യച്ചൂരിയുടെ വരവ് പിണറായിക്ക് വന് തിരിച്ചടി: വിഎസ് പ്രതിപക്ഷത്തെ നയിക്കും
സീതാറാം യച്ചൂരി പാര്ട്ടി അധ്യക്ഷനായതോടെ വരുന്ന നിയമസഭാ തെരഞ്ഞെടുപ്പില് വിഎസ് അച്യുതാനന്ദന് മത്സരിക്കുമെന്ന് ഉറപ്പായി. ഫലത്തില് യച്ചൂരിയുടെ വരവ് പിണറായിയുടെ മോഹങ്ങളെയാണ് മങ്ങലേല്പിച്ചിരിക്കുന്നത്.
അച്യുതാനന്ദന്റെ ലക്ഷ്യവും ഇതു തന്നെയായിരുന്നു. യച്ചൂരി പാര്ട്ടി അധ്യക്ഷനായാല് താന് വിചാരിക്കുന്നതെല്ലാം സാധിക്കുമെന്ന് അദ്ദേഹത്തിനറിയാം. പിണറായിയുമായി യച്ചൂരിക്ക് പേരിനു പോലുമുള്ള ബന്ധമില്ല. പിണറായി യുഗം അവസാനിച്ചെന്നും അച്യുതാനന്ദന് കരുതുന്നു.
അച്യുതാനന്ദന് കേന്ദ്രകമ്മിറ്റിയില് നിന്നും ഒഴിവാക്കപ്പെട്ടെങ്കിലും അദ്ദേഹത്തെ പ്രത്യേക ക്ഷണിതാവാക്കിയത് യച്ചൂരിയാണ്. അച്യുതാനന്ദിന്റെ മോശം സമയങ്ങളിലെല്ലാം തന്നെ അദ്ദേഹത്തിന് രക്ഷയായെത്തിയത് യച്ചൂരിയാണ്. ബൃന്ദാകാരാട്ടും അച്യുതാനന്ദനൊപ്പമുണ്ടായിരുന്നു. എന്നാലും യച്ചൂരിയുടെ വാക്കുകള്ക്കായിരുന്നു എന്നും മേല്ക്കൈ.
നിയമസഭാ തെരഞ്ഞെടുപ്പിന് മാസങ്ങള് മാത്രം ശേഷിക്കെ അച്യുതാനന്ദനെ രംഗത്തിറക്കി കളം പിടിക്കാനായിരിക്കും കേന്ദ്രനേതൃത്വം തയ്യാറാവുക. പിണറായിയുടെ മേല് അഴിമതിക്കറ വീണതിനാല് അദ്ദേഹത്തെ രംഗത്തിറക്കി വിജയം നേടാന് കഴിയുമെന്ന് ആരും പ്രതീക്ഷിക്കുന്നില്ല. സംസ്ഥാന സെക്രട്ടറി കോടിയേരി ബാലകൃഷ്ണനും ഇമേജ് കുറവാണ്. സംസ്ഥാനത്ത് ആകെ ഇമേജുള്ള ഏക സിപിഎം നേതാവ് വിഎസാണ്
അരുവിക്കര തെരഞ്ഞെടുപ്പ് നയിക്കുന്നത് അച്യുതാന്ദനായിരിക്കും. കാര്ത്തികേയന്റെ ഭാര്യ മത്സരിച്ചാല് പോലും യുഡിഎഫിന് സാധ്യത കുറവാണ്, കാര്ത്തികേയന്റെ ഭാര്യയ്ക്ക് വേണ്ടത്ര ജനപിന്തുണയുമില്ല.
അണികള് വിഎസിന് ഒപ്പമാണെന്ന് യച്ചൂരിക്കറിയാം. ബംഗാളിലും ജനപിന്തുണയുള്ള നേതാക്കളെയാണ് യച്ചൂരി അന്വേഷിക്കുന്നത്. കേരളത്തില് പാര്ട്ടിയെ തിരിച്ചു കൊണ്ടു വരാനായിരിക്കും യച്ചൂരിയുടെ ആദ്യ ശ്രമം.
യച്ചൂരിയും വിഎസും കഴിഞ്ഞ ദിവസം രാത്രി ഫോണില് സംസാരിച്ചിരുന്നു. മത്സരം നടക്കുമെന്ന് ഉറപ്പായപ്പോള് വിസ് യച്ചൂരിക്ക് ആശംസ നേര്ന്നത് കേരളത്തിലും അഖിലേന്ത്യാ തലത്തിലും വാര്ത്താ പ്രാധാന്യം നേടിയിരുന്നു. കറ കളഞ്ഞ നേതാക്കളുടെ പിന്തുണ യച്ചൂരിക്കാണെന്ന ധ്വനി സൃഷ്ടിക്കാനും വിഎസിന്റെ ആശംസയ്ക്ക് കഴിഞ്ഞു. ബംഗാളിലെ നേതാക്കളും യച്ചൂരിക്കൊപ്പമാണ്, ചുരുക്കത്തില് പിണറായിയുടെ കഥ അവസാനിച്ചെന്നു പറയാം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha