പറഞ്ഞതെല്ലാം സത്യം... വീരേന്ദ്രകുമാറിന്റെ പരാതിയില് കാര്യമുണ്ടെന്ന് ഉമ്മന്ചാണ്ടി; പരാതികള് ഗൗരവമായി പരിഗണിച്ച് നടപടിയെടുക്കും
ജനാതാദള് യുണൈറ്റഡ് നേതാവ് എം.പി. വീരേന്ദ്രകുമാറിന്റെ പരാതിയില് കാര്യമുണ്ടെന്ന് മുഖ്യമന്ത്രി ഉമ്മന് ചാണ്ടി. ഘടകകക്ഷികളുടെ പരാതികള് ഗൗരവമായി പരിഗണിച്ച് നടപടിയെടുക്കും. എല്ലാ പ്രശ്നങ്ങളും പരിഹരിച്ച് ഒറ്റക്കെട്ടായി മുന്നോട്ടു പോകും. വീരേന്ദ്രകുമാര് പറഞ്ഞ കാര്യങ്ങള് പരിശോധിച്ചു വരികയാണെന്നും മുഖ്യമന്ത്രി പറഞ്ഞു.
യുഡിഎഫ് ഘടകകക്ഷികളില് വലിപ്പച്ചെറുപ്പമില്ല. ഇതേ മുന്നണിതന്നെ അടുത്ത തിരഞ്ഞെടുപ്പും നേരിടും. ഒരു കക്ഷിയും യുഡിഎഫില് നിന്ന് അടര്ന്നുപോകില്ലെന്നും മുഖ്യമന്ത്രി കൂട്ടിച്ചേര്ത്തു. വീഴാന് സാധ്യതയുള്ള സര്ക്കാരാണേല് എന്നേ വീണേനേയെന്നും അദ്ദേഹം പറഞ്ഞു.
എല്ഡിഎഫ് വിട്ടുവന്നിട്ടും ആര്എസ്പിക്ക് നല്കിയ പരിഗണന പോലും തങ്ങള്ക്ക് ലഭിച്ചില്ലെന്ന് എം.പി. വീരേന്ദ്രകുമാര് പറഞ്ഞിരുന്നു. പരാതിയില്ലെന്ന് ആരും കരുതരുത്. ലോക്സഭ തിരഞ്ഞെടുപ്പിലും അര്ഹിച്ച പരിഗണന കിട്ടിയില്ല. വടകര സീറ്റാണ് ചോദിച്ചത്. കോണ്ഗ്രസിന്റെ സിറ്റിങ് സീറ്റാണെന്ന ന്യായം ചൂണ്ടിക്കാട്ടി അത് നല്കിയില്ല. എന്നാല് ആര്എസ്പിക്ക് സിറ്റിങ് സീറ്റ് നല്കി. എല്ഡിഎഫ് വിട്ടില്ലായിരുന്നുവെങ്കില് അധികാരത്തില് തുടര്ന്നേനെയെന്നും വീരേന്ദ്രകുമാര് വ്യക്തമാക്കിയിരുന്നു. യുഡിഎഫില് അവഗണനയുണ്ടെന്ന് പറഞ്ഞിട്ടും ഒരു നേതാവും വിളിച്ചിട്ടില്ലെന്നും അദ്ദേഹം പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha