വിഎസ് കേരളത്തിലേക്ക് മടങ്ങി, പാര്ട്ടി തീരുമാനത്തില് അസ്വഭാവികതയില്ലെന്നും വിഎസ്
കേന്ദ്ര കമ്മിറ്റിയില് നിന്ന് തന്നെ ഒഴിവാക്കി പ്രത്യേക ക്ഷണിതാവാക്കിയതില് അസ്വാഭാവികതയില്ലെന്ന് പ്രതിപക്ഷ നേതാവ് വി.എസ്.അച്യുതാനന്ദന് പറഞ്ഞു. ഒഴിവാക്കിയതില് പ്രതിഷേധമുണ്ടോയെന്ന ചോദ്യത്തിന് ഇല്ല എന്നും അദ്ദേഹം മാദ്ധ്യമ പ്രവര്ത്തകരോട് പറഞ്ഞു.
പാര്ട്ടിയുടെ മാനദണ്ഡങ്ങള് അനുസരിച്ചാണ് ഇത്തരമൊരു തീരുമാനം കൈക്കൊണ്ടത്. അതില് അസ്വാഭിവകമായി യാതൊന്നും തന്നെയില്ല. പി.കെ.ഗുരുദാസനെ കേന്ദ്ര കമ്മിറ്റിയില് നിലനിര്ത്തിയല്ലോ എന്ന ചോദ്യത്തിന് അയാള്ക്ക് എണ്പതോ എണ്പത്തിരണ്ടോ വയസല്ലേ ആയുള്ളൂ. ആരോഗ്യമല്ല, വയസാണ് പ്രധാനമാണെന്നും വി.എസ് കൂട്ടിച്ചേര്ത്തു. തുടര്ന്നും പാര്ട്ടിയുമായി സഹകരിക്കുമോയെന്ന ചോദ്യത്തിന് അതെല്ലാം പാര്ട്ടിയുടെ പ്രവര്ത്തനം നോക്കി തീരുമാനിക്കുമെന്നായിരുന്നു മറുപടി. നിലപാടുകളില് ഉറച്ചു നില്ക്കുമോയെന്ന ചോദ്യത്തിന് അദ്ദേഹം മറുപടി പറഞ്ഞില്ല.
സീതാറാം യെച്ചൂരി ജനറല് സെക്രട്ടറി ആവുമോയെന്ന ചോദ്യത്തിന് അറിയില്ലെന്നായിരുന്നു വി.എസിന്റെ മറുപടി. താന് പ്രതിഷേധിച്ച് പോവുകയല്ല. ഫ്ളൈറ്റിന്റെ സമയം നോക്കി പോവുകയാണ്. ഇവിടെ നിന്ന് മദ്രാസിലേക്ക് പോണം. അവിടെ നിന്ന് കേരളത്തിലേക്കും. അതിനാല് നിങ്ങള് എനിക്ക് വഴി തരണം....വഴി തരണം എന്ന് പറഞ്ഞ് വി.എസ് കൂടുതല് ചോദ്യങ്ങള്ക്ക് കാത്തുനില്ക്കാതെ കാറിലേക്ക് കയറി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha