പ്രതീക്ഷയോടെ ജനങ്ങള്, ജനസമ്പര്ക്ക പരിപാടിക്ക് ഇന്നു തുടക്കമാകും, രണ്ടു ലക്ഷം പരാതികളാണ് ഇതുവരെ ഓണ്ലൈനില് ലഭിച്ചിരിക്കുന്നത്
മുഖ്യമന്ത്രി ഉമ്മന് ചാണ്ടിയുടെ മൂന്നാംഘട്ട ജനസമ്പര്ക്ക പരിപാടിക്ക് (കരുതല് 2015) ഇന്നു തിരുവനന്തപുരം ജില്ലയില് തുടക്കം കുറിക്കും. രാവിലെ ഒന്പതിനു സെന്ട്രല് സ്റ്റേഡിയത്തില് പരിപാടി തുടങ്ങും. ഈ ഭരണകാലത്തെ മൂന്നാമത്തേതും 2004ല് നടത്തിയ ജനസമ്പര്ക്ക പരിപാടി കൂടി ഉള്പ്പെടുത്തിയാല് മുഖ്യമന്ത്രി ഉമ്മന് ചാണ്ടിയുടെ നാലാമത്തേതുമായ ജനസമ്പര്ക്ക പരിപാടിയാണിത്. രണ്ടു ലക്ഷം പരാതികളാണ് ഇതുവരെ ഓണ്ലൈനില് ലഭിച്ചിരിക്കുന്നത്.
തിരുവനന്തപുരം ജില്ലയില് 16,253 പരാതികള് ലഭിച്ചു. ഏറ്റവുമധികം പരാതികള് കൊല്ലത്താണ് - 30,133. ഇടുക്കി 22,244 പരാതികളുമായി രണ്ടാംസ്ഥാനത്തുണ്ട്. പത്തനംതിട്ട - 10,469, ആലപ്പുഴ - 12,355, കോട്ടയം - 9,207, എറണാകുളം - 7,562, തൃശൂര് - 9,124, പാലക്കാട് - 17,708, മലപ്പുറം - 18,817, കോഴിക്കോട് - 11,089, വയനാട് - 7,617, കണ്ണൂര് - 8,757, കാസര്കോട് - 12,668 എന്നിങ്ങനെയാണു മറ്റു ജില്ലകളില് ലഭിച്ച പരാതികള്. 66,083 പേരാണു മുഖ്യമന്ത്രിയുടെ ദുരിതാശ്വാസനിധിയില്നിന്നുള്ള ധനസഹായത്തിന് അപേക്ഷിച്ചത്. വീടിനു 33,725 അപേക്ഷകരുണ്ട്.
26,498 പേര് ബിപിഎല് കാര്ഡിന് അപേക്ഷിച്ചു. വായ്പ, പട്ടയം, ആരോഗ്യ മേഖലയുമായി ബന്ധപ്പെട്ട വിഷയങ്ങള്, വികലാംഗര്ക്കുള്ള സഹായം, ജോലി തുടങ്ങിയവയാണു മറ്റു പ്രധാനപ്പെട്ട ആവശ്യങ്ങള്. 2011ല് നടന്ന ആദ്യ ജനസമ്പര്ക്ക പരിപാടിയില് ലഭിച്ച 5.45 ലക്ഷം അപേക്ഷകളില് 2.97 ലക്ഷം പരിഹരിക്കപ്പെട്ടു. 20.82 കോടി രൂപ വിതരണം ചെയ്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha