് ടോം അടക്കമുള്ള അഞ്ചു പ്രതികള്ക്ക് ഹൈക്കോടതി ജാമ്യം അനുവദിച്ചത്. അന്നു പോലീസ് കുറ്റപത്രവും നല്കിയിരുന്നു.
കൊക്കെയ്ന് കേസില് ഷൈന് അറസ്റ്റിലായതോടെ രണ്ടു മാസമായി സിനിമയുടെ ഷൂട്ടിങ് മുടങ്ങിയിരിക്കുകയാണ്. പ്രധാനമായും എറണാകുളത്ത് ഷൂട്ട് ചെയ്ത സിനിമയുടെ അവസാന രംഗമാണ് ഉദുമല്പേട്ടയില് നിശ്ചയിച്ചിരിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha