അടുത്തത് വീരന്റെ വക... സഹിക്കുന്നില്ല അവഗണന; ഏത് മുന്നണിയില് തുടരുമെന്ന് ആലോചിക്കും; സിറ്റിംഗ് സീറ്റ് തനിക്ക് തരാതെ ആര്.എസ്.പി.ക്ക് കൊടുത്തു
പിസി ജോര്ജ് യുഡിഎഫിലുണ്ടാക്കിയ പൊല്ലാപ്പുകള് തീരും മുമ്പ് ദേ അടുത്തയാള് എത്തി. യുഡിഎഫിനെതിരെ തുറന്നടിച്ച് ജനതാദള് യു സംസ്ഥാന പ്രസിഡന്റ് എം.പി. വീരേന്ദ്രകുമാറാണ് രംഗത്തെത്തിയത്. അഞ്ചു കൊല്ലം ഒന്നിച്ചു നിന്നിട്ടും അവഗണനയല്ലാതെ മറ്റൊന്നും തിരിച്ചു കിട്ടിയില്ലെന്നു വീരേന്ദ്രകുമാര് പറഞ്ഞു. ജനതാദള് യു സംസ്ഥാന സെക്രട്ടേറിയറ്റിന്റെയും ജില്ലാ പ്രസിഡന്റുമാരുടെയും സംയുക്ത യോഗത്തിനു ശേഷം മാധ്യമ പ്രവര്ത്തകരോടു വിശദീകരിക്കുകയായിരുന്നു വീരേന്ദ്രകുമാര്.
പാലക്കാട്ടെ തോല്വി അന്വേഷിച്ച കമ്മിഷന്റെ റിപ്പോര്ട്ടു പോലും പരസ്യമാക്കാന് നേതൃത്വം തയാറായിട്ടില്ല. സിറ്റിങ് സീറ്റെന്ന പേരില് ലോക്സഭ തിരഞ്ഞെടുപ്പില് വടകര സീറ്റ് വിട്ടു നല്കാതിരുന്ന കോണ്ഗ്രസ് തിരഞ്ഞെടുപ്പിന്റെ തലേന്നു മാത്രം മുന്നണിയില് വന്ന ആര്എസ്പിക്ക് കൊല്ലത്തെ സിറ്റിങ് സീറ്റ് വിട്ടുകൊടുത്തു. രണ്ടു തരം നീതിയാണ് മുന്നണിയില്. ദേശീയ തലത്തില് കോണ്ഗ്രസിന്റെ പ്രസക്തി നഷ്ടപ്പെട്ടെന്നും ജനതാപരിവാര് ലയനത്തിനു ശേഷം ദേശീയ നേതൃത്വം എടുക്കുന്ന തീരുമാനത്തിനൊപ്പം കേരള ഘടകം നില്ക്കുമെന്നും വീരേന്ദ്രകുമാര് പറഞ്ഞു.
നിലവില് യുഡിഎഫിലാണ്, രാജ്യസഭ തിരഞ്ഞെടുപ്പില് യുഡിഎഫ് സ്ഥാനാര്ഥിക്ക് വോട്ടു നല്കും. തദ്ദേശ ഭരണ തിരഞ്ഞെടുപ്പിലെ സീറ്റിന്റെ കാര്യത്തിലും മുന്നണി കണ്വീനര് സ്ഥാനങ്ങളിലും യുഡിഎഫിനേക്കാള് പരിഗണന എല്ഡിഎഫ് നല്കിയിരുന്നുവെന്നും വീരേന്ദ്രകുമാര് പറഞ്ഞു. ഇത്രയും നാള് മിണ്ടാതിരുന്നതു കണ്ട് ജനതാദളിന് ഒരു പരാതിയുമില്ലെന്നു മറ്റുള്ളവര് തെറ്റിദ്ധരിച്ചു.
മുന്നണി മര്യാദയുടെ ഭാഗമായാണ് ഇത്രയും നാള് മിണ്ടാതിരുന്നതെന്നും അദ്ദേഹം പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha