എസ്എസ്എല്സി പരീക്ഷാഫലം പ്രഖ്യാപിച്ചു; വിജയശതമാനം 97.99 ശതമാനം
സംസ്ഥാനത്ത് 2014-15 വര്ഷത്തെ പത്താം ക്ലാസ് പരീക്ഷാഫലം പ്രഖ്യാപിച്ചു. 97.99 ശതമാനാണു വിജയം. സംസ്ഥാനത്തു 458,841 കുട്ടികളാണ് ഉപരിപഠനത്തിന് അര്ഹത നേടിയത്. 12,287 കുട്ടികള്ക്ക് എല്ലാ വിഷയത്തിനും എ പ്ലസ് ലഭിച്ചു.
സംസ്ഥാനത്ത് എസ്.എസ്.എല്.സി പരീക്ഷയുടെ ഫലം പ്രസിദ്ധീകരിച്ചു. വിദ്യാഭ്യാസമന്ത്രി പി.കെ.അബ്ദുറബ്ബാണ് വാര്ത്താസമ്മേളനത്തില് ഫലം പ്രസിദ്ധീകരിച്ചത്. മുന്വര്ഷത്തെപ്പോലെ ഇക്കുറിയും മോഡറേഷന് നല്കിയിട്ടില്ലെന്ന് മന്ത്രി പറഞ്ഞു.
97.99 ശതമാനം വിദ്യാര്ഥികള് വിജയിച്ചു. കഴിഞ്ഞ വര്ഷത്തേക്കാള് 2.52 ശതമാനം കൂടുതലാണിത്. കഴിഞ്ഞ വര്ഷം 95.47 ശതമാനം വിദ്യാര്ഥികളാണ് വിജയിച്ചത്. ഇക്കുറി 4,58,841 വിദ്യാര്ഥികള് ഉന്നതപഠനത്തിന് അര്ഹത നേടി. 12,287 വിദ്യാര്ഥികള് എല്ലാ വിഷയത്തിലും എ പ്ലസ് നേടി. മലപ്പുറം ജില്ലയിലാണ് എ പ്ലസുകാര് കൂടുതല്. 1501 വിദ്യാര്ഥികള് നൂറു മേനി നേടി.
കണ്ണൂര് ജില്ലയിലാണ് ഏറ്റവും ഉയര്ന്ന വിജയശതമാനം. 97.99 ശതമാനം പേര് വിജയിച്ചു. ഏറ്റവും കുറഞ്ഞ ശതമാനം പാലക്കാട് ജില്ലയിലാണ്. ഏറ്റവും ഉയര്ന്ന വിജയശതമാനമുള്ള വിദ്യാഭ്യാസ ജില്ല മൂവാറ്റുപുഴയാണ്. ഇവിടെ 94.3 ശതമാനം പേര് വിജയിച്ചു. ഏറ്റവും കുറഞ്ഞ വിജയശതമാനമുള്ള വിദ്യാഭ്യാസജില്ല മണ്ണാര്ക്കാടാണ്.
ഗള്ഫില് 464 പേര് പരീക്ഷയെഴുതിയപ്പോള് 461 പേര് വിജയിച്ചു.
തോറ്റ വിദ്യാര്ഥികള്ക്കു വേണ്ടി നടത്തുന്ന സേ പരീക്ഷ മേയ് 11 മുതല് 16 വരെ നടക്കും. ഈ മാസം 28 മുതല് ഇതിനുവേണ്ടി അപേക്ഷ സമര്പ്പിക്കാം. മെയ് ആറ് മുതല് പ്ലസ് വണ്ണിന് അപേക്ഷ സമര്പ്പിക്കാം.
ഫലം അറിയാനുള്ള വെബ്സൈറ്റുകള്
www.keralapareekshbhavan.in
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha