നിങ്ങളുടെ മകന് പഠിക്കാന് മോശമാണോ? എങ്കില് മിടുക്കനാക്കാന് സ്ക്രൈബുകള് റെഡി
സംസ്ഥാനത്തെ സിബിഎസ്ഇ സ്കൂളുകളില് ഒന്പതാം ക്ലാസില് പഠിക്കുന്ന മിടുക്കരായ വിദ്യാര്ത്ഥികളെ സ്ക്രൈബായി പരീക്ഷ എഴുതിപ്പിക്കാന് പ്രത്യേക പരിശീലനം നല്കുന്ന നടപടി വ്യാപകമാകുന്നു. കാഴ്ച്ച, ശ്രവണ ശക്തിയും ബുദ്ധിവൈകല്യമുള്ള കുട്ടികള്ക്ക് വേണ്ടി പത്താംക്ലാസ് സിബിഎസ്ഇ പരീക്ഷ എഴുതിക്കുന്നതിനായാണ് ഒന്പതാം ക്ലാസില് പഠിക്കുന്ന സമര്ത്ഥരായ വിദ്യാര്ത്ഥികളെ കണ്ടെത്തുന്നത്.
കുട്ടിക്ക് വൈകല്യമുണ്ടെന്നുളള ഒരു ഡോക്ടറുടെ സര്ട്ടിഫിക്കേറ്റ് ഉണ്ടെങ്കില് സ്ക്രൈബിനെ വച്ച് പരീക്ഷ എഴുതാം. സ്ക്രൈബ് മിടുക്കനാണെങ്കില് വൈകല്യമുള്ള കുട്ടിക്ക് ഉയര്ന്ന മാര്ക്ക് നേടാം. സ്ക്രൈബിനാകട്ടെ പത്താം ക്ലാസ് പരീക്ഷ നേരത്തെ എഴുതി പരിചയസമ്പത്തും കരസ്ഥമാക്കാം. വൈകല്യമുള്ള കുട്ടികളോടുള്ള സര്ക്കാരിന്റെ മ്യത്യുസമീപനമാണ് ഇത്തരത്തില് മുതലെടുക്കുന്നത്.
പാലക്കാട് ജില്ലയിലാണ് സ്ക്രൈബ് പരീക്ഷ എഴുതുന്നവരുടെ എണ്ണം കൂടുതല്. വിദ്യാര്ത്ഥിക്ക് വൈകല്യമുണ്ടോ എന്ന് പോലും വ്യക്തമായ പരിശോധനയില്ല. പഠനത്തില് പിന്നോക്കം നില്ക്കുന്ന വിദ്യാര്ത്ഥികളുടെയെല്ലാം പഠനവൈകല്യം എന്ന തൊഴുത്തില് കെട്ടി സ്ക്രൈബിനെ ഉപയോഗിച്ച് പരീക്ഷ എഴുതിക്കുന്ന പതിവാണ് സംസ്ഥാനത്തുള്ളത്. ഇത്തരത്തില് സര്ട്ടിഫിക്കേറ്റ് നല്കുന്ന ഡോക്ടര്മാരും കേരളത്തില് ഇപ്പോഴും ഉണ്ടെന്നതാണ് രസകരമായ മറ്റൊരു വസ്തുത.
വ്യാജ മെഡിക്കല് സര്ട്ടിഫിക്കേറ്റ് നല്കുന്നത് കുറ്റകരമാണെന്ന് അറിയുന്നവര് തന്നെയാണ് ഇത്തരത്തില് വ്യാജമെഡിക്കല് സര്ട്ടിഫിക്കേറ്റുകള് നല്കുന്നത്. നിയമം ദുരുപയോഗം ചെയ്യുന്നതിനെതിരെ സൂക്ഷ്മപരിശോധനയുമില്ല. ഉത്തരവാദിത്വപ്പെട്ട ഉദ്യോഗസ്ഥര് ഇക്കാര്യത്തില് കുറ്റകരമായ നിസംഗതയാണ് പുലര്ത്തുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha