തിരുവനന്തപുരത്ത് കൊല്ലപ്പെട്ട രത്‌ന വ്യാപാരി ഹരിഹര വര്‍മ്മയുടെ കൈയ്യിലുണ്ടായിരുന്ന രത്‌നങ്ങള്‍ പത്മനാഭ സ്വാമിക്ഷേത്രത്തിലേതാണെന്ന് പോലീസിന് സംശയം. രത്‌നങ്ങള്‍ വാങ്ങാനെന്ന പേരില്‍ സുഹൃത്ത് അഡ്വ. ഹരിദാസിന്റെ വീട്ടിലെത്തിയ ചിലരാണ് വര്‍മ്മയെ കൊലപ്പെടുത്തിയത്. 2012 ഡിസംബര്‍ 24 നായിരുന്നു വധം. വര്‍മ്മയ്ക്കും സുഹൃത്തിനും മയ്ക്കുമരുന്ന് നല്‍കിയ ശേഷം അതിഥികള്‍ രത്‌നവുമായി കടന്നെന്നാണ് പോലീസ് പറയുന്നത്. മയക്കുമരുന്നിന്റെ അളവു കൂടിയതാണ് വര്‍മ്മയുടെ മരണത്തിന് കാരണം.

പൂഞ്ഞാര്‍ രാജകുടുംബാംഗം എന്ന പേരിലാണ് ഹരിഹരവര്‍മ്മ രത്‌ന വില്‍പ്പനയ്ക്ക് തയ്യാറായത്. തനിക്ക് പൂര്‍വ്വികമായി കിട്ടിയ രത്‌നങ്ങള്‍ എന്നാണ് വര്‍മ്മ പറഞ്ഞിരുന്നത്. വധത്തിന് ശേഷം ഇയാള്‍ രാജകുടുംബാംഗം അല്ലെന്ന് പോലീസിന് ബോധ്യമായി. വര്‍മ്മ ആരുടെയെങ്കിലും ബിനാമിയാണോ എന്ന സംശയവും പോലീസിനുണ്ട്.
പോലീസ് കണ്ടെത്തിയ രത്‌നങ്ങള്‍ക്കുമേല്‍ ആരും അവകാശം ഉന്നയിച്ച് വരാത്തതും സംശയം ഉണര്‍ത്തുന്നതാണ്. രത്‌നങ്ങള്‍ വ്യാജമാണെന്ന നിഗമനത്തില്‍ പോലീസ് എത്തിയത് ഇക്കാരണം ചൂണ്ടിക്കാണിച്ചാണ്. 2012 ജൂലൈയില്‍ വിചാരണ തുടങ്ങിയ കേസില്‍ 72 സാക്ഷികളെ കോടതി വിസ്തരിച്ചു. തുടര്‍ന്ന് അഞ്ച് പ്രതികള്‍ക്ക് ജീവപര്യന്തം ശിക്ഷ വിധിക്കുകയും ചെയ്തു. ഇതോടെ എല്ലാം അവസാനിച്ചെന്നാണ് പോലീസ് കരുതിയിരുന്നത്.
എന്നാല്‍ വര്‍മ്മയില്‍ നിന്നും കണ്ടെത്തിയത് 3647 രത്‌നങ്ങളാണെന്നും അവ കോടിക്കണക്കിന് രൂപ വിലമതിക്കുന്നതാണെന്നും പോലീസ് കണ്ടെത്തുകയായിരുന്നു. കോടതിയുടെ നിര്‍ദ്ദേശാനുസരണമാണ് മൈനിങ്ങ് ജിയോളജി വകുപ്പ് രത്‌നങ്ങള്‍ പരിശോധിച്ചത്. വകുപ്പിന്റെ രത്‌ന പരിശോധന വിഭാഗമാണ് രത്‌നങ്ങള്‍ പരിശോധിച്ചത്. ഇവരുടെ റിപ്പോര്‍ട്ട് തിരുവനന്തപുരത്തെ അതിവേഗ കോടതിയില്‍ സമര്‍പ്പിച്ചു. രത്‌നങ്ങള്‍ വ്യാജമാണെന്ന പോലീസ് കണ്ടെത്തലാണ് ഇതോടെ ഇല്ലാതായിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha