വിഎസ് കേന്ദ്രകമ്മിറ്റിയില് ഇല്ല, പകരം ഇളമരം കരിമും എകെ ബാലനും, ഓഴിവാക്കിയത് പാര്ട്ടി സ്ഥാപക നേതാവിനെ
പാര്ട്ടിയുടെ സ്ഥാപക നേതാവിനെ ഒഴിവാക്കരുതെന്ന് സിപിഎമ്മിലെ ഭൂരിഭാഗം അംഗങ്ങളും താല്പര്യം പ്രകടപ്പിച്ചെങ്കിലും കേരളത്തിലെ നേതാക്കള് പ്രായാധിക്യം പറഞ്ഞ് വിഎസിനെ കേന്ദ്രകമ്മിറ്റിയില് നിന്ന് വെട്ടി നിരത്തി. എന്നാല് വിഎസിനെ കേന്ദ്രകമ്മിറ്റിയിലെ പ്രത്യേക ക്ഷണിതാവാക്കി നിലനിര്ത്തുകും ചെയ്തു. വിഎസിനെ നേരത്തെ തന്നെ കേന്ദ്രകമ്മിറ്റിയില് നിന്ന് ഓഴിവാക്കുമെന്ന് റിപ്പോര്ട്ടുണ്ടായിരുന്നു. ഇത് ശരിവെക്കുന്നരീതിയിലായിരുന്നു ഇന്നലെ കൂടിയ പോളിറ്റ് ബ്യൂറോ യോഗത്തിന്റെ തീരുമാനം.
നിര്ണായക പൊളിറ്റ് ബ്യൂറോ യോഗത്തില് വിഎസിനെ കേന്ദ്രകമ്മിറ്റിയില് ഉള്പ്പെടുത്തണമെന്ന് സീതാറാം യച്ചൂരിയും വിഎസിനെ ഉള്പ്പെടുത്താനാവില്ലെന്ന് പിണറായി വിജയനും വാദിച്ചിരുന്നു. വിഎസ് തുടര്ച്ചയായ അച്ചടക്കലംഘനം നടത്തുന്ന സാഹചര്യത്തില് അദ്ദേഹത്തെ പുറത്താക്കണമെന്നായിരുന്നു പിണറായിയുടെ ആവശ്യം. എന്നാല് സ്ഥാപക നേതാവെന്ന നിലയില് വിഎസ് സിസിയില് തുടരണമെന്ന് യച്ചൂരി ആവശ്യപ്പെട്ടു. വളരെ നേരെ നീണ്ടുനിന്ന തര്ക്കത്തിനൊടുവിലാണ് വിഎസിനെ കേന്ദ്രകമ്മിറ്റിയില് നിന്നൊഴിവാക്കി, പ്രത്യേക ക്ഷണിതാവായി ഉള്പ്പെടുത്താനുള്ള തീരുമാനത്തിലെത്തിയത്.
എ.കെ.ബാലനും എളമരം കരീമും കേന്ദ്രകമ്മിറ്റിയില് ഉള്പ്പെട്ടിട്ടുണ്ട്. പി.കെ. ഗുരുദാസനെ നിലനിര്ത്തി. കേന്ദ്രകമ്മിറ്റിയില് 14 പേര് പുതിയ അംഗങ്ങളാണ്. പ്രായാധിക്യം ചൂണ്ടിക്കാട്ടി പാലോളി മുഹമ്മദ് കുട്ടി സിസിയില്നിന്ന് ഒഴിവായിട്ടുണ്ട്. പിബിയില് മൂന്നുപേര് പുതുമുഖങ്ങളാണ്. ബുദ്ധദേവും നിരുപം സെന്നും പിബിയില്നിന്ന് ഒഴിവായിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha