അനൂപിനെതിരെ ക്വിക്ക്വെരിഫിക്കേഷന് വരും, ലക്ഷ്യം മുഖ്യമന്ത്രി; രമേശിന്റെ ഉദ്ദേശങ്ങള് നടപ്പിലാകുമോ ?
സിവില് സപ്ലൈസ് മന്ത്രി അനൂപ് ജേക്കബിനെതിരെ വിജിലന്സിന്റെ ് വെരിഫിക്കേഷന് വരുന്നു. ഉപഭോക്തൃ കോടതിയിലെ നിയമനത്തില് അഴിമതി നടന്നുവെന്ന് ആരോപിച്ച് ആര്.ബാലകൃഷ്ണപിള്ള നല്കിയ പരാതിയിലാണ് വിജിലന്സ് അന്വേഷിക്കുന്നത്. ഇതു സംബന്ധിച്ച് പ്രഥമദൃഷ്ട്യാ തെളിവുണ്ടെങ്കില് അനൂപിനെതിരെ എഫ്ഐആര് എടുക്കും.
ആഭ്യന്തരമന്ത്രി രമേശ് ചെന്നിത്തലയും വിജിലന്സ് ഡയറക്ടറും തമ്മില് ഇതു സംബന്ധിച്ച് ധാരണയായിട്ടുണ്ട്. ഇക്കാര്യത്തില് രമേശിന്റെ ഉദ്ദേശം വ്യക്തമാണ്. അനൂപിനെതിരയല്ല രമേശിന്റെ നീക്കങ്ങള്. ഉമ്മന്ചാണ്ടിക്ക് നേരെയാണ്. ഉപഭോക്തൃകോടതി അധ്യക്ഷനിയമനത്തില് തിരുവനന്തപുരം ജില്ല, സിപിഐ നേതാവിനാണ് അനൂപ് ജേക്കബ് നല്കിയത്. ഇത് മുഖ്യമന്ത്രിയുടെ നിര്ദ്ദേശാനുസരണമാണ്. അന്വേഷണം വരുമ്പോള് മുഖ്യമന്ത്രി പറഞ്ഞിട്ടാണ് താന് ഇപ്രകാരം ചെയ്തതെന്ന് അനൂപ് പറയണം. അതാണ് രമേശിന്റെ ലക്ഷ്യം.
തിരുവനന്തപുരം ജില്ലാ ഉപഭോക്തൃ കമ്മീഷന് സിപിഐയ്ക്ക് നല്കിയതിനെതിരെ കെപിസിസി അധ്യക്ഷന് വിഎം സുധീരനും രംഗത്തെത്തിയിരുന്നു. എന്നാല് അത് മുഖവിലയ്ക്കെടുക്കാന് മുഖ്യമന്ത്രി തയ്യാറായില്ല.
ഭക്ഷ്യമന്ത്രിയുടെ വകുപ്പില് നടക്കുന്ന അഴിമതികള് മുഖ്യമന്ത്രി കക്ഷി അറിഞ്ഞിട്ടാണെന്നു പ്രചാരണം നേരത്തെ തന്നെയുണ്ട്. മുഖ്യമന്ത്രി തനിയെ നടത്തുന്ന അഴിമതികള് നാട്ടില് പാട്ടാണ്. ഇത് സംബന്ധിച്ച് നിരവധി കോടതി ഇടപെടലുകളും ഉണ്ടായിട്ടുണ്ട്. വിജിലന്സ് അന്വേഷണങ്ങള് അനൂപിനെതിരെ നടക്കുന്നുണ്ടെങ്കിലും അദ്ദേഹം അതൊന്നും ഗൗനിക്കുന്നില്ല.
ഏതായാലും ഉമ്മന്ചാണ്ടിയെ ലക്ഷ്യമിട്ട് നീങ്ങുന്ന ആഭ്യന്തരമന്ത്രിയുടെ കൈകളില് ഭക്ഷ്യമന്ത്രി അകപ്പെടുമോ എന്നാണ് കേരളം സാകൂതം നോക്കുന്നത്.. അങ്ങനെ പെടുകയാണെങ്കില് അന്വേഷണം മുഖ്യമന്ത്രിയിലേക്കും തിരിക്കേണ്ടി വരും.
അതിനിടെ സിപിഐയെ ഘടകകക്ഷിയാക്കുന്നതിന്റെ ഭാഗമായാണ് അവരുടെ നേതാവിന് ജില്ലാ കമ്മീഷന് നല്കിയതെന്നും വാര്ത്തകളുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha