മമ്മൂട്ടി സ്വിച്ച് ഓണ് കര്മ്മം നിര്വഹിച്ചു, മോഹല്ലാല് വാര്ത്ത അവതാരകനായിയെത്തി, ജനം ടിവിയുടെ ഔപചാരിക സംപ്രേഷണത്തിലാണ് ലാല് ആരാധകരെ ആവേശം കൊള്ളിച്ചത്
മലയാളത്തിന്റെ സൂപ്പര് താരം മോഹന്ലാല് പല വേഷങ്ങളില് നമ്മുടെ മുന്നിലെത്തിയിട്ടുണ്ട്. എന്നാല്, ജീവിതത്തില് വാര്ത്താ അവതാരകനായി ലാല് എത്തിയത് ആരാധകരെ ഏറെ ആവേശഭരിതരാക്കി. സിനിമയിലോ പരസ്യത്തിലോ അല്ല മറിച്ച് ഒരു ചാനല് ഉദ്ഘാടന ചടങ്ങിനിടെയാണ് ലാല് അതിശയിപ്പിച്ച് വാര്ത്ത അവതാരകനായി എത്തിയത്.
ആര്എസ്എസ് അനുകൂല ചാനലായ ജനം ടിവിയുടെ ഔദ്യോഗിക ഉദ്ഘാടന ചടങ്ങിനിടെയാണ് ലാല് അവതാരകനായി എത്തിയത്. മലയാളത്തിലെ ഒട്ടുമിക്ക താരങ്ങളെയും അണിനിരത്തി കൊണ്ടാണ് ജനം ടിവി സംപ്രേക്ഷണം ആരംഭിച്ചത്.
ചാനലിന്റെ സംസ്കൃത വാര്ത്തയുടെ സ്വിച്ച് ഓണ് കര്മ്മം മമ്മൂട്ടി നിര്വഹിച്ചതോടെ ലാല് വാര്ത്ത വായിച്ച് തുടങ്ങി. സംബദി വാര്ത്താഹ സൂയംതാം... എന്ന് പറഞ്ഞാണ് ലാല് വാര്ത്ത വായിച്ച് തുടങ്ങിയത്. കൊച്ചി വെല്ലിങ്ടണ് ഐലന്റിലെ ബ്രിസ്റ്റോ ഗ്രൗണ്ടിലായിരുന്നു ചാനലിന്റെ ഉദ്ഘാടന ചടങ്ങുകള് നടന്നത്.
മലയാളത്തിലെ എല്ലാ താരങ്ങളും എത്തിയതോടെ ചടങ്ങ് ഏറെ ആവേശം പകര്ന്നു. ഇന്നലെ വൈകിട്ട് 5.30ന് ശ്രീശ്രീ രവിശങ്കറാണ് ചാനലിന്റെ ഔദ്യോഗിക ഉദ്ഘാടനം നിര്വഹിച്ചത്. തുടര്ന്നാണ് ചാനലിലെ സാന്സ്ക്രിറ്റ് ന്യൂസ് എന്ന പേരില് സംസ്കൃത വാര്ത്താ ബുള്ളറ്റിന് മമ്മൂട്ടിയാണ് ഉദ്ഘാടനം ചെയ്തത്. സ്വിച്ച്ഓണ് കര്മം നിര്വഹിച്ചതോടെ വാര്ത്താ അവതാരകനായി മോഹന്ലാല് സ്ക്രീനില് എത്തുകയായിരുന്നു. തുടര്ന്ന് ആരാധകരുടെ ആവേശകരമായ കൈയ്യടി ചടങ്ങിനെ ഏറെ വേറിട്ടതാക്കി. ഒഎന്വി രചിച്ച, എം. ജയചന്ദ്രന് സംഗീതസംവിധാനം നിര്വഹിച്ച തീംസോംഗ് സംവിധായകനും ചാനല് ചെയര്മാനുമായ പ്രിയദര്ശന് പ്രകാശനം ചെയ്തു.
കേന്ദ്ര വാര്ത്താ വിതരണ വകുപ്പ് സഹമന്ത്രി രാജ്യവര്ധന് സിങ് റാത്തോഡ് ലോഗോ പ്രകാശനം നിര്വഹിക്കുകയും ചെയ്തു. തീവ്രവാദികളുമായി ഏറ്റുമുട്ടി രാജ്യത്തിനായി ജീവന് സമര്പ്പിച്ച മേജര് മുകുന്ദ് വരദരാജന് ജനം ടി വിയുടെ മരണാനന്തര ബഹുമതിയും ചടങ്ങില് സമര്പ്പിച്ചു. മേജര് മുകുന്ദ് വരദരാജന്റെ പിതാവ് ബഹുമതി ഏറ്റുവാങ്ങി. സാമൂഹിക സാംസ്കാരിക രംഗത്തെ നിരവധി പേര് ചടങ്ങില് പങ്കെടുത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha